Yeremiya 7:19 - BIBELE Mahungu Lamanene

¹⁹ Kambe a va vavisi mina, vo tivavisa vona vinyi, kutani va tivangela tingana letikulu.

Xitsonga (Bibele)

¹⁹ Xana hakunene va ndzi karihisa xana, ku vula Yehovha? A ndzi ri va tikarihisa va ri vona; va ta khomiwa hi tingana emimombyeni ya vona.

Yeremiya 7:19 Referans Kwoze

1 Vakorinto 10:22

Xana hi lava ku hlundzukisa Hosi ke? Xana ha yi tlula hi matimba ke?

Yeremiya 20:11

Kambe HOSI Xikwembu xi na mina kukota nhenha ya matimba, hi xona xi nga ta wisa lava va ndzi xanisaka, va nga ka va nga ndzi hluri. Va ta tlhela ni tingana, va nge humeleli, ku nyumisiwa ka vona a ku nga ha rivariwi ni siku ni rin'we.

Yeremiya 9:19

Ku twala huwa ya nkosi eSiyoni leyi nge: “Hi dlawile! Hakunene hi khomiwe hi tingana; hi fanele ku sukela tiko ra hina, hikuva valala va wisile tindlu ta hina.”

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Esaya 45:16

Hinkwavo lava endlaka swifaniso swa swikwembu, va ta khomiwa hi tingana, va hlangana tinhloko; va ta famba swin'we hinkwavo, va pfilunganile miehleketo.

Esaya 1:24

Hikokwalaho, HOSI ya matimba hinkwawo, N'wini wa hinkwaswo ni Ntamu wa Israele, ú vurisa sweswo, ú ri: “Khombo! Ndzi ta chululela vukari bya mina ehenhla ka lava va ndzi vengaka; lava lwaka na mina, ndzi ta tirihisela eka vona.

Esaya 1:20

kambe loko mi tiarisa mi ndzi fularhela, mi ta herisiwa hi fumu. Ndzi vulavurile, mina HOSI!”

Ntirho 35:6

Loko u dyoha, a wu vavisi Xikwembu, hambi u tlula nawu u vuyelela, Xikwembu a xi khumbeki hi swona.

Ezra 9:7

Ku sukela enkarhini wa vatatana, ku ta fika namuntlha, ha ha ri ni nandzu lowukulu. Hina ni tihosi ta hina, ni vaprista, hi nyiketiwile emavokweni ya tihosi ta vamatiko hikwalaho ka swidyoho swa hina; hi hlaseriwile hi fumu, hi yisiwa evukhumbini, hi tekeriwa swilo swa hina, hi khomisiwa tingana, ku fana ni namuntlha.

Duteronoma 32:16

Va pfuxe rilaveta ra Xikwembu hi ku gandzela swikwembu swin'wana, va xi hlundzukisile hi manyala lawa va ma endleke.

Yeremiya 2:17

N'wina Vaisraele, makhombo lawa mi lo tivangela; mi tshikile HOSI Xikwembu xa n'wina, enkarhini lowu a xi mi komba ndlela.

Yeremiya 8:19

Yingisani, vanhu va ka hina va le ku huweleleni ematlhelweni hinkwawo ya tiko, va ri: “Xana HOSI Xikwembu a xa ha kumeki emutini wa Siyoni ke? A xa ha fumi kona xana?” Xona xi hlamula xi ku: “Mi ndzi hlundzukisela yini hi swikwembu swa n'wina swa swifaniso, leswi humaka eka vanhu vambe, xana?”

Yeremiya 15:9

Hambi loyi a a ri ni vana va 7, ú wile a titivala, nhlekanhi wu n'wi hundzukela munyama, a khoma hi tingana, a titwa a nga ha ri nchumu. Vanhu lava nga ta tshuka va ponile, ndzi ta va nyiketa eka valala, va va dlaya. Ndzi vula sweswo mina HOSI.”

Yeremiya 22:22

Hikokwalaho xihuhuri xi ta hangalasa varhangeri va wena hinkwavo, vanghana va wena va ta yisiwa evukhumbini. U ta tsongahatiwa ni ku rhuketeriwa hi mhaka ya mintirho ya wena hinkwayo leyo biha.

Yeremiya 25:7

HOSI Xikwembu xi engeta xi ku: “Hambiswiritano a mi ndzi yingisanga, mi ndzi hlundzukisile hi swikwembu leswi mi nga tiendlela swona, kutani mi tivangele makhombo.”

Yeremiya 44:3

hikuva va ndzi hlundzukisile hi ku hisa mirhi ya risuna, va tirhela swikwembu swimbe leswi va nga swi tiviki, leswi na n'wina ni vatata wa n'wina mi nga swi tivangiki.

Ezekiele 16:26

U tinyiketile eka swigangu swa wena leswo hlamarisa, va nga Vaegipta vaakelani va wena, kutani u ndzi hlundzukisile hi ku andzisa mintirho ya wena ya vunghwavava.

Yeremiya 3:25

A hi korhameni ehansi, hikuva hi ni tingana letikulu, milandzu ya hina ya hi tshikelela. Ku sukela evuhlangini bya hina ku fikela siku ra namuntlha, hina ni vatata wa hina hi dyoherile HOSI Xikwembu xa hina. Leswi HOSI Xikwembu xa hina xi hi byeleke swona, a hi swi yingisanga.”