Yeremiya 5:21 - BIBELE Mahungu Lamanene

²¹ “Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Xitsonga (Bibele)

²¹ ‘Yingisani, n'wina tiko leri hungukeke, leri nga riki na ku anakanya, leri nga ni mahlo, kambe a ri voni, leri nga ni tindleve, kambe a ri twi.’

Yeremiya 5:21 Referans Kwoze

Ezekiele 12:2

“Wena munhu, u tshama exikarhi ka vanhu lava tiarisaka; va ni mahlo ni tindleve, kambe a va voni nchumu, ni ku twa a va twi!

Timhaka 28:26

“ ‘Famba u ya byela vanhu lava u ku: Ku twa mi ta twa, kambe a mi nga twisisi, ku vona mi ta vona, kambe a mi nga vonisisi!

Varhoma 11:8

hilaha ku tsariweke hakona, va ku: “Xikwembu xi va nyikile moya wo tlanyala, ni mahlo lama nga kotiki ku vona, ni tindleve leti nga kotiki ku twa, ku fikela siku ra namuntlha.”

Yohane 12:40

“Ú phumisile mahlo ya vona, ni ku tlanyata miehleketo ya vona, leswaku va nga ha voni, ni ku twisisa va nga ha twisisi, ni leswaku va nga hundzuki, na mina ndzi nga va hanyisi.”

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Marka 8:18

Leswi mi nga ni mahlo a mi voni ke? Leswi mi nga ni tindleve, a mi twi ha yini ke? A mi tsundzuki xana?

Yeremiya 8:7

Magumba ma tiva tinguva ta lembe, ni tinyanyana to fana ni matuva ni timbewulani ni minchukwana swi tiva minkarhi ya swona ya ku rhurha. Kambe vanhu va mina vona a va na mhaka ni leswi ndzi nga va lerisa swona mina HOSI.

Yeremiya 5:4

Ndzi anakanyile ndzi ku: Lava endlaka sweswo i vanhu ntsena, a va twisisi nchumu; a va tivi ku rhandza ka HOSI Xikwembu xa vona, ni leswi xi swi langutelaka eka vona a va swi tivi.

Esaya 44:18

Vanhu vo tano a va tivi nchumu, hambi ku twisisa a va twisisi, hikuva va pfalekile mahlo ni miehleketo, kutani a va ha voni kumbe ku twisisa nchumu.

Pisalema 94:8

N'wina vanhu vo pfumala tindleve, yingisani; mintlunya ndzin'wina, xana mi ta tlhariha rini xana?

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Swivuriso 17:16

Xiphunta xi nga va ni mali yo hakelela vutlhari, kambe swi nge xi pfuni nchumu, hikuva a xi na miehleketo.

Duteronoma 32:6

Xana hi yona ndlela leyi mi hakelaka HOSI Xikwembu ha yona, ke? Maphuphula ndzin'wina, vanhu vo ke mano, xana a hi xona xi nga Tata wa n'wina, yena loyi a mi vumbeke ke? Muendli ni mulweri wa n'wina, a hi xona ke?

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.

Hosiya 7:11

Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Yeremiya 10:8

Vanhu lava hinkwavo va pfumala mano ni ku twisisa: Xana swikwembu leswi swi ta va letela yini? I timhandze ntsena!

Marka 4:12

Swi ri leswaku, “ ‘loko ku ri ku vona, va vona kambe va nga vonisisi, hambi ku ri ku twa, va twa kambe va nga twisisi, leswaku va nga tshuki va hundzuka, va rivaleriwa swidyoho.’ ”

Varhoma 1:20

Hikuva hi mpfhuka misava yi tumbuluka, leswi nga vonakiki swa Xikwembu, ma nga matimba ya xona lama nga heriki ni vukwembu bya xona, swa vonaka swinene loko ku anakanyiwa mintirho ya xona; hikokwalaho, va hava xo tilandzula ha xona.

Esaya 43:8

HOSI Xikwembu xi ri: “Hlengeletani vanhu va mina lava nga voniki hambileswi va nga ni mahlo, lava nga twiki hambileswi va nga ni tindleve.

Yeremiya 5:20

HOSI Xikwembu xi ndzi lerisile ku ya tivisa va ka Yakobo ni va ka Yuda marito lawa ya nge:

Yeremiya 6:10

Ndzi hlamula ndzi ku: Xana ndzi ta vulavula na mani? I vamani lava nga ta yingisa loko ndzi va tsundzuxa xana? Vanhu lava a va na tindleve, ni ku twa a va ha twi. Rito ra wena we HOSI, va ri monya, a va na mhaka na rona.

Zakariya 7:11

Kambe vanhu va arile ku yingisa switsundzuxo leswi: Va swi be hi makatla, va tisiva tindleve leswaku va nga swi twi,

Duteronoma 29:3

yi nga mintungu leyo chavisa, ni swikombiso, ni mahlori lamakulu.

Yeremiya 7:13

Kutani mina HOSI ndzi ri: Swidyoho swa kona hinkwaswo na n'wina mi swi endlile. A ndzi karhalanga ku vulavula na n'wina, kambe a mi yingisanga; ndzi mi vitanile, kambe a mi hlamulanga.