Yeremiya 7:8 - BIBELE Mahungu Lamanene

⁸ “Kambe n'wina mi titwa mi hlayisekile loko mi landzelela vakanganyisi lava va mi byelaka leswo ka swi nga pfuni nchumu.

Xitsonga (Bibele)

⁸ “ ‘Kambe maswivo, mi titshembisa hi ku vulavula ka swahava loku nga pfuniki nchumu.

Yeremiya 7:8 Referans Kwoze

Esaya 28:15

Mi tidzunisa, mi ku mi endlile ntwanano ni rifu, ni leswaku xivandla xa vafi i munghana wa n'wina; mi tshemba leswaku khombo lero chavisa leri taka ri ta hundza hi le kule, hikuva mi teka mavunwa mi ma endla khokholo, mi tiendlela xisirhelelo hi ku xisa van'wana.

Yeremiya 23:32

Mina HOSI ndzi lwa ni lava tisaka milorho ya mavunwa, lava hambukisaka vanhu va mina hi ku jakatseka ka vona loku kanganyisaka. Vaprofeta lava, mina a ndzi va rhumanga, naswona a ndzi va lerisanga nchumu; leswi va swi dyondzisaka, a swi nga pfuni vanhu va mina nikutsongo. Ndzi vula sweswo mina HOSI.”

Yeremiya 23:26

Xana swilo leswi swi ta hela rini? Xana vaprofeta lava va ehleketa yini? Va ta xisa vanhu va mina ni ku va kanganyisa ku fikela rini xana?

Yeremiya 8:10

“Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 7:4

Mi nga tikanganyisi hi ku vula mi ku: ‘Laha, hi titwa hi hlayisekile hikuva hi le Tempeleni ya HOSI, hi le Tempeleni ya HOSI, hi le Tempeleni ya HOSI!’

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

Yeremiya 4:10

Kutani ndzi ku: “We HOSI N'wini wa hina, vanhu lava ni lava akeke eYerusalema, hakunene u va xisile ngopfu, hikuva u va tshembisile leswaku va ta va ni ku rhula, kasi sweswi valala va va heta hi matlhari.”

Esaya 30:10

Va byela vamavonakule, va ku: ‘Mi nga ha vhumbhi nchumu.’ Va byela ni vaprofeta, va ku: ‘Mi nga ha hi byeli ntiyiso, kambe hi byeleni leswi nga ta hi tsakisa, leswi hi navelaka ku twa swona ntsena;

Esaya 59:4

Loko mi yisa mhaka ehubyeni leswaku yi ya kaneriwa, a mi lavi leswi lulameke, a mi tshembeki; mi vulavula mavunwa mi tshika ntiyiso, mi tshama van'wana xikungu, mi vanga makhombo.

Yeremiya 28:15

Kutani muprofeta Yeremiya a ku ka muprofeta Hananiya: “We Hananiya, HOSI Xikwembu a xi ku rhumanga, kambe u xisile vanhu lava, kutani va tshemba mavunwa ya wena.

Yeremiya 13:25

Lexi hi xona xiphemu xa wena, we Yerusalema, lexi mina HOSI ndzi nga ku avela xona, hikuva u ndzi rivarile, u tshemba swikwembu swa mavunwa.