Yeremiya 7:34 - BIBELE Mahungu Lamanene

³⁴ Tiko leri ndzi ta ri hundzula mananga: Tinsimu ta ntsako ni ta minkhuvo ya vukati a ti nga ha twiwi emitini ya Yuda ni le magondzweni ya Yerusalema.

Xitsonga (Bibele)

³⁴ Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Yeremiya 7:34 Referans Kwoze

Nhlavutelo 18:23

Ku voninga ka rivoni, a ku nga ha vonaki nakambe laha ka wena, ni marito ya muteki ni ya mutekiwa, a ma nga ha twali nakambe laha ka wena; hikuva va mabindzu va wena a va ri tinganakana ta laha misaveni, kutani vanhu va matiko hinkwawo va xisiwile hi vungoma bya wena.”

Hosiya 2:11

Ku tiphina ka yena hinkwako ndzi ta ku herisa, ndzi herisa ni minkhuvo ya yena hinkwayo: Ya ku tshama ka n'weti, ni ya Savata, ni yin'wana ya vukhongeri.

Ezekiele 26:13

Ndzi ta miyeta tinsimu ta wena ta ntsako, tiharipa ta wena a ti nga ha chayiwi hi munhu.

Yeremiya 25:10

Ndzi ta herisa tinsimu ta ntsako ni ta minkhuvo ya vukati, ti nga ha vi kona exikarhi ka vona; kona a ku nga ha kandziwi, ni timboni a va nga ha lumeki.

Yeremiya 16:9

Mina HOSI ya matimba hinkwawo Xikwembu xa Israele ndzi ri: Etikweni leri ndzi ta herisa tinsimu ni minkulungwana; vanhu a va nga ha twi huwa ya minkhuvo ya vukati. Kutani swilo leswi swi ta humelela sweswi emahlweni ka lava hanyaka etikweni leri.

Esaya 1:7

Tiko ra n'wina i marhumbi ntsena, miti yi hisiwile hi ndzilo; vanhu va le handle va mi tekele tiko, mi ri karhi mi swi vona; tiko i marhumbi ntsena, ri herisiwile hi vanhu vambe.

Levhitika 26:33

Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Mikiya 7:13

Kambe matiko man'wana ya misava ma ta hundzuka mananga, hikwalaho ka leswo biha leswi vaaki va wona va swi endleke.

Yeremiya 4:27

HOSI Xikwembu xi vurisa sweswo xi ri: “Tiko hinkwaro ri ta hundzuka mananga (hambileswi ndzi nga ta ka ndzi nga ri heriseli makumu),

Esaya 3:26

Etinyangweni ta wena ku to twala swirilo ni minkosi ntsena; u ta tekeriwa hinkwaswo, u sala u lo gòò!

Yeremiya 33:10

HOSI Xikwembu xi ri: “Ndzi ni rito eka n'wina va ka Yuda, n'wina mi vulaka leswaku xivandla lexi xi hundzukile mananga, ni leswaku a xa ha ri na vanhu kumbe swifuwo, kwalaho ma vurisa, hikuva emitini ya n'wina ni le magondzweni ya Yerusalema a ka ha tshami munhu, a ka ha vonaki vanhu kumbe swifuwo.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Pisalema 78:63

Majaha ma dlawe hi ndzilo, vanhwana a va ha twanga tinsimu ta minkhuvo ya vukati.

Yeremiya 22:6

HOSI Xikwembu xi vurisa sweswo xi ri: “Wena muti wa tihosi ta Yuda, eka mina u sasekile kukota swihlahla swa Giliyadi, u tsakisa ku fana ni tintshava ta Lebanoni. Kambe sweswi ndzi ta ku hundzula mananga, ku nga ha tshami munhu eka wena.

Yeremiya 27:17

Mi nga va yingisi; tirhelani hosi ya Babilona, kutani mi ta hanya. Xana swa fanela leswaku muti lowu wu hundzuka rhumbi xana?”

Yeremiya 44:6

Hikokwalaho vukari bya mina ni ku hlundzuka ka mina, ndzi swi chululerile swi pfurha ehenhla ka miti ya Yuda ni le magondzweni ya Yerusalema; ni namuntlha a ka ha tshami munhu emitini leyi, ku lo sala marhumbi ntsena.

Swirilo 5:14

Vakulukumba a va ha yi ehubyeni, majaha a ma ha chayi swichaya-chayani swa wona.

Ntirho 3:7

Hakunene evusikwini byebyo, ku nga velekiwi munhu, ku nga biwi minkulungwana ya ntsako.

Yeremiya 4:26

Ndzi langutile, kutani ndzi kuma leswaku tiko lero saseka a ri hundzuke mananga; miti hinkwayo ya rona a yi ri marhumbi, hikwalaho ka vukari lebyo chavisa bya HOSI Xikwembu.

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Ezekiele 7:11

Kambe tihanyi ta vona ti ta va vangela maxangu layo chavisa, a ku nga poni na un'we wa vona; mintshungu ya vona yi ta hangalaka, ni mpfumawulo wa kona wu ta miyetiwa; vukosi bya vona byi ta hela byi ku bi!

Hosiya 2:13

Ndzi ta n'wi ba, ndzi n'wi bela masiku ya minkhuvo ya swikwembu swa Baali, ma nga masiku lawa a hiseleke va Baali emirhi ya risuna, a hlova hi swingwavila ni vuhlalu, a famba a hlota swigangu swa yena, kambe mina, a a ndzi rivala! Ndzi vula sweswo, mina HOSI.”