Yeremiya 7:6 - BIBELE Mahungu Lamanene

⁶ Mi nga xanisi valuveri, ni lava feriweke hi vatswari, ni tinoni. Exivandleni lexi mi nga tshuki mi dlaya vanhu lava nga riki na nandzu. Naswona tshikani ku landzelela swikwembu swa hava leswi swi mi vangelaka makhombo.

Xitsonga (Bibele)

⁶ Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

Yeremiya 7:6 Referans Kwoze

Yeremiya 13:10

Vanhu lava vo homboloka va ala ku yingisa marito ya mina; va tiomisa tinhloko, kutani va endla leswi timbilu ta vona ti va byelaka swona: Va tinyiketa eka swikwembu swin'wana, va swi khongela ni ku swi tirhela. Hikokwalaho, va ta fana ni vamba leri, leri ri nga ha pfuniki nchumu.

Duteronoma 8:19

Namuntlha ndzi hlambanya leswaku loko mo fularhela HOSI Xikwembu xa n'wina, kutani mi landzelela swikwembu swin'wana mi swi tirhela ni ku swi gandzela, mi ta heriseriwa makumu.

Duteronoma 11:28

kasi loko mi nga yingisi swileriso swa xona, kutani mi hambuka endleleni leyi ndzi mi kombaka yona namuntlha, mi landzelela swikwembu swin'wana leswi mi nga swi tiviki, mi ta rhukaniwa.

Yeremiya 2:34

ni ngati leyi tlhambukeleke eswiambalweni swa wena, i ya swisiwana leswi nga riki na nandzu, ku nga ri ya vanhu lava u va kumeke va ri karhi va yiva! Kambe ehandle ka leswo hinkwaswo,

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Yeremiya 19:4

Mhaka ya kona hileswaku vanhu va mina va ndzi tshikile, va nyamisa xivandla lexi hi ku hisa mirhi ya risuna eka xona, va hisela swikwembu swimbe leswi vatata wa vona va nga swi tivangiki, hambi ti ri tihosi ta Yuda a ti swi tivanga. Naswona exivandleni lexi, va dlayile vanhu lavo tala lava a va nga ri na nandzu.

Esaya 59:7

A mi hlweli ku endla leswo biha, mi hatla ku halata ngati ya lava nga riki na nandzu. Lomu mi yaka kona, mo yela ntsena ku herisa ni ku fayetela.

Duteronoma 27:19

“ ‘A a rhukaniwe, munhu loyi a gombonyokisaka timhaka ta muluveri ehubyeni, kumbe ta loyi a pfumalaka vatswari, kumbe ta noni.’ Kutani Vaisraele hinkwavo va ta hlamula va ku: ‘Amen!’

Duteronoma 24:17

“Loko mi avanyisa timhaka ta valuveri ni ta lava pfumalaka vatswari, mi nga ti gombonyokisi, naswona mi nga tekeli noni nkumba wa yona wu va wo khomela ha wona.

Matewu 27:25

Tiko hinkwaro ri hlamula, ri ku: “Rifu ra yena a ri ve ehenhla ka hina ni le henhla ka vana va hina.”

Matewu 27:4

a ku ka vona: “Ndzi dyohile hi ku xenga munhu la nga riki na nandzu.” Va ku: “Ku yini ka swona eka hina ke? Swi vone wena hi wexe sweswo.”

Ezekiele 18:6

A nga khongeli swikwembu swa hava swa Vaisraele, a nga swi humeseli magandzelo eswitsungeni. Munhu wo tano a nga nyamisi nsati wa muakelani, naswona a nga etleli ni wansati la nga masikwini ya yena ya n'hweti.

Swirilo 4:13

Khombo leri ri vangiwe hi swidyoho swa vaprofeta, ni vubihi bya vaprista va kona, va nga vona lava dlayeke vanhu vo lulama, va halata ngati emutini.

Yeremiya 26:23

va ya khoma Uriya le Egipta, va vuya na yena va fika va n'wi nyiketa eka hosi Yoyakimi, kutani yena a n'wi dlaya hi tlhari, ntsumbu wu cukumetiwa emasirheni ya swikamba.

Yeremiya 26:15

Kambe tivani leswaku loko mi ndzi dlaya, mi ta va mi halatile ngati leyi nga riki na nandzu, kutani hi n'wina ni vaaki va muti lowu lava mi nga ta va ni nandzu, hikuva loyi a ndzi rhumeke ku mi byela marito hinkwawo lawa mi ma tweke, i HOSI Xikwembu hi xiviri xa xona.”

Yeremiya 7:5

A hi swona! Rhangani mi lulamisa mahanyelo ya n'wina mi tshika ni mintirho ya n'wina leyo biha. Loko ku ri ni timhaka exikarhi ka n'wina, ti avanyiseni hi ku lulama.

Yeremiya 2:30

Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

Pisalema 106:38

Va halatile ngati leyi nga riki na nandzu ya vana va vona va xinuna ni va xisati, va humesa ha yona magandzelo va nyika swikwembu swa Vakanana, va nyamisisa sweswo tiko ra vona.

2 TIHOSI 24:4

Manase a a dlayile vanhu lava a va nga ri na nandzu, a tata Yerusalema hi ngati ya vona, kutani HOSI Xikwembu a xa ha swi lavanga ku n'wi rivalela.

2 TIHOSI 21:6

Naswona a hisa n'wana wa yena a endla gandzelo ha yena; a vhumbha ni ku hlahluva, a tirhisana ni vangoma, ni lava fembaka. A endla leswo biha ngopfu emahlweni ka HOSI Xikwembu, a kondza a xi hlundzukisa swinene.

Levhitika 25:17

Mi nga tshuki mi kanganyisana emhakeni leyi, kambe mi fanele ku chava mina Xikwembu xa n'wina: Hi mina HOSI.

Yeremiya 5:28

naswona va phemeka hi ku nyuhela, va tlhela va vangama. Mintirho ya vona leyo biha yi tlula mpimo; loko va tsema timhaka a va landzeleli nawu. Swisiwana a va na mhaka na swona, tifanelo ta vapfumari a va ti sirheleli.

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Ezekiele 22:7

Exikarhi ka vanhu va wena, vatswari a va ha xiximiwi, valuveri va xanisiwa ngopfu, tinoni ni lava feriweke hi vatswari va tshikeleriwa.

Levhitika 19:33

“Loko ku ri ni munhu wa le handle loyi a luveleke exikarhi ka n'wina, mi nga tshuki mi n'wi xanisa.

Swivuriso 23:10

U nga tshuki u hundzuluxa mindzilekana leyi vekiweke khale, kumbe ku tekela swisiwana masimu ya swona,