Yeremiya 5:8 - BIBELE Mahungu Lamanene

⁸ va fana ni tihanci leto nona ta xinuna leti navelaka ta xisati: Un'wana ni un'wana ú gangisa nsati wa munhu-kulobye.

Xitsonga (Bibele)

⁸ I timangwa leti xurheke, leti tsutsumelaka hinkwako, un'wana ni un'wana u rilela nsati wa nakulobye.

Yeremiya 5:8 Referans Kwoze

Yeremiya 13:27

Vuoswi lebyi u byi endlaka le handle eswitsungeni, ni ku navela ka wena ka manyala, ni vunghwavava bya wena, ndzi swi vonile hinkwaswo. We Yerusalema, u le khombyeni, hikuva u tsandzeka ku susa thyaka leri! Xana u ta tsandzeka ku fikela rini ke?”

Ezekiele 22:11

Un'wana ú oswana ni nsati wa muakelani, un'wana a etlela ni n'wingi wa yena, un'wana kambe a pfinya makwa wa yena wa xisati.

Yeremiya 29:23

Vaprofeta lava va endlile swilo swa manyala exikarhi ka Vaisraele, va etlela ni vasati va vaakelani va vona, va tiendla lava vulavulaka hi vito ra mina, kasi va hemba, a ndzi va lerisanga nchumu. Mina HOSI ndzi ri, hinkwaswo leswi, ndzi swi vonile, ndza swi tiva.’ ”

Ntirho 31:9

“Loko ndzi lo tshuka ndzi yiviwa mbilu hi nsati wa un'wana, ni loko ndzi lo ya n'wi hlometela enyangweni ya muti wa ka vona,

Duteronoma 5:21

“ ‘U nga tshuki u navela nsati wa munhu-kuloni; naswona u nga tshuki u navela yindlu ya yena, hambi nsimu ya yena, kumbe nandza wa yena wa xinuna ni wa xisati; ni homu ya yena, kumbe mbhongolo ya yena, kumbe xilo xihi na xihi lexi nga xa yena, u nga tshuki u xi navela.’

Duteronoma 5:18

“ ‘U nga tshuki u oswa.

Eksoda 20:17

“U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Eksoda 20:14

“U nga tshuki u oswa.

Genesa 39:9

Laha mutini wa yena, mina na yena ha ringana hi matimba. Ku hava lexi a ndzi alelaka xona handle ka wena ntsena, hikuva u nsati wa yena. Mhaka yo bihisa leswi, ndzi nga ka ndzi nga yi endli, hikuva ndzi ta va ndzi dyohela Xikwembu.”

Yeremiya 9:2

Loko a ndzo va ni ntsonga le mananga, a ndzi ta ya tshama ka wona kule ni varikwerhu, ndzi hambana na vona, hikuva a ku na loyi a tshembekaka exikarhi ka vona, hinkwavo i vakanganyisi.

Yeremiya 50:11

HOSI Xikwembu xi ri: “N'wina mi xanisaka vanhu va mina, ma tsaka, mi tikurisa! Mi tlalamba-tlalamba kukota marhole ebyanyini bya rihlaza, mi tiphina ku fana ni mangwa ya xinuna!

Swivuriso 6:29

Swi tano ni le ka munhu loyi a etlelaka ni nsati wa un'wana; un'wana ni un'wana loyi a khumbaka nsati wa muakelani, a nge poni.

Yeremiya 23:10

hikuva tiko hinkwaro ri tele hi vaoswi, lava tsutsumelaka ku endla leswo biha; eku dyoheni, hi vona va nga tinhenha! Hikwalaho ka ndzhukano wa kona, tiko ra onhaka; enhoveni, madyelo ya swifuwo a ma ha ri na byanyi.