Yeremiya 6:11 - BIBELE Mahungu Lamanene

¹¹ Hikokwalaho we HOSI, ndzi hlundzukile ku fana na wena, a ndza ha koti ku tikhoma. HOSI Xikwembu xi ndzi hlamula xi ku: “Chululela vukari byebyo ehenhla ka swihlangi emagondzweni, ni le henhla ka lavantshwa laha va hlengeletaneke kona. Wanuna ú ta khomiwa swin'we ni nsati wa yena, na vona vanhu lavakulu ni lava dyuhaleke ngopfu va ta khomiwa.

Xitsonga (Bibele)

¹¹ Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

Yeremiya 6:11 Referans Kwoze

Yeremiya 20:9

Loko ndzi ku: “A ndzi nga ha vulavuli nchumu hi HOSI Xikwembu, kumbe ku dyondzisa hi vito ra xona”, endzeni ka mina ku pfurha ndzilo lowukulu, mbilu ya mina ya tshwa ha wona, kutani ndzi karhala ku wu tiyisela, ndzi tsandzeka ku miyela.

Yeremiya 9:21

“Rifu ri nghenile endlwini ya hina hi fasitere, ri fikile ni le tindlwini ta vuhosi; ri lovisile swihlangi emagondzweni ya muti, ri dlaya ni majaha etimbaleni ta wona!”

Mikiya 3:8

Loko ndzi ri mina, ndzi tiyile swinene, hikuva HOSI Xikwembu xi ndzi nyika Moya wa xona, ndzi vula leswi lulameke ndzi nga chavi nchumu, ndzi komba Vaisraele, va nga va ka Yakobo, leswaku va dyohile hi ku tiarisa ka vona.

Nhlavutelo 16:1

Kutani ndzi twa rito leri tlakukeke ri huma eTempeleni, ri ku ka tintsumi leti ta 7: “Yanani, mi ya chululela emisaveni swa minkambana ya 7 ya vukari bya Xikwembu.”

Timhaka 18:5

Loko Silasi na Timotiya va tile va huma le Makedoniya, Pawulo a tinyiketa ku dyondzisa Rito ntsena, a nga ha tirhi swin'wana; a tiyisa eka Vayuda leswaku Mesiya, hi yena Yesu.

Timhaka 17:16

Loko Pawulo a ha va langutela eAtena, moya wa yena wu tlhaveka swinene, loko a vona leswaku muti lowu, wu tele swikwembu swa swifaniso.

Timhaka 4:20

Loko hi ri hina, hi nga ka hi nga koti ku tshika ku vula leswi hi swi voneke ni leswi hi swi tweke.”

Luka 17:34

Ndza mi byela, ndzi ri: Hi vusiku bya kona, eka vavanuna vambirhi lava nga ta va va etlerile endhawini yin'we, ku ta tekiwa un'wana, un'wana a siyiwa.

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Ezekiele 3:14

Loko Moya wu ndzi tlakurile wu famba na mina, ndzi khomiwa hi gome ni ku vaviseka lokukulu, hikuva HOSI Xikwembu a xi ndzi khomile hi ntamu wa xona.

Yeremiya 18:21

Kambe sweswi, herisa vana va vona hi tindlala, van'wana a va dlawe hi matlhari! Vavasati a va fele hi vana, a va hundzuke tinoni; vanuna va vona a va dlawe hi mintungu, vana va vona va xinuna va hela enyimpini.

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Esaya 40:30

Lavantshwa va nga hela ntamu, va karhala, majaha ma nga heleriwa hi matimba, ma wela hansi,

Yeremiya 15:6

Mina HOSI ndzi ri: U ndzi tshikile, u lo ya u tlhelela endzhaku, hikokwalaho ndzi tshambulutile voko ra mina, ndzi ku ba ndzi ku herisa. A ndzi karhele ku ku rivalela.

Yeremiya 15:17

a ndzi lavanga ku dzumba ni lava tsakaka, a ndzi navelanga ku tiphina na vona. Hi wena u ndzi vangeleke xivundza lexi, hikuva ndzi tshamela ku tshinya vanhu hi vito ra wena.

Swirilo 1:15

“N'wini wa hinkwaswo ú fularherile tinhenha ta mina hinkwato ndzi ri karhi ndzi swi vona. Ú rhambile ntshungu ku ta lwa na mina, leswaku wu fayetela majaha ya mina. Mina Yerusalema nhwana wa Yuda, ú ndzi pyanyile kukota mihandzu ya vhinya exikhuvutelweni.

Swirilo 2:21

Swihlangi ni vanhu lavakulu va lo n'wálálálá, entshurini wa magondzo; majaha ni vanhwana wa mina Yerusalema, va dlawe hi tlhari, siku leri a wu hlundzukile, u dlayetela u nga tsetseleli.

Ezekiele 3:3

A engeta a ku ka mina: “Wena munhu, mita buku leyi ndzi ku nyikaka yona, u tata khwiri ra wena!” Kavaloko ndzi dya: Enon'weni wa mina a yi nandziha kukota vulombe.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Yeremiya 5:9

Hikokwalaho mina HOSI ndzi ri: Vanhu lava ndzi ta va ba hakunene, rixaka lero tano, ndzi ta tirihisela eka rona!

Yeremiya 9:20

N'wina vavasati, yingisani rito ra HOSI, rhiyani tindleve mi twa leswi yi mi byelaka swona; dyondzisani vana va n'wina va xisati risimu ra rifu, na vona a va dyondzisane xirilo lexi nge: