Yeremiya 7:14 - BIBELE Mahungu Lamanene

¹⁴ Hikokwalaho yindlu leyi vito ra mina ri gandzeriwaka eka yona, leyi mi titwaka mi hlayisekile eka yona, yi nga yona ndhawu leyi ndzi yi nyikeke n'wina ni vatata wa n'wina, ndzi ta yi endla leswi ndzi swi endleke muti wa Xilo:

Xitsonga (Bibele)

¹⁴ Hikwalaho ndzi ta endla hi yindlu yoleyo vito ra mina ri vuriwaka eka yona, yoleyo mi yi tshembaka, ni maakela walawo ndzi mi nyikeke wona ni vatata wa n'wina, kukotisa leswi ndzi swi endleke eXilo.

Yeremiya 7:14 Referans Kwoze

Yeremiya 7:4

Mi nga tikanganyisi hi ku vula mi ku: ‘Laha, hi titwa hi hlayisekile hikuva hi le Tempeleni ya HOSI, hi le Tempeleni ya HOSI, hi le Tempeleni ya HOSI!’

Yeremiya 7:10

Loko mi tiyimiserile ku ya emahlweni mi endla swilo leswi hinkwaswo swa manyala, xana mi nga ha ta mi ta yima emahlweni ka mina, endlwini leyi vito ra mina ri gandzeriwaka eka yona, mi ku: ‘Hina hi hlayisekile!’ xana?

Pisalema 78:60

Xi herisile vutshamo bya xona bya le Xilo, wu nga ntsonga lowu a xi tshama eka wona exikarhi ka vanhu va xona.

2 TIHOSI 25:9

A hisa yindlu ya HOSI Xikwembu, ni tindlu ta le ntsindza, ni tindlu tin'wana ta Yerusalema, ngopfu ngopfu tindlu hinkwato ta vanhu lavo chaviseka.

Duteronoma 28:52

“Va ta mi rhendzela emitini ya n'wina hinkwayo; makhokholo layo leha lama tiyeke lawa mi tshembeke wona, va ta ma mbundzumuxa ma wela ehansi, etikweni hinkwaro leri HOSI Xikwembu xa n'wina xi mi nyikaka rona.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Swirilo 4:1

Yóò! Vonani hilaha nsuku wu kurheke hakona, wu lahlekeriwa hi ku tenga ka wona! Maribye layo hlawuleka ma hangalasiwile emahandzeni ya magondzo hinkwawo.

Swirilo 2:7

N'wini wa hinkwaswo ú phirhekile hi alitari ya yena, xivandla xa yena lexo hlawuleka, sweswi ú xi tshikile. Tindlu ta le ntsindza, ú ti nyiketile emavokweni ya valala, va ba huwa endlwini ya HOSI Xikwembu, ku fana ni loko va ri enkhubyeni.

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

Yeremiya 7:12

“Yanani exivandleni xa mina lexo hlawuleka xa le Xilo, laha vito ra mina ri nga rhanga ri tiviwa kona, mi ta vona leswi ndzi swi endleke kona hikwalaho ka vubihi bya Vaisraele vanhu va mina.

Esaya 64:11

Yindlu ya hina yo saseka leyo hlawuleka, leyi vatata wa hina a va ku gandzelela eka yona, yi herisiwile hi ndzilo; tindhawu hinkwato leti a hi ti tsakela ngopfu, namuntlha i marhumbi ntsena.

2 TIKRONIKA 7:21

Tempele leyi yo saseka swonghasi, vahundzi va ndlela va ta yi hlamala, va ku: ‘Xana HOSI Xikwembu xi cukumetele yini tiko leri ni Tempele leyi xana?’

Duteronoma 12:5

HOSI Xikwembu xa n'wina xi ta hlawula ndhawu leyi vito ra xona ri nga ta gandzeriwa eka yona; xi ta yi hlawula exikarhi ka tinyimba ta n'wina hinkwato; endhawini leyi, hi kona laha mi nga ta ya mi ya hlangana na xona kona.

Yeremiya 23:39

mina HOSI ndzi ta mi rhwala, ndzi ya mi cukumeta kule na mina. Mi ta siya muti lowu ndzi mi nyikeke wona, n'wina ni vatata wa n'wina.

Ezekiele 23:31

U tekelerile mikhuva ya hosi ya wena, hikokwalaho ndzi ta ku tamerisa xinwelo lexi makwenu a nweleke eka xona.

Yeremiya 12:7

HOSI Xikwembu xi ri: “Ndzi tshikile vanhu va mina, vahlawuriwa va mina, ndzi va cukumetile; varhandziwa va mbilu yanga ndzi va nyiketile emavokweni ya valala va vona.

Yeremiya 26:4

Va byele leswaku mina HOSI ndzi ri: ‘Loko mi ala ku ndzi yingisa, mi nga pfumeli ku famba hi milawu leyi ndzi mi nyikeke yona,