Yeremiya 51:9 - BIBELE Mahungu Lamanene

⁹ Valuveri va ri: “Hi ringetile ku horisa Babilona, kambe hi tsandzekile. A hi humeni hi famba, un'wana ni un'wana a kongoma etikweni ra rikwavo, hikuva HOSI Xikwembu xi bile muti lowu hi nkhavi lowo vava, lowukulu ngopfu.

Xitsonga (Bibele)

⁹ Hi tshama hi ongola Babilona, kambe a nga hanyanga; a hi n'wi tshikeni, hi tifambela un'wana ni un'wana etikweni ra yena, hikuva ku avanyisa ka yena ku fike ematilweni, ku tlakukile ku fika emapapeni.

Yeremiya 51:9 Referans Kwoze

Nhlavutelo 18:5

hikuva swidyoho swa yena swi tlhandlekelene ku ya fika ehenhla tilweni, kutani Xikwembu xi tsundzukile ku homboloka ka yena.

Yeremiya 50:16

Susani varimi hinkwavo etikweni ra Babilona, lava tamelaka rihwevo eku tshoveleni ka koroni, a va nyamalale etikweni rero; Vakhomiwa lava nga Babilona va ta baleka va muka hinkwavo, loko va vona matlhari ni maxangu lawa; un'wana ni un'wana ú ta tsutsumela karikwavo.

Esaya 13:14

Vanhu va ta hangalaka ku fana ni timbavala leti nga ku hlongorisiweni, kumbe tinyimpfu leti pfumalaka murisi, un'wana ni un'wana ú ta ya eka va ka vona, hinkwavo va ta tsutsumela eka rikwavo.

Yeremiya 46:16

Masocha ya n'wina layo tala ma khuguka ma wa, kutani ma byelana ma ku: ‘A hi pfukeni, hi tlhelela karikwerhu etikweni leri hi velekiweke eka rona, hi hambana ni matlhari lama hi xanisaka lawa!’

Ezra 9:6

ndzi ku: “We Xikwembu xanga, ndzi ni tingana, ndzi chava ni ku tlakusa mahlo ndzi languta eka wena Xikwembu xa mina, hikuva ku homboloka ka hina ku tlula mpimo, ni nandzu wa hina wu dliva tilo.

Yeremiya 46:21

Masocha lawa va ma tholeke ma tsakisa kukota marhole lama noneke; kambe na wona ma ta tlhela hi ku tsutsuma, ma tsandzeka ku va lwela. Siku ra wona ra ku biwa ri fikile, wu tile nkarhi wa mina wa ku ma avanyisa.

Yeremiya 8:20

Vaisraele va ri: “Ximumu xi hundzile, hi hetile khale ku tshovela, kambe a hi si ntshunxiwa.”

Esaya 47:15

Vanhu lava u tirhisaneke na vona ni ku pfunana na vona ku sukela vutsongwanini bya wena, va ta ku tshika: Un'wana na un'wana ú ta khoma ndlela ya yena, ku ta pfumaleka ni wo ta a ta ku lamulela.”

2 TIKRONIKA 28:9

Emutini wa Samariya a ku ri ni muprofeta wa HOSI Xikwembu, loyi a va ku i Odede. Kutani loko vavanuna va Israele va vuyela eSamariya, Odede a huma emutini a ya va hlanganisa, a ku ka vona: “HOSI, Xikwembu xa vatata wa hina, xi hlundzukerile va ka Yuda, xi va nyiketa emavokweni ya n'wina; kambe n'wina mi dlayile van'wana va vona hi tihanyi to chavisa, leti Xikwembu xi ti voneke.

Nhlavutelo 18:4

Kutani ndzi twa rito rin'wana leri humaka etilweni ri ku: “N'wina vanhu va mina, humani mi n'wi siya, leswaku mi ta kala mi nga ngheni eswidyohweni swa yena, mi ta kala mi nga weriwi hi maxangu ya yena,

Hosiya 7:13

Va ta weriwa hi khombo, hikuva va sukile eka mina! Va ta xanisiwa, hikuva va ndzi tshikile! Ku va lamulela, a ndzi ta va lamulela, kambe va vulavula mavunwa hi mina.