Yeremiya 8:16 - BIBELE Mahungu Lamanene

¹⁶ Valala va fikile eDani, hi twa ku rila ka tihanci ta vona, mpfumawulo wa kona wu tsekatsekisa tiko hinkwaro. Va tela ku ta herisa tiko ni hinkwaswo leswi nga ka rona; va ta herisa muti ni vaaki va wona!”

Xitsonga (Bibele)

¹⁶ Mpfumawulo wa tihanci ta yena wu twakala eDani, misava hinkwayo yi tsekatseka hi swirilo leswi chavisaka swa wona; va ta ku ta herisa tiko ni hinkwaswo leswi nga eka rona, ni miti, ni vaaki va yona;

Yeremiya 8:16 Referans Kwoze

Vaavanyisi 18:29

va wu thya vito ra “Dani”, kokwa wa vona loyi a velekiweke hi Yakobo. Kambe khale muti lowu a wu tiviwa hi vito ra “Layixi”.

Vaavanyisi 5:22

“Enkarhini wolowo, tihanci ta Sisera ti baleka, ti ri karhi ti jaha swinene, ti ba hansi hi swinondzwana.

1 Vakorinto 10:28

Kambe loko un'wana a mi byela a ku: “Swakudya leswi, swi humeseriwile swikwembu swa hava”, mi nga swi dyi, hikwalaho ka loyi a mi tsundzuxeke, hi ripfalo ro ka ri nga ntshunxekanga;

1 Vakorinto 10:26

hikuva misava ni hinkwaswo leswi nga ka yona i swa Hosi.

Habakuku 3:10

Loko tintshava ti ku vona, ta chukuvanya; ndhambi yi halaka kunene, yi khuluka; mati ya xidziva ma hobomulana, magandlati ya xona ma tlakuka, wonge i mavoko.

Nahume 3:2

Twana ku buluka ka ximoko ni vuntswikiri-ntswikiri bya mavhilwa! Tihanci a hi rivilo ra tona, ni makalichi, mo gèdlè-gèdlè!

Yeremiya 47:3

Loko va twa huwa ya tihanci leti paletelaka ritshuri, ni vugedle-gedle bya makalichi ya nyimpi, ni vuntswikiri-ntswikiri bya mavhilwa ya kona, vavanuna va ta tsemeka nhlana hi ku chava, va rivala ni ku sirhelela vana va vona.

Yeremiya 10:25

Chululela vukari bya wena ehenhla ka vanhu lava nga ku tiviki, va nga lava va nga ku khongeriki, hikuva va hlaserile va ka Yakobo, va phangha swilo swa vona hinkwaswo, tiko ra vona ri hundzuka mananga.

Yeremiya 6:23

Va khomile vurha ni mafumu; va ni nsele, a va tweli munhu vusiwana. Huwa ya vona yi fana ni lwandle loko ri pfuma; va ta va gadile tihanci, va xaxametile mavuthu ya vona va lava ku ku hlasela, we muti wa Siyoni.”

Yeremiya 4:24

Ndzi langutile etintshaveni, ndzi kuma leswaku a ti ri eku tsekatsekeni, ni swintshabyana hinkwaswo a swi ri karhi swi ninginika.

Pisalema 24:1

Misava ni hinkwaswo leswi nga ka yona i swa HOSI Xikwembu; matiko ni hinkwavo lava akeke eka wona i swa xona.

Vaavanyisi 20:1

Kutani Vaisraele hinkwavo, ku suka eDani ku ya fika eBerexeba, ku katsa ni va le tikweni ra Giliyadi, va hlengeletana emahlweni ka HOSI Xikwembu eMispa, va ri ni xikongomelo xin'we.

Ntirho 39:20

Hi wena u yi thamukisaka kukota njiya ke? Ya tikurisa, yi tshukisa vanhu hi ku rila ka yona.

Yeremiya 3:24

“Ku sukela loko ha ha ri lavantshwa, swikwembu leswi khomisaka tingana swa Baali swi hetile xuma xa vatata wa hina; swi dyile tihomu ni timbuti ta vona, swi dya na hina vana va vona va xinuna ni va xisati.

Yeremiya 5:17

Va ta onha leswi mi swi tshoveleke emasin'wini, va dya ni vuswa bya n'wina. Va ta dlaya vana va n'wina va xinuna ni va xisati, va tlhava swifuwo swa n'wina leswikulu ni leswitsongo. Va ta tsema mirhi ya n'wina ya vhinya ni ya minkuwa, va mbundzumuxa miti ya n'wina ya makhokholo, leyi a mi titwa mi hlayisekile eka yona.”

Yeremiya 30:5

“Mina HOSI ndzi ri: Ku twakarile nkalanga, vanhu va rhurhumela va pfumala ku rhula.

Yeremiya 30:16

Hambiswiritano, hinkwavo lava va ku hlaselaka, ndzi ta va hlasela na vona, valala va wena hinkwavo va ta yisiwa evukhumbini; lava phanghaka swilo swa wena, ni swa vona swi ta phanghiwa, hinkwavo lava va ku tekelaka swa wena, na vona va ta tekeriwa swa vona.

Yeremiya 50:42

Va khomile vurha ni mafumu, va ni nsele, a va tweli munhu vusiwana. Huwa ya vona yi fana ni ya lwandle loko ri pfuma, va ta va gadile tihanci; va xaxametile mavuthu ya vona, va lava ku ku hlasela, we muti wa Babilona.

Yeremiya 51:29

Misava ya rhurhumela, yi le maxangwini, hikuva makungu ya HOSI Xikwembu ehenhla ka Babilona ma tiyile swinene: Tiko ra Babilona, xi ta ri hundzula mananga, ku nga ha tshami munhu eka rona.

Yeremiya 4:7

Nghala yi humile exihlahleni, muhlaseri wa matiko ú hlomile matlhari, a suka ekaya ka yena leswaku a ta hlasela tiko ra n'wina a ri hundzula mananga, miti ya n'wina ú ta yi endla marhumbi, ku nga ha tshami munhu eka yona.