Yeremiya 50:6 - BIBELE Mahungu Lamanene

⁶ Vanhu va mina i tinyimpfu leti lahlekeke, varisi va tona va ti lahlile etintshaveni; ti le ku pepetsekeni emagangeni, tshanga ra tona a ta ha ri tivi.

Xitsonga (Bibele)

⁶ “Tiko ra mina a ri kotisa ntlhambi wa tinyimpfu leti lahlekeke, varisi va tona a va ti hambuxa, va ti fambisa etintshaveni ni le switsungeni, ti kondza ti rivala tshanga ra tona.

Yeremiya 50:6 Referans Kwoze

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

Matewu 9:36

Loko a vona mintshungu ya vanhu, a va twela vusiwana, hikuva a va karhele, va tshamile ehansi, va fana ni tinyimpfu leti nga riki na murisi.

Matewu 10:6

kambe yanani eka Vaisraele, lava lahlekeke kukota tinyimpfu.

Ezekiele 34:14

Ndzi ta ti risa emadyelweni ya rihlaza; ti ta dya ti xurha emagangeni ya tiko ra Israele, laha ku nga ni byanyi lebyo tala; ti ta vundza ni ku gayela kona, ti nga pfumali nchumu.

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Pisalema 119:176

Ndzi le ku pepetsekeni kukota nyimpfu leyi lahlekeke. Tana u ta ndzi lava mina nandza wa wena, hikuva a ndzi rivali swileriso swa wena.

Yeremiya 50:19

Vaisraele vona ndzi ta va vuyisa etikweni ra vona, tanihi tinyimpfu emadyelweni ya tona. Va ta dya leswi byariweke entshaveni ya Karmele, ni le Baxani; swakudya leswi humaka emagangeni ya Efrayimi, ni le Giliyadi, va ta swi dya va xurha.

Yeremiya 3:6

Enkarhini wa ku fuma ka hosi Yosiyasi, HOSI Xikwembu xi vulavurile na mina xi ku: “Xana u vonile hilaha Israele, munhu wo ka a nga tshembekanga, a hanyeke hakona xana? Ú tlhandlukele eswitsungeni hinkwaswo, a etlela ehansi ka nsinya wun'wana ni wun'wana lowu tlhumeke, a endla swa vunghwavava bya yena kona.

Pisalema 116:7

Sweswi ndzi ni ku rhula, hikuva HOSI Xikwembu xi ndzi katekisile ngopfu.

Pisalema 91:1

Munhu loyi a sirheleriwaka hi HOSI Xikwembu xa le henhla-henhla, loyi a wisaka endzhutini wa Xikwembu lexi nga ni matimba hinkwawo,

1 Petro 2:25

Khale, a mi pepetseka ku fana ni tinyimpfu, kambe sweswi mi vuyile eka murisi ni mulanguteri wa mimoya ya n'wina.

Matewu 15:24

Yesu a hlamula a ku: “A ndzi rhumiwanga eka van'wana, loko ku nga ri eka Vaisraele, lava lahlekeke kukota tinyimpfu.”

Yeremiya 10:21

Mina Yeremiya ndzi ri: Varhangeri va hina va pfumala mano, a va ha yi va ya vutisa ku rhandza ka HOSI Xikwembu, hikokwalaho makungu ya vona ma helela empfhukeni, kutani ntlhambi wa vona hinkwawo wu hangalaka.

Yeremiya 3:23

Hakunene vukhongeri bya hava bya le switsungeni bya kanganyisa; leswi va swi endlaka etintshaveni i huwa ntsena. Ku ponisiwa ka hina Vaisraele ku huma ka wena hakunene, wena HOSI Xikwembu xa hina.

Yeremiya 2:32

Nhwanyana a nga ka a nga rivali vuhlalu bya yena, na rona hlomisa ri nge rivali swiambalo swa rona swa nkhuvo. Kambe n'wina vanhu va mina, i khale swinene mi ndzi rivarile.

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Esaya 32:2

Varhangeri lava hinkwavo va ta fana ni xivava xo sivela moya, ni ndhawu yo tumbela ka yona sikwini ra xidzedze; va ta fana ni swinambyana swa mati endhawini leyi omeke, ni ndzhuti wa ribye lerikulu etikweni ra mumu.

Esaya 30:15

HOSI N'wini wa hinwaswo, Muhlawuleki wa Israele, ú mi byerile, a ku: “Tlhelelani eka mina, mi tshama mi ku whíí, ndzi ta mi ponisa, loko mi va vanhu lavo rhula, lava va ndzi tshembaka, mi ta kuma matimba.” Kambe n'wina a mi pfumelanga,

Pisalema 90:1

We N'wini wa hina, ku sukela eminkarhini ya vakokwa wa hina, hi kumile vutshamo eka wena.

Pisalema 32:7

We HOSI, ndzi tumbela eka wena, u ndzi sirhelela emakhombyeni; leswi u ndzi sirheleleke ni ku ndzi lwela, ndzi ta ba nkulungwana wa ntsako.

Pisalema 23:2

U ndzi fikisa emadyelweni ya rihlaza, u ndzi yisa ematini layo tenga.

Yeremiya 13:16

Kombani xichavo eka HOSI Xikwembu xa n'wina xi nga si vanga munyama, mi nga si khuguriwa mi wa etintshaveni loko dyambu ri ya eku peleni. A mi languterile ku vonakala, kambe HOSI Xikwembu xi tisile vusiku, ni xinyami xa byona xo chavisa.

Yeremiya 23:1

HOSI Xikwembu xi ri: “Mi ni khombo n'wina varisi lava dlayaka ni ku hangalasa tinyimpfu ta mina.

Yeremiya 33:12

“Mina HOSI ya matimba hinkwawo, ndzi vurisa sweswo ndzi ri: Exivandleni lexi hundzukeke mananga ku nga ha tshami munhu kumbe xifuwo, ni le mitini ya kona hinkwayo, ndzi ta nyika varisi madyelo ya swifuwo leswitsongo, va swi risela kona.

Ezekiele 13:10

“Hakunene vaprofeta lava va xisa vanhu va mina, hikuva va ri: ‘Ku rhurile!’ kasi a ku na ku rhula. Loko vanhu va mina va aka khumbi, vaprofeta va ri phama hi misava ntsena va ri chuchuta.

Ezekiele 34:15

Tinyimpfu leti ta mina, hi mina ndzi nga ta va murisi wa tona, ndzi ti wisisa; ndzi vula sweswo mina HOSI N'wini wa hinkwaswo.

Ezekiele 34:16

Ndzi ta lava leti lahlekeke, ndzi vuyisa leti nga hambuka endleleni: ndzi ta bohelela leti khwitaka, ndzi tiyisa leti tsaneke, kambe leti noneke ni leti tiyeke, ndzi ta vona leswaku ti nga karhati letin'wana. Eku riseni ka mina, ndzi ta tirha hi ku lulama!

Esaya 1:3

Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”