Yeremiya 5:7 - BIBELE Mahungu Lamanene

⁷ HOSI Xikwembu xi ri: “We Yerusalema, xana ndzi ta ku rivalela loko swi te yini? Vaaki va wena va ndzi tshikile, va hlambanya hi vito ra swikwembu swa hava. Ndzi va phamerile va dya va xurha, kambe a va tshembekanga; va tate minkondzo emitini ya tinghwavava,

Xitsonga (Bibele)

⁷ “Ndzi nga ku tsetselelerisa ku yini? Kasi vana va wena va ndzi tshikile, kutani va hlambanya hi lexi nga riki Xikwembu, ndzi amukerile ku hlambanya ka vona, kambe va ha ri karhi va oswana; va hlengeletana va ri lavanyingi endlwini ya muoswi.

Yeremiya 5:7 Referans Kwoze

Vagalatiya 4:8

Khale, loko mi nga si tiva Xikwembu, a mi ri mahlonga ya swilo leswi hi ku tumbuluka swi nga riki swikwembu.

Yeremiya 2:11

Xana vamatiko va tshama va tshika swikwembu swa vona xana? E-e! (Kasi swikwembu swa kona a hi swa ntiyiso!) Kambe vanhu va mina va ndzi tshikile, mina Xikwembu xa vona lexi dzunekaka, va tilavela leswi nga pfuniki nchumu.

Yoxuwa 23:7

kutani mi nga ka mi nga hlangani-hlangani ni vamatiko lava va ha saleke exikarhi ka n'wina, kumbe ku vulavula hi swikwembu swa vona, kumbe ku hlambanya ha swona, kumbe ku swi gandzela, ni ku swi nkhinsamela mi nga ka mi nga swi nkhinsameli.

Duteronoma 32:21

Va pfuxile rilaveta ra mina hi ku landzelela swikwembu swin'wana, va ndzi hlundzukisa hi swikwembu swa vona swa hava. Hikokwalaho na mina ndzi ta tihlawulela vanhu ntsena, ndzi pfuxa rilaveta ra vona, hikuva ndzi ta hlawula swiphukuphuku ku va vanhu va mina.

Sofoniya 1:5

Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

1 Vakorinto 8:4

Loko ku ri ku dya leswi humeseriweke swikwembu swa hava, hi tiva leswaku “xikwembu xa hava a hi xilo xa nchumu emisaveni”, ni leswaku “ku ni Xikwembu xi ri xin'we ntsena, ku hava xin'wana.”

Yeremiya 23:10

hikuva tiko hinkwaro ri tele hi vaoswi, lava tsutsumelaka ku endla leswo biha; eku dyoheni, hi vona va nga tinhenha! Hikwalaho ka ndzhukano wa kona, tiko ra onhaka; enhoveni, madyelo ya swifuwo a ma ha ri na byanyi.

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Yeremiya 12:16

Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

1 Vakorinto 6:9

Xana a mi tivi leswaku lavo homboloka va nga ka va nga dyi ndzhaka ya Mfumo wa Xikwembu, xana? Mi nga tshuki mi tikanganyisa: Loko ti ri timbhisa, ni lava gandzelaka swikwembu swa hava, ni vaoswi, ni vavanuna lava endlaka swa tingana ni vavanuna-kulobye,

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Amosi 8:14

Vanhu lava hlambanyaka hi Axima, xikwembu xa xifaniso xa le Samariya, va ku: ‘Hi hlambanya hi xikwembu xa wena Dani’, ni lava va nge: ‘Hi hlambanya hi ndlela yo ya eBerexeba’, va ta wa va nga ha pfuki, ni siku ni rin'we.”

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Hosiya 7:4

Hinkwavo va ni tihanyi: Va fana ni ndzilo lowu pfurhaka exitikweni, lowu musweki wa xinkwa a tshikaka ku wu hlanganyeta, ku sukela loko a ha pfuva mapa, ku kondza ma kukumuka.

Hosiya 4:2

Va rhuketelana ni ku xisana ni ku dlayana, va yivelana ni ku hahlulelana mindyangu; va tlula milawu hinkwayo; minkarhi hinkwayo va le ku halateni ka ngati.

Ezekiele 22:11

Un'wana ú oswana ni nsati wa muakelani, un'wana a etlela ni n'wingi wa yena, un'wana kambe a pfinya makwa wa yena wa xisati.

Yeremiya 13:27

Vuoswi lebyi u byi endlaka le handle eswitsungeni, ni ku navela ka wena ka manyala, ni vunghwavava bya wena, ndzi swi vonile hinkwaswo. We Yerusalema, u le khombyeni, hikuva u tsandzeka ku susa thyaka leri! Xana u ta tsandzeka ku fikela rini ke?”

Yeremiya 9:2

Loko a ndzo va ni ntsonga le mananga, a ndzi ta ya tshama ka wona kule ni varikwerhu, ndzi hambana na vona, hikuva a ku na loyi a tshembekaka exikarhi ka vona, hinkwavo i vakanganyisi.

Yeremiya 3:19

HOSI Xikwembu xi ri: “A ndzi ri ni makungu ya ku ku tlakusa exikarhi ka vana va mina va xinuna, ndzi ku nyika tiko ro tsakisa ri va ra wena, tiko ro saseka ku tlula matiko man'wana hinkwawo. A ndzi anakanya leswaku u ta ndzi vula tata wa wena, u nga ha ndzi landzuli.

Yeremiya 2:31

N'wina vanhu va Israele, yingisani swinene, hikuva mina HOSI ndzi ni rito eka n'wina: Xana ndzi mi karhatile n'wina vanhu va mina, xana ndzi vile tiko lero oma ra xinyami eka n'wina xana? Loko swi nga ri tano, hikwalaho ka yini mi ku: ‘Hi ta ya lomu hi ku rhandzaka, a hi swi lavi ku tlhelela eka wena!’ xana?

Pisalema 50:18

Loko mi vona khamba, mi ri endla munghana, mi tolovelana ni lava endlaka vuoswi.

Levhitika 20:10

“Loko wanuna a endla vuoswi ni nsati wa munhukulobye, vaoswi lava va fanele ku dlayiwa hi vumbirhi bya vona.

Vaheveru 13:4

Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

2 TIKRONIKA 13:9

Ma swi tiva, mi hlongorile vaprista va HOSI Xikwembu, va nga va ka Aroni ni Valevhi. Kutani mi encenyetile vamatiko hi ku ya teka vanhu ntsena mi va endla vaprista; mani na mani la tikombelelaka vuprista hi ku humesa nkuzi ni tinyimpfu ta makhuna ta 7, mi n'wi nyika byona, leswaku a tirhela swikwembunyana swa n'wina swa hava.

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Yeremiya 16:11

Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.

Yeremiya 16:20

Xana munhu a nga tiendlela swikwembu xana? E-e! Swikwembu leswo tano, a hi swikwembu swa nchumu!”

Swirilo 3:42

“Hi tiarisile hi ku dyohela we HOSI, kutani a wu hi rivalelanga.

Ntirho 31:12

I ndzilo lowu dlayaka, lowu yisaka ekheleni ra vafi! Wu nga hisa ni tinhundzu ta mina hinkwato.

Yeremiya 3:8

U vonile leswaku ndzi tshikile Israele la nga tshembekiki hikwalaho ka vunghwavava bya yena. Kambe Yuda lowa mukanganyisi a nga chavisiwanga hi swona; na yena ú lo ya emahlweni a tilavela swigangu.

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.