Yeremiya 51:8 - BIBELE Mahungu Lamanene

⁸ Rilelani muti wa Babilona, hikuva ku nga ri khale wu ta fayiwa wu wa. Tekani murhi mi tota timbanga ta wona, kumbexana wu ta hola.

Xitsonga (Bibele)

⁸ Babilona u wile kan'we, kutani u tshovekile. Kololani hikwalaho ka yena, mi tekela ku vaviseka ka yena murhi; kumbe u ta hanya.

Yeremiya 51:8 Referans Kwoze

Yeremiya 46:11

Tlhandlukela le Giliyadi, we nhwana wa Egipta, u ya kuma murhi wo tola; mirhi leyo tala leyi u yi dyaka yi nge ku pfuni nchumu, u nga ka u nga holi!

Esaya 21:9

Vonani! Ku ta vanhu lava gadeke tihanci, va famba hi vambirhi-mbirhi.” Kutani ku twala rito leri nge: “Wu wile muti wa Babilona, wu wile! Swifaniso hinkwaswo swa swikwembu swa vona swi wele hansi swi fayeka.”

Nhlavutelo 14:8

Ku landza ntsumi yin'wana ya vumbirhi, yi ku: “Ú wile, ú wile Babilona, muti lowukulu, yena loyi a nga nwisa vanhu va matiko hinkwawo evhinyo leyo bava ya vuoswi bya yena!”

Nhlavutelo 18:2

Yi huwelela hi rito lera ntamu yi ku: “Ú wile, ú wile, Babilona lonkulu, ú hundzukile kaya ka mademona, ni bako ra mimoya ya thyaka ya tinxaka-xaka, ni xisaka xa tinyanyana ta tinxaka-xaka leti nga tengangiki, leti vengekaka.

Yeremiya 50:2

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.

Yeremiya 48:20

Va ta ku: ‘Tiko ra Mowabu ri ni tingana, ri onhakile!’ Hikokwalaho huwelelani mi rila, mi tivisa va le Arinoni leswaku le Mowabu ku sele marhumbi ntsena!

Nahume 3:19

Makhombo ya wena a ma chaveleleki, timbanga ta wena i ntsandza-vatshunguri. Hinkwavo lava twaka ta khombo ra wena, va ba minkulungwana! Hikuva i mani xana loyi vubihi bya wena byi nga n'wi khumbangiki kambe na kambe, xana?

Daniele 5:31

kutani Dariyosi lowa rixaka ra Vameda a va hosi ya tiko. Enkarhini wolowo, Dariyosi a a ri ni malembe ya 62.

Daniele 5:24

“Voko leri tsaleke ekhumbini, ri rhumiwe hi Xikwembu.

Ezekiele 30:2

“Wena munhu, tivisa Vaegipta leswaku mina HOSI N'wini wa hinkwaswo ndzi ni rito eka vona leri nge: “Banani nkalanga, mi ku: ‘Yo! Siku ra khombo ra ta!’

Yeremiya 51:41

Langutani, muti wa Babilona wa tekiwa, wa khomiwa muti lowu wo dzuneka emisaveni hinkwayo; vonani, muti wa kona wu hundzukile xilo xo chavisa ematikweni hinkwawo!

Yeremiya 48:31

Hikokwalaho ndzi twa ku vava ehenhla ka tiko ra Mowabu, ndzi rila Vamowabu hinkwavo, ndzi tlhava mukhosi ehenhla ka va le Kiri-Harasete.

Yeremiya 8:22

Xana le Giliyadi, mirhi yo tshungula ha yona a yi kona ke? Ni tin'anga a ta ha ri kona xana, leswi mbanga ya vanhu va ka hina yi alaka ku hola ke?

Esaya 47:9

makhombo lawa mambirhi ma ta ku humelela siku rin'we, hi ku copeta ka tihlo; hi xitshuketa lexikulu, u ta feriwa hi vana ni nuna, vungoma bya wena lebyikulu ni migilo-gilo ya wena ya matimba, a swi nga ku pfuni nchumu.

Esaya 47:11

Kambe u ta humeleriwa hi leswo biha, leswi u nga ta ka u nga koti ku swi sivela; u ta weriwa hi khombo, leri u nga ta tsandzeka ni ku tisirhelela eka rona; leswo chavisa, leswi u nga si tshamaka u swi vona, swi ta ku fikela u nga ehleketanga nchumu.