Yeremiya 5:2 - BIBELE Mahungu Lamanene

² Hambiloko va tiboha hi ku vula va ku: ‘HOSI Xikwembu xi kona!’ ku hlambanya ka vona i mavunwa ntsena.”

Xitsonga (Bibele)

² Ni loko va ku: ‘Yehovha wa hanya!’ Va hlambanya hi vunwa.”

Yeremiya 5:2 Referans Kwoze

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

2 Timotiya 3:5

Va ta tiendla wonge hi loko va ri ni vukhongeri, kambe va ta ala matimba ya byona. Fambela kule ni vanhu lavo tano.

Hosiya 10:4

Leswi va swi vulaka a swi humi etimbilwini ta vona; loko va endla mintwanano, va tshembisa swilo leswi va nga ta ka va nga swi endli. Hikokwalaho, maavanyisele ya vona ya timhaka ma bihile, ma fana ni nhova leyi dlayaka swimilana emasin'wini.

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Esaya 48:1

N'wina va ka Yakobo, rhiyani ndleve, ndzi vula n'wina mi thyiweke vito ra Israele, n'wina mi humaka erixakeni ra Yuda: Mi tiyisa leswi mi swi hlambanyaka hi vito ra HOSI Xikwembu xa Israele, mi tivula vanhu va xona, kambe swilo leswi a mi swi vuli swi huma etimbilwini ta n'wina.

Levhitika 19:12

Mi nga tiyisi mavunwa hi ku hlambanya hi vito ra mina Xikwembu xa n'wina, hikuva sweswo i ku tlanga hi vito leri: Hi mina HOSI.

1 Timotiya 1:10

ni vaoswi, ni vavanuna lava endlaka swa tingana ni vavanuna-kulobye, ni lava yivaka vanhu, ni vahembi, ni va milomo mimbirhi, ni lava endlaka hinkwaswo leswi hambaneke ni dyondzo leyi nga yona ya xiviri.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Hosiya 4:15

Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

Yeremiya 44:26

Yeremiya a engeta a ku: “N'wina hinkwenu va ka Yuda lava mi tshamaka etikweni ra Egipta, yingisani leswi HOSI Xikwembu xi swi vulaka, hikuva xi ri: ‘Ndza tiyisa hi ku hlambanya mina HOSI leswaku etikweni hinkwaro ra Egipta, a ku nga ha vi na munhu na un'we wa va ka Yuda loyi a nga ta tiboha hi vito ra mina; a va nga ha vuli leswaku ndzi kona mina HOSI N'wini wa vona.

Sofoniya 1:5

Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

Yeremiya 9:2

Loko a ndzo va ni ntsonga le mananga, a ndzi ta ya tshama ka wona kule ni varikwerhu, ndzi hambana na vona, hikuva a ku na loyi a tshembekaka exikarhi ka vona, hinkwavo i vakanganyisi.