Yeremiya 7:9 - BIBELE Mahungu Lamanene

⁹ Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Xitsonga (Bibele)

⁹ I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

Yeremiya 7:9 Referans Kwoze

Yeremiya 7:6

Mi nga xanisi valuveri, ni lava feriweke hi vatswari, ni tinoni. Exivandleni lexi mi nga tshuki mi dlaya vanhu lava nga riki na nandzu. Naswona tshikani ku landzelela swikwembu swa hava leswi swi mi vangelaka makhombo.

Eksoda 20:3

“U nga tshuki u gandzela swikwembu swin'wana, kambe gandzela mina ntsena.

Yeremiya 11:17

N'wina Vaisraele na n'wina va ka Yuda, mi simekiwile hi mina, kambe sweswi ndzi ta mi vangela khombo mina HOSI, hikuva mi ndzi karihisile hi ku hisela swikwembu swa Baali emirhi ya risuna.”

Yeremiya 11:13

Xikwembu xi ri: “We tiko ra Yuda, swikwembu swa wena swi tele ku ringana ni miti ya wena; na tona tialitari ta wena ti tele ku ringana ni magondzo ya le Yerusalema. Tialitari ta kona ti khomisa tingana, hikuva u ti akele ku humesela swikwembu swa Baali emagandzelo lama hisiwaka.

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

1 TIHOSI 18:21

Hiloko Eliya a ta eka ntshungu hinkwawo a ta ku: “Xana mi ta khwita hi milenge mimbirhi ku fikela rini? Loko HOSI Xikwembu xi ri Xikwembu hakunene, tirhelani xona. Kambe loko Baali a ri Xikwembu, tirhelani yena.” Kambe a nga hlamuriwanga hi munhu.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Varhoma 2:2

Ha swi tiva leswaku Xikwembu a xi hoxi loko xi avanyisa lava endlaka leswo tano.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Sofoniya 1:5

Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

Ezekiele 18:18

Kambe tata wa kona yena ú ta fela mintirho ya yena leyo homboloka, hikuva ú xanisile varikwavo, a va tekela swa vona, a endla leswi biheke exikarhi ka va ka vona.

Yeremiya 44:3

hikuva va ndzi hlundzukisile hi ku hisa mirhi ya risuna, va tirhela swikwembu swimbe leswi va nga swi tiviki, leswi na n'wina ni vatata wa n'wina mi nga swi tivangiki.

Yeremiya 32:29

Vakalediya lava lwaka ni muti lowu, va ta ta va ta wu hisa wu tshwa hinkwawo, ku tshwa tindlu leti Vaisraele va khandziyaka emalwangwini ya tona, va ya hisela Baali emirhi ya risuna, va humesela ni swikwembu swimbe emagandzelo ya swakunwa, va endlela ntsena ku ndzi hlundzukisa.

Yeremiya 13:10

Vanhu lava vo homboloka va ala ku yingisa marito ya mina; va tiomisa tinhloko, kutani va endla leswi timbilu ta vona ti va byelaka swona: Va tinyiketa eka swikwembu swin'wana, va swi khongela ni ku swi tirhela. Hikokwalaho, va ta fana ni vamba leri, leri ri nga ha pfuniki nchumu.

Vaavanyisi 5:8

Loko Vaisraele va hlawula swikwembu swin'wana, nyimpi a yi pfurha etinyangweni ta vona. Exikarhi ka vavanuna va Israele va 40 000, a ku ri hava ni un'we loyi a a khome xitlhangu kumbe tlhari.

Duteronoma 32:17

Va humesile magandzelo, va humesela swikwembu leswi nga hanyiki, leswi ni ku swi tiva a va nga swi tivi; eka vona a swi ri swintshwa, leswa ha ku fikaka, leswi vatata wa vona a va nga ri na mhaka na swona.

Esaya 1:13

Mi nga ha tisi tinyiko ta n'wina to ka ti nga pfuni nchumu, ni mirhi ya n'wina ra risuna ya ndzi nyenyetsa; minkhuvo ya n'wina ya ku tshama ka n'weti ni ya Savata ni ku rhambana ka n'wina, ndzi nga ka ndzi nga swi tiyiseli, hikuva mi hlanganisa vubihi ni tinhlengeletano to hlawuleka.

Esaya 58:2

Masiku hinkwawo va lava ku tiva ku rhandza ka mina, va tiendla lava tsakelaka tindlela ta mina, wonge hi loko va ri vanhu lava endlaka leswi lulameke, lava nga tshikangiki milawu ya Xikwembu xa vona. Va lava leswaku ndzi va komba ndlela ya leswo lulama, va ri va tsakela ngopfu ku ndzi gandzela!

