Yeremiya 51:2 - BIBELE Mahungu Lamanene

² Ndzi ta rhumela valala ku hlunguhla va le Babilona, va va cukumeta kule ni tiko ra vona, ri sala ri nga ha ri na munhu. Loko siku leri ra khombo ri fika, va ta hlaseriwa hi matlhelo hinkwawo.”

Xitsonga (Bibele)

² kutani ndzi ta nyiketa Babilona emavokweni ya vamatiko, va ta n'wi hlungula, va hluvula tiko, ri sala ntsena; hikuva va ta n'wi rhendzela hi matlhelo hinkwawo hi siku ra khombo.

Yeremiya 51:2 Referans Kwoze

Matewu 3:12

Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele, ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”

Yeremiya 15:7

Vanhu va mina ndzi va peperhile hi rihlelo, emitini hinkwayo ya tiko; ndzi va herisile, ndzi dlaya ni vana va vona, kambe a va tshikanga tindlela ta vona leto homboloka.

Esaya 41:16

mi ta swi peperha, moya wu swi hahisa, xihuhuri xi ta swi hangalasa, kutani mi ta kuma ku tsaka eka mina HOSI, mi va mi dzuneka eka mina Muhlawuleki wa Israele.

Ezekiele 5:12

Ndzi ta mi avanyisa hi mintlawa minharhu: Vanhu va ntlawa wo sungula va ta fa hi mintungu, va dlayiwa hi tindlala exikarhi ka n'wina. Va ntlawa wa vumbirhi va ta dlayiwa etinyimpini loko valala va hlasela muti wa n'wina. Kutani va ntlawa wo hetelela, ndzi ta va hangalasa va ya ematlhelweni hinkwawo ya misava, kutani ndzi ta hlomula fumu ra mina ndzi va hlongorisa.

Yeremiya 50:32

Leswi u tikurisaka, u ta khuguka u wa, u nga ha pfuxiwi hi munhu; ndzi ta hisa swimitana swa wena, ku ta tshwa hinkwaswo leswi nga kusuhi na wena.”

Yeremiya 50:29

HOSI Xikwembu xi ri: “Rhambani hinkwavo lava tivaka ku konga vurha, a va cope muti wa Babilona hi miseve; mavuthu a ma rhendzele muti lowu, ku nga humi munhu eka wona. Banani va le Babilona hi ku ya hi mintirho ya vona, va endleni hinkwaswo leswi va mi endleke swona, hikuva va tikurisile va lwa na mina HOSI, Muhlawuleki wa Israele.

Esaya 43:14

HOSI Xikwembu, Muhlawuleki wa Israele, lexi xi mi kutsuleke, xi vurisa sweswo xi ri: “Ndzi ta mi pfuna hi ku rhumela mavuthu ma ya hlasela Babilona; ma ta faya timbanti hinkwato ta muti, kutani ku yimbelela ka Vakalediya ku ta hundzuka swirilo.