Yeremiya 6:16 - BIBELE Mahungu Lamanene

¹⁶ HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Xitsonga (Bibele)

¹⁶ Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

Yeremiya 6:16 Referans Kwoze

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Yeremiya 18:15

Kambe vanhu va mina vona va ndzi rivele, kutani va hisela swikwembu swa hava emirhi ya risuna. Swikwembu leswi swi va khugula va wa, va tshika ndlela ya vona ya khale, kutani va sungula ku chochovela hi nhova ematshan'wini yo famba hi gondzo leri lulamisiweke.

Duteronoma 32:7

Tsundzukani minkarhi ya khale, mi anakanya lava hanyeke emalembeni lama hundzeke; vutisani vatata wa n'wina ni vakulukumba va ka n'wina, va ta mi byela, va mi dyondzisa.

Yeremiya 7:23

Kambe ndzi va byerile ndzi ku: ‘Ndzi yingiseni, kutani ndzi ta va Xikwembu xa n'wina, na n'wina mi ta va vanhu va mina, mi famba endleleni leyi ndzi mi lerisaka yona, leswaku mi ta kateka.’

Vakolosa 2:6

Kutani ke, leswi mi amukeleke Kriste Yesu ku va Hosi ya n'wina, hanyani hi ku va xilo xin'we na yena,

Esaya 2:5

N'wina va ka Yakobo, tanani hi famba eku vonakaleni ka HOSI!

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Yeremiya 18:12

Kambe vanhu lava va ri: ‘Sweswo a hi na mhaka na swona! Hi ta ya emahlweni ni makungu ya hina, hi tirha hi ri karhi hi tiomisa tinhloko, hi nonon'hwisa ni timbilu ta hina!’ ”

Yeremiya 22:21

Ndzi ku tsundzuxile, loko swilo swa ha ku fambela kahle, kambe u te: ‘A ndzi na mhaka na swona!’ U hanyise sweswo ku sukela evuntshweni bya wena, u ala ku yingisa loko ndzi vulavula na wena.

Yeremiya 44:16

“Leswi u hi byelaka swona u ku swi huma eka HOSI Xikwembu, a hi swi amukeli.

Vaheveru 11:2

Hikuva ha kona, vanhu va khale va kumile ku nkhensiwa hi Xikwembu.

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

Malakiya 4:4

“Anakanyani leswi nandza wa mina Muxe a mi dyondziseke swona; entshaveni ya Horebe, ndzi n'wi nyikile milawu ni swiletelo, leswaku a mi tivisa swona n'wina Vaisraele hinkwenu.

Vaheveru 6:12

A hi lavi leswaku mi va lavo loloha, kambe hi lava leswaku mi fana ni vanhu lava sweswi va kumaka leswi va tshembisiweke swona, hi mhaka ya ku pfumela ka vona ni ku lehisa timbilu.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Luka 16:29

Abrahama a ku ka yena: ‘Va na Muxe ni Vaprofeta, a va yingise vona!’

Esaya 28:12

xi va byerile xi ku: “Tshamani mi wisa, lava karheleke, va tshikeni va wisa, hikuva lowu i nkarhi wo koka moya.” Kambe a va xi yingisanga.

Yohane 5:39

Mi lavisisa Matsalwa, hikuva mi anakanya leswaku, eka wona, mi ta kuma vutomi lebyi nga heriki; kasi hi wona lama vekaka vumbhoni ehenhla ka mina.

Timhaka 17:11

Vona va tlurisa Vatesalonika hi mafundzha, va amukela Rito hi ku nkhensa lokukulu, va kambisisa Matsalwa masiku hinkwawo, va lava ku tiva leswaku xana timhaka ti tano xana.

Varhoma 4:12

Naswona i tatana eka lavo yimba, ku nga ri ntsena hileswi va nga yimba, kambe hileswi va fambaka endleleni ya ku pfumela, leyi tata wa hina Abrahama a nga famba ha yona, ni loko a nga si yimba.

Yeremiya 2:25

Mina HOSI ndzi ri, mi nga hlakati tintanghu ta n'wina, naswona mi nga tiomisi minkolo hi torha mi ri karhi mi landza swikwembu swa hava! Kambe n'wina mi hlamula mi ku: ‘A hi nga swi tshiki. Swikwembu swa hava ha swi tsakela, ha ha to swi tirhela!’

1 TIHOSI 8:36

va yingise u ri ematilweni, u va rivalela ku dyoha ka vona, wona malandza ya wena, va nga Vaisraele vanhu va wena. Naswona u va dyondzisa ndlela leyinene leyi va nga ta hanya ha yona, kutani u nisa mpfula etikweni leri u ri nyikeke vanhu va wena leswaku ri va ndzhaka ya vona.

Pisalema 116:7

Sweswi ndzi ni ku rhula, hikuva HOSI Xikwembu xi ndzi katekisile ngopfu.

Yeremiya 12:16

Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

Yeremiya 31:21

Tiboxeleni ndlela, mi yi fungha hi timhingu ni maribye; xiyaxiyani gondzo ra n'wina, yi nga ndlela leyi mi taka ha yona. N'wina Vaisraele, vuyani mi nghena emitini ya n'wina.

Yeremiya 42:3

Kutani hi kombela leswaku HOSI Xikwembu xa wena xi hi komba ndlela leyi hi fanelaka ku famba ha yona, ni swilo leswi hi fanelaka ku swi endla.”

Yeremiya 50:5

Va ta vutisa ndlela yo ya eSiyoni, kutani va ta hundzuluka va kongoma kona, va ri karhi va byelana va ku: ‘A hi yeni, hi ya tihlanganisa na HOSI Xikwembu, entwananweni lowu nga heriki lowu nga ta ka wu nga rivariwi.’

Vaavanyisi 2:17

Kambe Vaisraele a va yingisanga vaavanyisi lava. Va hatlile va hambuka endleleni leyi vatata wa vona va fambeke ha yona, va endla vunghwavava, va tirhela swikwembu swin'wana, va swi nkhinsamela. Vatata wa vona a va yingisa swileriso swa HOSI Xikwembu, kambe vona a va swi yingisanga.

2 TIKRONIKA 19:11

Tivani leswaku Amariya Muprista Lonkulu, ú ta va mufambisi wa n'wina etimhakeni hinkwato leti khumbaka HOSI Xikwembu. Kasi etimhakeni ta mfumo, mi ta fambisiwa hi Zebadiya n'wana Iximaele, ndhunankulu ya va ka Yuda. Valevhi vona va ta mi hlayisela matsalwa. Hikokwalaho, tirhani mi tiyile, HOSI Xikwembu a xi yime ni lava endlaka leswinene!”

Esaya 46:9

Tsundzukani ni leswi humeleleke eminkarhini ya khale; Xikwembu hi mina, ku hava xin'wana, mina ndzi Xikwembu, a ku na loyi a fanaka na mina.

Esaya 57:2

kutani va ya nghena laha ku nga ni ku rhula; lava endlaka leswo lulama, va kuma ku wisa loko va fa.

Yeremiya 7:3

“Mina HOSI ya matimba hinkwawo, Xikwembu xa Israele, ndzi ri: Lulamisani mahanyelo ya n'wina mi tshika ni mintirho ya n'wina leyo biha, kutani ndzi ta mi tshamisisa endhawini leyi.

Yeremiya 7:24

Kambe vona a va rhiyanga ndleve va ndzi yingisa. Va endlile leswi timbilu ta vona leto nonon'hwa ti va byelaka swona, kutani va tlhelela endzhaku ematshan'wini ya ku ya emahlweni.