Yeremiya 5:22 - BIBELE Mahungu Lamanene

²² Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

Xitsonga (Bibele)

²² Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

Yeremiya 5:22 Referans Kwoze

Pisalema 104:9

Kutani u bele mati lawa emindzilekana leyi ma nga ta ka ma nga yi tluli; a ma nga ha tlheli ma funengeta misava.

Ntirho 26:10

Elwandle le vugimamusi, xi ba ndzilekana, xi hambanisa munyama ni ku vonakala.

Swivuriso 8:29

Loko HOSI Xikwembu xi bela lwandle ndzilekana leswaku mati ma nga tluli nawu wa xona, ni loko xi veka masungulo ya misava,

Pisalema 119:120

Ndza rhurhumela emahlweni ka wena hikuva ndza ku chava, ndzi chava ni leswi u swi boheke.

Duteronoma 28:58

“Loko mi nga tikarhateli ku endla hinkwaswo leswi tsariweke ebukwini leyi ya Nawu, ni loko mi nga chavi vito ro dzuneka ni ro chaviseka ra HOSI Xikwembu xa n'wina,

Nahume 1:4

Yi tshinya lwandle, kutani ri phya, yi omisa milambu hinkwayo; swimila swa Baxani ni swa Karmele swa vuna, swiluva swa Lebanoni swa dzudzeka.

Yeremiya 10:7

Xana i mani la nga ta ka a nga ku chavi, we Mufumi wa matiko, xana? Ku xiximiwa hi vanhu swi ku fanerile, hikuva exikarhi ka tintlhari hinkwato ni tihosi hinkwato ta misava, ku hava na un'we loyi a ringanaka na wena.

Marka 4:39

Hiloko a pfuka, a tshinya mheho, a ku ka lwandle: “Miyela, u ku ntse!” Mheho yi va yi miyela, ku va ni ku rhula lokukulu.

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

Amosi 9:6

Xikwembu xi aka tindlu ta xona ta le henhla ematilweni, xi khubumeta misava hi tilo ra xona; xi vitana mati ya lwandle xi ma humesa, xi cheleta misava ha wona: Vito ra xona i HOSI.

Pisalema 99:1

HOSI Xikwembu xa fuma, xi tshamile ehenhla ka tikerubu; vamatiko va rhurhumela hi ku chava, misava ya tsekatseka.

Pisalema 33:7

Xi hlengeletile mati ya lwandle ma endla ndhundhuma, swidziva xi swi pfalerile evuhlayiselweni bya swona.

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Esaya 50:2

Hikwalaho ka yini ndzi nga kumanga munhu loko ndzi ta ka n'wina; loko ndzi mi vitana, hikwalaho ka yini mi nga hlamulanga xana? Xana mo ehleketa leswaku a ndzi na matimba yo mi lwela, ndzi mi ponisa, ke? Vonani, ndzi lerisa lwandle, kutani mati ya rona ma phya, milambu, ndzi nga yi omisa, kutani tinhlampfi hinkwato ta yona ti fa ti bola, hi ku ka ku nga ha ri na mati.

Luka 12:5

Ndzi ta mi komba loyi mi fanelaka ku chava yena; chavani loyi a nga ni matimba ya ku lovisa munhu, a n'wi hoxa eTiheleni. Ina, ndzi ri ka n'wina, yena yoloye, n'wi chaveni!

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Esaya 66:5

N'wina mi xiximaka milawu ya HOSI Xikwembu, twanani leswi xi vulaka swona; xi ri: “Vamakwenu va mi venga, va mi hlongola hi mhaka ya leswi mi ndzi tshembaka, va mi hlekula, va ku: ‘HOSI Xikwembu a xi mi kombe ku dzuneka ka xona, hi ta vona ku tsaka ka n'wina!’ Kambe vanhu volavo, hi vona va nga ta va ni tingana.”

Genesa 1:9

Kutani Xikwembu xi ku: “Mati lama nga hansi ka tilo a ma hlengeletane endhawini yin'we, kutani ku humelela ndhawu leyi omeke.” Hiloko swi va tano.

Ntirho 38:8

“I mani la nga hingakanya timbanti, a sivela lwandle siku ri velekiwaka xana?

Pisalema 46:3

hambiloko magandlati ma pfuma ma phupha ni khuvi, ni loko tintshava ti tsekatseka hi ku kariha ka wona, hi nga ka hi nga chavi.

Esaya 64:2

Tana kukota ritshwa leri hlaselaka xihlahla, kumbe ndzilo lowu virisaka mati, kutani valala va ta swi tiva leswaku hi we mani, ni vamatiko va ta rhurhumela loko va ku vona.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Amosi 4:12

“Hikokwalaho, ndzi lava ku mi endla swin'wana, n'wina Vaisraele; kutani eka leswi ndzi lavaka ku mi endla swona, tilulamiseleni ku hlangana na mina Xikwembu xa n'wina, n'wina Vaisraele!”

1 TIHOSI 13:28

Kutani a suka, a ya kuma ntsumbu wa munhu luya endleleni wu lo tlátlálálá. Mbhongolo ni nghala swi lo tiyimela hi le matlhelo ka wona. Nghala a yi nga dyanga ntsumbu lowu, hambi ku ri ku kakatlula mbhongolo.

Ntirho 37:24

Hikokwalaho, vanhu va xi chava, kambe a xi na mhaka ni lava titwaka va ri lavo tlhariha.”

Yeremiya 31:35

HOSI Xikwembu, xona lexi vekeke dyambu ku fuma nhlekanhi, xi lerisa n'weti ni tinyeleti leswaku swi voninga nivusiku, xona lexi pfindlusaka lwandle xi pfumisa ni magandlati, vito ra xona i HOSI ya matimba hinkwawo. Kutani xi vula sweswo xi ri:

Yonasi 1:16

Vavanuna lava va sungula ku chava ngopfu HOSI Xikwembu, va xi humesela magandzelo, naswona va hlambanya leswaku va ta xi tirhela.