Yeremiya 8:6 - BIBELE Mahungu Lamanene

⁶ Ndzi va xiyaxiyile, ndzi yingisa swinene, kambe a ndzi twanga ku tisola ka vona. Ku hava na un'we la tivulaka mudyohi, la tisolaka a ku: ‘Ndzi endlile leswo biha!’ Hinkwavo va tiyela lomu va ku rhandzaka, va fana ni tihanci leti chavaka nyimpi, ti tsutsuma.

Xitsonga (Bibele)

⁶ Ndzi tshama ndzi yingisela kutani ndzi twa loko va vulavula, kambe a va vuli leswi lulameke; a ku na un'we la khomiwaka hi tingana hikwalaho ka ku biha ka yena, a tshamaka a ku: ‘Ndzi endle yini?’ Hinkwavo va tsutsuma kukotisa hanci leyi tsutsumelaka enyimpini.

Yeremiya 8:6 Referans Kwoze

Pisalema 14:2

HOSI Xikwembu xi languta vanhu xi ri etilweni, ku vona loko ku nga va ni lava va twisisaka, lava va xi lavaka,

Ezekiele 18:28

Leswi a nga tikamba, kutani a hambana ni mintirho ya yena hinkwayo leyo homboloka, hakunene ú ta kuma ku hanya, a nga ka a nga fi.

2 Petro 3:9

Hosi a yi hlweli ku endla leswi yi nga tshembisa swona, hilaha van'wana va twisisaka “ku hlwela” hakona, kambe yi lehisa mbilu hikwalaho ka n'wina; a yi lavi leswaku ni un'we wa n'wina a lova, kambe yi lava leswaku hinkwavo va ta eku hundzukeni.

Malakiya 3:16

Kutani vanhu lava chavaka HOSI Xikwembu, a va vulavula swin'we. Hiloko HOSI Xikwembu xi rhiya ndleve xi va yingisa, kutani ku tsariwa buku emahlweni ka xona, yo tsundzuka hinkwavo lava chavaka HOSI Xikwembu, lava xiximaka vito ra xona.

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Nhlavutelo 9:20

Vanhu hinkwavo lava nga pona ku dlawa hi mintungu leyi, a va fularhelanga leswi endliweke hi mavoko ya vona: A va tshikanga ku gandzela mademona ni swikwembu swa hava swa nsuku ni swa silivhere ni swa koporo ni swa maribye ni swa mintsandza, leswi nga voniki, swi nga twiki, hambi ku ri ku famba swi nga fambiki.

Hagayi 1:7

“Hikokwalaho, mina HOSI ya matimba hinkwawo ndzi vurisa sweswo ndzi ri, tikambeni mi xiyisisa leswi humelelaka evuton'wini bya n'wina.

Hagayi 1:5

Hikokwalaho, mina HOSI ya matimba hinkwawo ndzi ri, tikambeni mi xiyisisa leswi humelelaka evuton'wini bya n'wina.

Ezekiele 22:30

Ndzi lavile munhu exikarhi ka vona loyi a nga akaka khumbi, a yima exikarhi ka mina na vona a va sirhelela leswaku ndzi nga herisi tiko, kambe a ndzi n'wi kumanga.

Yeremiya 5:1

HOSI Xikwembu xi ri: “Rhendzelekani hi magondzo ya Yerusalema, mi xiyaxiya leswi humelelaka. Lavisisani etimbaleni ta muti, kutani loko mi nga tshuka mi kuma munhu la tsakelaka ntiyiso ni ku endla leswi lulameke, mina ndzi ta rivalela Yerusalema.

Esaya 59:16

HOSI Xikwembu xi swi vonile ni leswaku a ku na munhu loyi a tiyimiseleke ku pfuna van'wana, xi hlamarile ku vona leswaku a ku na loyi a lamulelaka vanhu va xona; hikokwalaho, xi ta ya hi xoxe, xi ya lwa xi hlula, xi komba leswaku hi xona mulamuleri.

Esaya 30:18

Hambiswiritano, HOSI Xikwembu xa ha mi languterile, xi lava ku mi komba tintswalo, xi tsakela ngopfu ku mi twela vusiwana, hikuva hi xona Xikwembu lexi endlaka leswo lulama; hinkwavo lava va xi tshembaka, va ta kuma minkateko.

Ntirho 10:2

Wena Xikwembu, ndzi ri, u nga ndzi veki nandzu, kambe ndzi kombe leswi ndzi ku dyoheleke swona.

Yeremiya 23:25

Vaprofeta lava mina ndzi nga va rhumangiki, ndzi va twile loko va hemba va ku: ‘Hi lorhile! Hi lorhile!’

Ntirho 34:31

Kambe loko a ku ka Xikwembu: ‘Ndza hlambanya, leswaku a ndzi nga ha dyohi,

Ntirho 34:32

ndzi kombe leswi a swi ndzi tumbelela; loko ndzi onhile, a ndzi nga ha engeti!’

Esaya 57:17

Vanhu va mina ndzi va hlundzukerile ndzi va ba, hikwalaho ka xidyoho xa vona xa ku va ni makolo; ndzi va kariherile ndzi tlhela ndzi va fularhela, hambiswiritano a va hundzukanga, va yile mahlweni va endla leswi timbilu ta vona ti tsakelaka swona.

Yeremiya 3:5

U te ka mina: ‘Xana u ta ndzi hlundzukela ni ku ndzi karihela minkarhi hinkwayo xana?’ Sweswo u swi vurile hi nomo ntsena, hikuva u yile emahlweni u endla leswo biha hinkwaswo.”

Daniele 9:11

Hina hinkwerhu Vaisraele, hi tlurile nawu wa wena hi wu tshika, hi ala ku yingisa rito ra wena. Hikokwalaho leswi hi ku dyoheleke we Xikwembu, hi weriwile hi ndzhukano lowu Muxe nandza wa wena a wu tsaleke eNawini, lowu a wu tiyiseke hi ku hlambanya.

Sofoniya 3:7

A ndzi anakanya leswaku mi ta ndzi chava, n'wina vanhu va mina, mi pfumela ku tshinyiwa, leswaku vutshamo bya n'wina byi nga herisiwi; kambe minkarhi hinkwayo loko ndzi tikombile ka n'wina, mi hisekerile ku endla mintirho ya n'wina hinkwayo leyo biha.