Yeremiya 6:10 - BIBELE Mahungu Lamanene

¹⁰ Ndzi hlamula ndzi ku: Xana ndzi ta vulavula na mani? I vamani lava nga ta yingisa loko ndzi va tsundzuxa xana? Vanhu lava a va na tindleve, ni ku twa a va ha twi. Rito ra wena we HOSI, va ri monya, a va na mhaka na rona.

Xitsonga (Bibele)

¹⁰ Ndzi nga vita mani, kumbe ndzi nga vutisa mani, leswaku va ta yingisa? Langutani, ndleve ya vona a yi yimbanga, kutani va tsandzeka ku hlayisa timhaka, langutani, rito ra Yehovha ri hundzukile xisandzu exikarhi ka vona, a va ha titsakeri ha rona.

Yeremiya 6:10 Referans Kwoze

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Yohane 7:7

Misava yi nga ka yi nga mi vengi, kambe mina ya ndzi venga, hikuva ndzi tiyisa vumbhoni bya leswaku mintirho ya yona yi bihile.

Yeremiya 7:26

Hambiswiritano n'wina a mi rhiyanga ndleve mi yingisa, mi lo nyanya ku tinonon'hwisa, mi endla leswo biha ku tlula ni vatata wa n'wina.

Vaheveru 11:7

Hi ku pfumela, Nowa ú yingisile swinene loko Xikwembu xi n'wi tsundzuxa hi ku n'wi byela leswi a swi nga si vonaka; kutani a aka ngalava ku ta ponisa va ndyangu wa yena; hi ku endla sweswo, ú avanyisile misava, a va a amukela ku lulama loku nyikiwaka hi mhaka ya ku pfumela.

Esaya 53:1

Xana i mani loyi a kholweke leswi hi byeriweke swona xana? Xana ú kona loyi a voneke matimba ya HOSI Xikwembu emhakeni leyi, xana?

Eksoda 6:12

Kambe Muxe a hlamula HOSI Xikwembu, a ku: “Vona, hambi va ri vanhu va Israele, a va ndzi yingisanga; xana Faro yena ú ta ndzi yingisisa ku yini ni manghanghamila ya mina, xana?”

2 Timotiya 4:3

Hikuva nkarhi wa ta, lowu vanhu va nga ta ka va nga amukeli dyondzo leyi nga yona ya xiviri; kambe leswi tindleve ta vona ti hlohlonyaka, va ta tihlengeletela vadyondzisi lava nga ta va dyondzisa leswi va swi tsakelaka.

Vakolosa 1:28

Hi yena loyi hi n'wi twarisaka, hi ri karhi hi tsundzuxa ni ku dyondzisa vanhu hinkwavo, hi vutlhari hinkwabyo; hi endlela ku tisa vanhu hinkwavo eka Xikwembu va ri lava vupfeke eka Kriste.

Varhoma 7:22

Mina hi xiviri xa mina ndzi tsakela Nawu wa Xikwembu;

Timhaka 7:60

Kutani a nkhinsama, a huwelela hi rito ro tlakuka, a ku: “Hosi, u nga va hlayeli ku dyoha loku.” Kuteloko a vurile sweswo, a fa.

Yohane 9:40

Vafarisi van'wana lava a va ri na yena, va twa marito lawa, kutani va ku ka yena: “Xana na hina hi file mahlo xana?”

Luka 20:19

Kutani vaprista lavakulu ni vatsari a va navela ku n'wi khoma enkarhini wolowo, hikuva a va swi vonile leswaku a a vula vona hi xifaniso lexi, kambe a va chava ntshungu.

Luka 11:45

Kutani un'wana wa vadyondzisi va Nawu a hlamula a ku: “Mudyondzisi, loko u vula sweswo, wa hi sandza na hina.”

