Yeremiya 6:6 - BIBELE Mahungu Lamanene

⁶ HOSI ya matimba hinkwawo yi vula sweswo yi ri: “Tsemani mirhi kusuhi ni muti wa Yerusalema, fumbetelani misava yo khandziya ha yona erirhangwini ra muti: Hi wona lowu fanelaka ku biwa, hikuva wu tele hi vanhu va tihanyi.

Xitsonga (Bibele)

⁶ Hikuva Yehovha wa tinyimpi a ku: “Tsemani mirhi, mi biyela Yerusalema, hi rihlampfu leri tlakukeke; hi wolowo muti lowu fanekelaka ku tshinyiwa; exikarhi ka wona ku tele ku xanisa.

Yeremiya 6:6 Referans Kwoze

Yeremiya 32:24

Valala va le ku fumbeteleni ka misava yo khandziya ha yona erirhangwini ra muti; va le Yerusalema va le kusuhi ni ku tinyiketa eka Vakalediya lava, hikuva va hluriwa hi matlhari ni tindlala ni mintungu. Leswi u nga tshama u swi vula, swi le ku humeleleni, na wena wa swi vona.

Luka 19:43

Hakunene nkarhi wa ta, lowu valala va wena va nga ta aka makhokholo, va ku rhendzela ha wona, va ku sivelela matlhelo hinkwawo;

Esaya 37:33

“Hikokwalaho, HOSI Xikwembu xi vurisa sweswo ehenhla ka hosi ya le Asiriya, xi ri: ‘Senakeribi a nga ka a nga ngheni emutini lowu, kumbe ku wu copa hi nseve; a nga ka a nga tshineli kusuhi na wona hambi a tisirhelerile hi switlhangu; a nga ka a nga wu hluli hi ku fumbetela misava yo khandziya ha yona erirhangwini ra muti.

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Yeremiya 32:31

Ku sukela loko wu sungurile ku akiwa ku fikela namuntlha, muti lowu wu tivangerile vukari bya mina lebyikulu; hikokwalaho ndzi ta wu fularhela,

Yeremiya 33:4

Mina HOSI Xikwembu xa Israele ndzi ri, vanhu va Yerusalema va ha ta ringeta ku lwa ni Vakalediya, kambe Vakalediya lava va ta fumbetela misava yo khandziya ha yona erirhangwini ra muti, va hloma matlhari, va mbundzumuxa tindlu ta Yerusalema ni ta tihosi ta Yuda. Emarhumbini ya tona ku ta tala mintsumbu ya vanhu lava ndzi va dlayeke hi vukari bya mina lebyi pfurhaka, hikuva ndzi fularherile muti lowu hikwalaho ka swidyoho swa wona leswo tala.

Ezekiele 4:2

Komba leswaku muti lowu wu rhendzeriwile hi valala, u fumbetela misava yo khandziya ha yona erirhangwini ra muti; komba ni minxaxa ya valala, u tlhoma ni timhandze to hlanhla rirhangu ha tona, ti rhendzela muti.

Ezekiele 5:5

“Mina HOSI N'wini wa hinkwaswo ndzi vurisa sweswo ndzi ri: Muti wa Yerusalema, ma wu vona. Ndzi wu vekile exikarhi ka matiko, kutani wona ma wu rhendzerile.

Daniele 11:15

Kutani mufumi wa le n'walungwini ú ta fika a rhendzela muti wun'wana, a fumbetela misava yo khandziya ha yona erirhangwini, a teka muti wolowo ni makhokholo ya wona. Mufumi wa le dzongeni ú ta ringeta ku ta ni tinhenha ta yena, kambe va nge koti ku sivela va le n'walungwini, hikuva a va nga vi na matimba yo endla sweswo.

Sofoniya 3:1

Wu ni khombo muti wo tiarisa, wu tlhela wu tinyamisa, muti wo kandziyela van'wana ehansi;

Yeremiya 5:9

Hikokwalaho mina HOSI ndzi ri: Vanhu lava ndzi ta va ba hakunene, rixaka lero tano, ndzi ta tirihisela eka rona!

Yeremiya 5:29

Hikokwalaho mina HOSI ndzi ri: Vanhu lava ndzi ta va ba, rixaka lero tano, ndzi ta tirihisela eka rona.”

Yeremiya 20:8

Nkarhi wun'wana ni wun'wana loko ndzi vulavula, ndzi le ku va tshinyeni, ndzi huwelela ndzi ku: “Tinyimpi hi teto, maxangu ma nghenile!” Ku dyondzisa rito ra wena we HOSI, swi ndzi sorisa ni ku ndzi hlekurisa hi vanhu masiku hinkwawo.

Yeremiya 39:1

[Leswi nga humelela loko valala va teka muti wa Yerusalema, hi leswi:] Hi lembe ra vu-9 ra ku fuma ka Sedekiyasi hosi ya Yuda, hi n'hweti ya vukhume, Nebukadnetsara hosi ya le Babilona a ta ni mavuthu ya yena hinkwawo ku ta hlasela Yerusalema, kutani a rhendzela muti.