Yeremiya 7:2 - BIBELE Mahungu Lamanene

² ku ya yima enyangweni ya Tempele, a vulavula ni va ka Yuda hinkwavo lava nghenaka ku ya gandzela eka yona. Leri hi rona rito ra HOSI leri a va khongoteleke ku yingisa rona:

Xitsonga (Bibele)

² “Yana, u ya yima enyangweni ya yindlu ya Yehovha, kutani u huwelela kona rito lero, u ku: ‘Yingisani rito ra Yehovha, n'wina hinkwenu va Yuda lava nghenaka hi tinyangwa leti ku ta khinsamela Yehovha.

Yeremiya 7:2 Referans Kwoze

Yeremiya 26:2

“Yima exivaveni xa Tempele laha vanhu hinkwavo va ka Yuda va taka ku ta khongela, u va tivisa timhaka hinkwato leti ndzi ku lerisaka tona; u nga va fihleli nchumu!

Nhlavutelo 3:22

“ ‘Loyi a nga ni tindleve, a a yingise leswi Moya wu swi byelaka tikereke.’ ”

Amosi 7:16

Sweswi, yingisa rito ra HOSI, wena u ndzi byelaka leswaku ndzi nga vi muprofeta loyi a lwaka ni Vaisraele, naswona ndzi nga vulavuli swo lwa ni rixaka ra Isaka.

Esaya 1:10

N'wina tihosi leti fanaka ni ta le Sodoma, yingisani rito ra HOSI Xikwembu! Na n'wina vanhu lava fanaka ni va le Gomora, rhiyani ndleve mi yingisa swiletelo swa Xikwembu xa hina!

Mikiya 1:2

N'wina hinkwenu vanhu va matiko, yingisani, we misava ni hinkwaswo leswi nga ka wena, rhiya ndleve. HOSI N'wini wa hinkwaswo ú ta ta a huma eTempeleni ya yena leyo hlawuleka, a tela ku ta avanyisa vanhu exikarhi ka n'wina.

Hosiya 5:1

Twanani mhaka leyi, n'wina vaprista! Yingisani, n'wina vaaki va tiko ra Israele! Rhiyani ndleve, n'wina vafumi va tiko! Nandzu wu dya n'wina, hikuva le Mispa mi tihundzurile mintlhamu, ni ritavala leri andlariweke entshaveni ya Taboro.

Yeremiya 44:24

Kutani Yeremiya a engeta a vulavula ni vanhu hinkwavo, vavanuna ni vavasati, a ku: “Yingisani rito ra HOSI Xikwembu, n'wina hinkwenu va ka Yuda lava tshamaka etikweni ra Egipta.

Yeremiya 36:10

Kutani Baruku a yima eTempeleni emahlweni ka yindlu ya Gemariya n'wana Xafani lowa matsalani; yindlu ya kona a yi ri exivaveni xa le henhla xa Tempele, kusuhi ni nyangwa leyi vuriwaka “Nyangwa Leyintshwa”, kutani Baruku a hlayela vanhu hinkwavo marito ya Yeremiya lama tsariweke ebukwini, va ma twa hinkwawo.

Yeremiya 36:6

Hikokwalaho wena u ta ya kona hi siku ra ku titsona swakudya. Marito ya HOSI Xikwembu lawa ndzi ku byeleke wona, lawa u ma tsaleke ebukwini, u ta ma hlayela vanhu hinkwavo, kutani na vona va ka Yuda hinkwavo lava humeke emitini ya vona ku ta eTempeleni, va ta twa marito ya kona.

Yeremiya 34:4

Hambiswiritano we Sedekiyasi hosi ya Yuda, yingisa! Mina HOSI ndzi vurisa sweswo ndzi ri, u nga ka u nga dlayiwi enyimpini,

Yeremiya 19:14

Kutani Yeremiya a vuya hi le Tofete, laha HOSI Xikwembu a xi n'wi rhumile kona ku ya vula rito ra xona, a ya yima erivaleni ra Tempele, a vulavula ni Vaisraele hinkwavo, a ku:

Yeremiya 10:1

N'wina Vaisraele, yingisani marito lawa HOSI Xikwembu xi mi byelaka wona.

Yeremiya 2:4

N'wina va ka Yakobo, ndzi vula n'wina Vaisraele hinkwenu, yingisani rito ra HOSI Xikwembu.

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

Nhlavutelo 3:13

“ ‘Loyi a nga ni tindleve, a a yingise leswi Moya wu swi byelaka tikereke.’

Nhlavutelo 3:6

“ ‘Loyi a nga ni tindleve a a yingise leswi Moya wu swi byelaka tikereke.’

Nhlavutelo 2:29

“ ‘Loyi a nga ni tindleve a a yingise leswi Moya wu swi byelaka tikereke.’ ”

Nhlavutelo 2:17

“ ‘Loyi a nga ni tindleve, a a yingise leswi Moya wu swi byelaka tikereke. Loyi a hlulaka, ndzi ta n'wi nusela manna leyi fihliweke; naswona ndzi ta n'wi nyika ribye lero basa, leri vito lerintshwa ri tsariweke ehenhla ka rona, vito leri ku nga riki na loyi a ri tivaka ehandle ka loyi a nyikiwaka rona.’ ”

Nhlavutelo 2:11

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, a nga ka a nga vavisiwi hi rifu ra vumbirhi.’ ”

Nhlavutelo 2:7

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, ndzi ta n'wi pfumelela ku dya mihandzu ya murhi wa vutomi lowu nga eParadeyisini, eku sasekeni ka Xikwembu.’ ”

Timhaka 5:42

Kutani masiku hinkwawo, a va nga rhuteli ku dyondzisa ni ku twarisa Evhangeli eTempeleni ne mindyangwini ya vanhu, va ku: “Mesiya, hi yena Yesu.”

Timhaka 5:20

“Fambani, mi ya yima eTempeleni, mi tivisa vanhu timhaka hinkwato ta vutomi lebyintshwa lebyi.”

Yohane 18:20

Yesu a n'wi hlamula, a ku: “Ndzi vulavurile erivaleni emahlweni ka vanhu hinkwavo. Ndzi dyondzisile minkarhi hinkwayo emasinagogeni ni le Tempeleni, laha Vayuda hinkwavo va hlengeletanaka kona, a ndzi vulanga nchumu exihundleni.

Matewu 13:9

La nga ni tindleve, a a yingise!”

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Mikiya 3:1

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Xana a hi n'wina mi fanelaka ku tiva leswo lulama xana?

Pisalema 122:2

We Yerusalema, sweswi hi fikile, hi nghenile eka wena.

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Yeremiya 7:1

Siku rin'wana, Yeremiya a lerisiwa hi HOSI Xikwembu

Yeremiya 11:6

HOSI Xikwembu xi ku ka mina: “Huwelela u tivisa vanhu emitini ya Yuda ni le magondzeni ya Yerusalema, u ku ka vona: ‘Yingisani marito ya ntwanano lowu, mi hanya ha wona,

Ezekiele 37:1

HOSI Xikwembu xi ndzi khoma hi matimba ya Moya wa xona, kutani xi ndzi humesa emutini xi ya ndzi veka ehandle erivaleni. Rivala ra kona a ri funengetiwile hi marhambu.

Yeremiya 28:5

Kutani muprofeta Yeremiya a hlamula muprofeta Hananiya ni vaprista, vanhu hinkwavo lava a va ri eTempeleni va ri karhi va swi twa,