Matewu 3:7

Kambe loko a vona Vafarisi ni Vasaduki lavo tala va ta ku ta khuvuriwa hi yena, a ku ka vona: “Rixaka ra timhiri, i mani la nga mi tsundzuxa ku baleka vukari bya Xikwembu lebyi taka xana?

Amosi 7:10

Kutani Amasiya, muprista wa le Betele, a yisa rito eka hosi Yerobuwamu, leri nge: “Amosi ú famba a kucetela vanhu va Israele leswaku va hambana na wena; hinkwaswo leswi a swi vulaka, tiko a ra ha lavi ku swi twa!

Ezekiele 33:9

Kasi loko u tshinya mudyohi, u n'wi khongotela ku hundzuka a tshika tindlela ta yena, kutani yena a ala ku endla sweswo, ú ta fa hikwalaho ka swidyoho swa yena, kambe wena u ta va u ponisile vutomi bya wena.

Ezekiele 33:3

Loko murindzi loyi a vona leswaku tiko ri ngheneriwile hi mavuthu ya valala, ú fanele ku tsundzuxa varikwavo hi ku ba mhalamhala.

Yeremiya 4:4

N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Pisalema 119:174

We HOSI, ndzi navela ngopfu ku lamuleriwa hi wena. Nawu wa wena ndzi wu tsakela ngopfu.

Pisalema 119:77

Ndzi kombe tintswalo ta wena leswaku ndzi ta hanya, hikuva ndzi tsakela ngopfu nawu wa wena.

Pisalema 119:70

vanhu lava va tlanyele timbilu, kambe mina ndzi tsakela ngopfu nawu wa wena;

Pisalema 119:35

Ndzi fambise entileni wa swileriso swa wena, hikuva hi wona wu ndzi tsakisaka.

Pisalema 119:24

Ndzi tsakela ngopfu switsundzuxo swa wena, ndzi fambisiwa hi swona.

Pisalema 119:16

Ku yingisa milawu ya wena, eka mina i ntsako lowukulu, a ndzi nga rivali marito ya wena.

Pisalema 40:8

We Xikwembu xanga, ndzi tsakela ngopfu ku endla ku rhandza ka wena, nawu wa wena wu le mbilwini ya mina.”

Pisalema 1:2

kambe a tsakela nawu wa HOSI, a wu anakanya vusiku ni nhlekanhi.

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Yeremiya 9:26

Ndzi vula lava akeke etikweni ra Egipta, ni ra Yuda, ni ra Edomu, ni ra va ka Amoni, ni ra Mowabu, ndzi ba ni hinkwavo lava tshamaka emananga lava byewulaka malebvu lomu matlhelo. Vanhu lava hinkwavo, swin'we ni Vaisraele hinkwavo, va fana ni lava nga yimbangiki, hikuva etimbilwini ta vona a va na mhaka na mina.”

Esaya 42:20

N'wina Vaisraele, mi vona swilo swo tala, kambe a swi vuli nchumu eka n'wina; tindleve ta n'wina a ti pfalekanga, kambe a mi twi nchumu.”

Yeremiya 7:13

Kutani mina HOSI ndzi ri: Swidyoho swa kona hinkwaswo na n'wina mi swi endlile. A ndzi karhalanga ku vulavula na n'wina, kambe a mi yingisanga; ndzi mi vitanile, kambe a mi hlamulanga.

Yeremiya 35:13

xi n'wi lerisa ku ya tivisa va ka Yuda ni vaaki va muti wa Yerusalema marito ya xona lama nge: “Mina HOSI ya matimba hinkwawo, Xikwembu xa Israele, ndzi vurisa sweswo ndzi ri, xana mi ta dyondza rini ku amukela ni ku hlayisa swiletelo swa mina xana?

Ezekiele 3:7

kasi Vaisraele va nga ka va nga ku yingisi, hikuva hambi a ri mina a va ndzi yingisi; hinkwavo i vanhu vo oma tinhloko, va timbilu to nonon'hwa.