Yeremiya 8:14 - BIBELE Mahungu Lamanene

¹⁴ Vaisraele va ri: “Ha ha tshamela yini kwala xana? A hi yeni hinkwerhu hi ya tumbela emitini ya makhokholo; hi ta fela eka yona, hikuva HOSI Xikwembu xi hi avanyisele rifu, xi hi nwisile mati ya vuxungu, hi mhaka ya leswi hi xi dyoheleke.

Xitsonga (Bibele)

¹⁴ Hi tshamisela yini kwala? Hlengeletanani, hi ta nghena emitini ya makhokholo, hi fa kona, hikuva Yehovha, Xikwembu xa hina, u ta hi lovisa, u hi nwisile mati lama bavaka, hikuva hi dyohele Yehovha.

Yeremiya 8:14 Referans Kwoze

Yeremiya 23:15

Hikokwalaho mina HOSI ya matimba hinkwawo ndzi vurisa sweswo ehenhla ka vaprofeta, ndzi ri, yingisani! Ndzi ta mi dyisa leswo bava, ndzi mi chelela vuxungu ematini, mi nwa, hikuva swilo leswi nyamisaka tiko hinkwaro swi vangiwa hi n'wina vaprofeta va le Yerusalema.”

Yeremiya 9:15

Hikokwalaho mina HOSI ya matimba hinkwawo, mina Xikwembu xa Israele, ndzi vurisa sweswo ndzi ri: Vanhu va mina ndzi ta va dyisa leswo bava, ndzi va nwisa ni vuxungu.

Swirilo 3:19

Loko ndzi tsundzuka nhlomulo ni ku pepetseka ka mina, onge ndzo nwisiwa nyongwa leyi bavaka.

Yeremiya 35:11

Kambe loko Nebukadnetsara hosi ya le Babilona a sungurile ku hlasela tiko leri, hi twananile ku suka hi ta haleno Yerusalema, hi ku chava mavuthu ya Vakalediya ni ya Vasiriya. Hi swona leswi endlaka leswaku hi tshama kwala Yerusalema.”

Matewu 27:34

va n'wi nyika vhinyo leyi pfanganyisiweke ni nyongwa leswaku a nwa; kambe loko a nantswile, a ala ku yi nwa.

Pisalema 69:21

Va ndzi phamele swakudya leswi cheriweke murhi wo dlaya, loko ndzi twa torha, va ndzi nwisa ntsuvi.

2 SAMIELE 20:6

Kutani Davhida a ku ka Abixayi: “Swi vonaka onge Xeba ú ta hi karhata ku tlula Abixalomu. Teka malandza ya mina n'wini wa wena, u famba u n'wi lava, hikuva a nga kala a kuma miti ya makhokholo, kutani a hi vangela swo karhata.”

Duteronoma 29:18

Mi fanele ku tivonela, hikuva ku nga tshuka ku va ni wanuna kumbe wansati, kumbe vanhu va ndyangu wo karhi kumbe va nyimba yo karhi, lava namuntlha va fularhelaka HOSI Xikwembu xa hina, va ya va ya tirhela swikwembu leswi swa vamatiko. Exikarhi ka n'wina ku nga tshuka ku va ni ximilana xa mihandzu yo bava leyi dlayaka,

Zakariya 2:13

N'wina swivumbiwa hinkwaswo miyelani emahlweni ka HOSI Xikwembu, hikuva xi le kusuhi ni ku tikomba xi huma evutshan'wini bya xona lebyo hlawuleka.

Habakuku 2:20

Kambe HOSI yi le ndlwini ya yona leyo hlawuleka; misava hinkwayo a yi miyele hi xichavo emahlweni ka yona, yi ku whíí!

Amosi 6:10

Kutani loko munhu a ya humesa ntsumbu wa xaka ra yena endlwini ku ya wu hisa, ú ta vutisa loyi a nga ta va a ri ndlwini empfungwe, a ku: “Xana a ka ha ri na ntsumbu wun'wana kwalaho xana?” Yena ú ta hlamula a ku: “Ku hava!” a engeta a ku: “Miyela! U nga ha vulavuli u khumba vito ra HOSI!”

Yeremiya 14:20

We HOSI, vubihi bya hina ha byi tiva, hi tiva ni swidyoho swa vatata wa hina: Hakunene hi ku dyoherile!

Pisalema 39:2

Hikokwalaho, ndzi timiyelerile, ndzi nga vuli nchumu, kambe ku miyela loku a ku ndzi pfunanga nchumu: Ku karhateka ka mina ku yile ku nyanya,

Duteronoma 32:32

Vhinya ya vona yi huma eSodoma, ni le masin'wini ya le Gomora; mihandzu ya vona ya vhinya ya dlaya, swichocho swa kona hinkwaswo swa bava.

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

Esaya 47:5

HOSI Xikwembu xi ri: “Nghena exinyamini, u tshama u ku whíí, we muti wa Vakalediya, hikuva u nga ka u nga ka vuriwi nkosikazi ya matiko layo tala.

Yeremiya 3:25

A hi korhameni ehansi, hikuva hi ni tingana letikulu, milandzu ya hina ya hi tshikelela. Ku sukela evuhlangini bya hina ku fikela siku ra namuntlha, hina ni vatata wa hina hi dyoherile HOSI Xikwembu xa hina. Leswi HOSI Xikwembu xa hina xi hi byeleke swona, a hi swi yingisanga.”

Yeremiya 14:7

Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.

Yeremiya 9:14

Va tiomisile tinhloko, va endla leswi va swi rhandzaka, va tirhela swikwembu swa Baali hilaha vatata wa vona va va dyondziseke hakona.