Yeremiya 8:13 - BIBELE Mahungu Lamanene

¹³ HOSI Xikwembu xi vula sweswo xi ri: “Ndzi lavile ntshovelo eka Vaisraele, kambe a ndzi wu kumanga; hikokwalaho ndzi ta va herisa. Va fana ni murhi wa vhinya kumbe nkuwa lowu nga tswaliki nchumu, lowu matluka ya wona ma omeke; hikokwalaho ndzi ta va tshika, va kandziyeriwa hansi hi vahundzi va ndlela.”

Xitsonga (Bibele)

¹³ “Ndzi ta va heta,” ku vula Yehovha, “leswaku ku ta pfumariwa mihandzu evhinyeni, ni loko ma ri makuwa enkuweni, ni matluka ma ta oma, kambe lexi ndzi va nyikeke xona xi ta va phonyomukela.”

Yeremiya 8:13 Referans Kwoze

Matewu 21:19

kutani a vona nkuwa kusuhi ni ndlela; a hambuka a ya eka wona, kambe a nga kumanga nchumu eka wona loko ma nga ri matluka ntsena; hiloko a ku ka murhi lowu: “A ku nga ha kumeki mihandzu eka wena ni siku ni rin'we!” Hi nomu lo nkuwa wu oma.

Yuwele 1:7

Va onhile masimu ya hina ya vhinya, ni mirhi ya hina ya minkuwa, va yi tsemelerile. Va kwamurile mahanti ya yona, va ma cukumetela ehansi, marhavi ya yona va ma kwalarisile.

Yeremiya 17:8

Ú fana ni murhi lowu milaka kusuhi ni nambu, lowu timitsu ta wona ti kumaka mati; murhi wa kona a wu chavi dyambu, matluka ya wona a ma vuni, enkarhini wa dyandza a wu omi, a wu tshiki ku veka mihandzu.

Yakobo 1:11

Dyambu ri huma ri ri ni ku hisa ka rona, ri vunisa nhova; swiluva swi wela hansi, ni ku saseka ka swona ka onhaka. Hi mukhuva wolowo, mufuwi na yena ú ta vuna a herisiwa, a ri karhi a landzelela swilo swa yena.

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.

Hagayi 1:11

Hikokwalaho, ndzi lerisile leswaku ku va ni dyandza etikweni ni le magangeni; ku ta pfumaleka koroni, ni vhinyo leyintshwa, ni mafurha, ni hinkwaswo leswi milaka emisaveni; dyandza ri ta wela vanhu ni swifuwo, ni mihandzu hinkwayo ya nyuku wa vona.”

Habakuku 3:17

Hambiloko nkuwa wu nga baleki swiluva, kumbe murhi wa vhinya wu nga cheli mihandzu; hambiloko mutlhwari wu kanganyisa mubyari wa wona, ni masimu ma nga humesi swakudya; hambiloko tinyimpfu ti fa hinkwato ematshangeni, ni tihomu ti nga ha vonaki eswivaleni,

Yeremiya 5:17

Va ta onha leswi mi swi tshoveleke emasin'wini, va dya ni vuswa bya n'wina. Va ta dlaya vana va n'wina va xinuna ni va xisati, va tlhava swifuwo swa n'wina leswikulu ni leswitsongo. Va ta tsema mirhi ya n'wina ya vhinya ni ya minkuwa, va mbundzumuxa miti ya n'wina ya makhokholo, leyi a mi titwa mi hlayisekile eka yona.”

Esaya 5:10

Etindzimeni ta khume ta vhinya, ku ta huma vhinyo yo tata khuwana rin'we ntsena; saka ra mbewu ri ta humesa ntshovelo wa xirhundzu xin'we ntsena!”

Levhitika 26:20

Mi ta tirha, kambe mi to tirhela mahala, hikuva masimu ya n'wina a ma nga humesi ntshovelo wo nyawula, ni mirhi ya n'wina ya mihandzu a yi nga tswali nchumu.

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Yeremiya 14:12

Hambi va nga titsona swakudya, a ndzi nga yingisi swikhongelo swa vona. Loko va ndzi hisela magandzelo ya nyama kumbe ya mapa, a ndzi nga va amukeli, ndzi ta va herisa hi matlhari, ni tindlala, ni mintungu.”

Hosiya 2:12

Ndzi ta herisa mirhi ya yena ya vhinya ni ya makuwa, yi nga leyi a nga te: ‘Leyi i hakelo ya mina, ndzi nyikiwile yona hi swigangu swa mina.’ Ndzi ta yi hundzula xihlahla, swiharhi swa nhova swi ta yi dya swi heta.

Yeremiya 14:15

Hikokwalaho mina HOSI ndzi ri: Vaprofeta lava vulavulaka hi vito ra mina ndzi nga va rhumanga, vona lava vulaka leswaku tiko leri a ri nga karhatiwi hi tinyimpi ni tindlala, vaprofeta volavo va ta herisiwa hi tlhari ni ndlala.

Ezekiele 22:31

Hikokwalaho ndzi chululerile vukari bya mina ehenhla ka vona; ndzi va herisile hi ndzilo wa ku hlundzuka ka mina, ndzi va ba hikwalaho ka swiendlo swa vona. Ndzi vula sweswo mina HOSI N'wini wa hinkwaswo.”

Malakiya 3:11

Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.