Yeremiya 1:16

Vaaki va miti leyi, ndzi ta va ba hikuva va ndzi tshikile, va endla swilo swo tala leswi biheke: Va hiserile swikwembu swin'wana emirhi ya risuna, va gandzela leswi va nga tiendlela swona vona vinyi.

Yeremiya 5:7

HOSI Xikwembu xi ri: “We Yerusalema, xana ndzi ta ku rivalela loko swi te yini? Vaaki va wena va ndzi tshikile, va hlambanya hi vito ra swikwembu swa hava. Ndzi va phamerile va dya va xurha, kambe a va tshembekanga; va tate minkondzo emitini ya tinghwavava,

Yeremiya 18:15

Kambe vanhu va mina vona va ndzi rivele, kutani va hisela swikwembu swa hava emirhi ya risuna. Swikwembu leswi swi va khugula va wa, va tshika ndlela ya vona ya khale, kutani va sungula ku chochovela hi nhova ematshan'wini yo famba hi gondzo leri lulamisiweke.

Yeremiya 19:4

Mhaka ya kona hileswaku vanhu va mina va ndzi tshikile, va nyamisa xivandla lexi hi ku hisa mirhi ya risuna eka xona, va hisela swikwembu swimbe leswi vatata wa vona va nga swi tivangiki, hambi ti ri tihosi ta Yuda a ti swi tivanga. Naswona exivandleni lexi, va dlayile vanhu lavo tala lava a va nga ri na nandzu.

Yeremiya 44:8

Mi ndzi hlundzukisile hi mintirho ya n'wina, hikuva mi hiserile swikwembu swimbe emirhi ya risuna kwala tikweni ra Egipta, leri mi teke ku ta tshama eka rona; hikokwalaho mi ta dlawa, mi hundzuka ndzhukano ni xihlekiso ematikweni hinkwawo laha misaveni.

Yeremiya 44:9

Vubihi lebyi endliweke etikweni ra Yuda ni le magondzweni ya Yerusalema, mi lo byi rivala xana? Vubihi bya kona byi endliwile hi vatata wa n'wina ni tihosi ta Yuda ni vasati va tona; hambi mi ri n'wina ni vasati va n'wina mi byi endlile!

Yeremiya 48:35

HOSI Xikwembu xi vula sweswo xi ri: “Lava tlhandlukelaka eswitsungeni ku ya humesela swikwembu swa vona emagandzelo ni ku swi hisela mirhi ya risuna etikweni ra Mowabu, ndzi ta va herisa!”

Ezekiele 5:11

Mina HOSI N'wini wa hinkwaswo, ndza tiboha hi ku hlambanya ndzi ri: Leswi mi nyamiseke Tempele ya mina hi swilo swa n'wina leswo nyangatsa ni manyala ya n'wina, ndzi ta mi byewula tinhloko, ndzi nga ha mi tsetseleli kumbe ku mi twela vusiwana.

Ezekiele 23:39

Siku va endleke magandzelo hi vana va vona va humesela swikwembu swa hava, va tlhele va nghena eTempeleni ya mina va yi nyamisa; hi swona leswi va swi endleke endlwini ya mina.

Hosiya 2:13

Ndzi ta n'wi ba, ndzi n'wi bela masiku ya minkhuvo ya swikwembu swa Baali, ma nga masiku lawa a hiseleke va Baali emirhi ya risuna, a hlova hi swingwavila ni vuhlalu, a famba a hlota swigangu swa yena, kambe mina, a a ndzi rivala! Ndzi vula sweswo, mina HOSI.”

Hosiya 6:9

Vaprista va fana ni swigevenga leswi tumbelelaka vanhu, va hlengeletana endhawini yin'we, va dlaya vanhu endleleni yo ya eXikeme; leswi va swi endlaka i manyala ntsena.

Amosi 4:5

humesani gandzelo ra swinkwa ro nkhensa Xikwembu, twarisani tinyiko ta n'wina mi tidzunisa ha tona, hikuva sweswo hi swona leswi mi swi rhandzaka, n'wina vanhu va Israele!” HOSI N'wini wa hinkwaswo ú vula sweswo.

Yeremiya 5:2

Hambiloko va tiboha hi ku vula va ku: ‘HOSI Xikwembu xi kona!’ ku hlambanya ka vona i mavunwa ntsena.”

Ezekiele 20:30

“Hikokwalaho u fanela ku byela Vaisraele leswaku mina HOSI N'wini wa hinkwaswo ndzi ri: Xana mi lava ku tinyamisa ku fana ni vatata wa n'wina, mi hambuka endleleni mi ya gandzela swilo leswi swa manyala xana?