Yeremiya 49:7 - BIBELE Mahungu Lamanene

⁷ Ta va le Edomu hi leti: HOSI ya matimba hinkwawo yi vurisa sweswo, yi ri: “Xana vanhu va le Temani a va ha ri na vutlhari ke? Vatsundzuxi va vona va lahlekeriwe hi mano xana? Xana vutlhari bya vona byi lo nyamalala xana?

Xitsonga (Bibele)

⁷ Ku vula Yehovha wa tinyimpi: “Xana a ka ha tlharihanga eTemani? Xana miehleketo yi lahlekile eka vatsundzuxi-ke? Xana vutlhari bya vona byi herile?

Yeremiya 49:7 Referans Kwoze

Yeremiya 49:20

Hikokwalaho, yingisani leswi ndzi swi boheke ehenhla ka va le Edomu, ni makungu ya mina ehenhla ka vanhu va le Temani: Hakunene vana va vona va ta kokakokiwa, ku nga ha sali na un'we wa mhamba etikweni ra kona!

Yeremiya 25:21

ni vanhu va le Edomu, ni va le Mowabu, ni Vaamoni;

Genesa 36:15

Vatukulu va Esawu a va ri tindhuna. Vana va Elifasi mativula ya Esawu lava a va ri tindhuna, hi lava: Temani, na Omara, na Sefo, na Kenazi,

Genesa 25:30

Kutani Esawu a ku ka Yakobo: “Ndzi phamelenyana swilo sweswo swo tshwuka ndzi dya, hikuva ndzi ni ndlala swinene.” (Hikwalaho ka leswi, Esawu a thyiwa vito ra Edomu, hileswaku “ku tshwuka”.)

Ntirho 2:11

Yobo a a ri ni vanghana vanharhu: Elifasi wa le Temani, na Bilidada wa le Xuwaka, na Sofara wa le Naamani. Loko vanhu lava va twa ta makhombo hinkwawo lama weleke Yobo, va twanana ku ya n'wi chavelela ni ku n'wi tiyisa nhlana, kutani va fambisa sweswo va ya eka yena.

Genesa 36:11

Vana va Elifasi hi lava: Temani, na Omara, na Sefo, na Gatamu, na Kenazi.

Habakuku 3:3

Xikwembu xi ta tlhela xi ta hi le Temani, Muhlawuleki ú ta rhelela hi le ntshaveni ya Parani. Vukulukumba bya yena byi funengeta matilo, ku dzuneka ka yena ku tata misava.

Yuwele 3:19

Tiko ra Egipta ri ta sala ri nga ha pfuni nchumu, ra Edomu ri ta hundzuka mananga lama omeke, hikuva va khomile vanhu va Yuda hi tihanyi, va halata ngati ya vanhu lava nga riki na nandzu, ematikweni ya vona.

Daniele 11:41

Ú ta fika ni le tikweni leri tlulaka matiko hinkwawo hi ku saseka a dlaya vanhu va madzana-dzana eka rona; lava nga ta pona i va le Edomu ntsena, ni va le Mowabu, ni lavo chaviseka exikarhi ka Vaamoni.

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.

Yeremiya 18:18

Kutani vanhu va byelana va ku: “Tanani hi endla makungu ya ku lwa na Yeremiya. Vaprista lava nga ta hi byela nawu, va ha ta va kona; vanhu vo tlhariha lava nga ta hi tsundzuxa, hambi vaprofeta lava nga ta hi byela mahungu, na vona va ha ta va kona! Tanani hi n'wi tlhava hi marito, hi nga yingisi nchumu eka leswi a swi vulaka.”

Esaya 29:14

Hikokwalaho, vanhu lava ndzi ta tlhela ndzi va hlamarisa, va ta hlamala ku tlula mpimo; vutlhari bya tintlhari ta vona byi ta nyamalala, lavo twisisa exikarhi ka vona, va ta lahlekeriwa hi ku twisisa ka vona.”

Pisalema 137:7

We HOSI, u nga tshuki u rivala leswi vanhu va le Edomu va swi vuleke, siku muti wa Yerusalema wu hlaseriweke. Va huwelerile va ku: “Fayani! Fayani muti lowu, mi faya ni masungulo ya wona!”

Ntirho 4:1

Kutani Elifasi wa le Temani a sungula ku vulavula, a ku:

1 TIKRONIKA 1:53

na Kenazi, na Temani, na Mibisara,

Duteronoma 23:7

“Mi nga tshuki mi nyenya Vaedomu, hikuva i vamakwenu; hambi va ri Vaegipta, mi nga va nyenyi, hikuva a mi luverile etikweni ra vona.

Genesa 36:34

Loko Yobabu a fa, Huxama wa le tikweni ra Vatemani, a sala a fuma.

Genesa 36:8

Hikokwalaho Esawu a ya a ya tshama emagangeni ya Seyira. Esawu loyi hi yena Edomu.

Genesa 27:41

Kutani Esawu a sungula ku venga Yakobo hikwalaho ka leswi tata wa yena a n'wi katekiseke. Esawu a vulavula a ri yexe a ku: “Masiku ya ku rila tatana a ma ha ri kule, kutani ndzi ta dlaya lowa makwerhu Yakobo.”

Genesa 32:3

Kutani Yakobo a rhuma vanhu eka Esawu makwavo wa yena le Seyira, etikweni ra Edomu,

Yeremiya 8:9

Hikokwalaho vanhu lava vo tlhariha va ta va ni tingana; loko va khomiwa hi valala, va ta hlangana tinhloko. Vutlhari bya vona a byi nga va pfuni nchumu, hikuva va tshikile rito ra mina HOSI.

Yeremiya 12:14

HOSI Xikwembu xi vurisa sweswo xi ri: “Vamatiko hinkwavo lava akelaneke ni Vaisraele vanhu va mina, va bihile. Loko vo tshuka va khumba tiko leri ndzi ri nyikeke Vaisraele leswaku ri va ra vona, ndzi ta va hlongola ematikweni ya vona, kutani ndzi kutsula va ka Yuda emavokweni ya vona.

Yeremiya 25:23

ni vanhu va le Dedani, ni va le Tema, ni va le Buzi, ni hinkwavo lava byewulaka malebvu lomu matlhelo;

Ezekiele 32:29

“Edomu hi yaloyi, yena ni tihosi ta yena ni tindhuna ta yena hinkwato; khale a va ri tinhenha, kambe sweswi va rhelerile va ya exivandleni xa vafi eka lava dlayiweke hi fumu, va ya latiwa ni lavo soleka lava feke khale.

Esaya 21:11

Lawa i mahungu ehenhla ka Edomu. Ndzi twa munhu la ndzi vitanaka a ri eSeyira, a ku: “We murindzi, u ri yini hi vusiku, xana byi ta hela rini ke?”

Swirilo 4:21

N'wina va le Edomu lava mi tshameke etikweni ra Usi, mi nga ha tsaka mi hleka, kambe na n'wina mi ta nwisiwa vukari bya HOSI Xikwembu, byi ta mi pyopyisa, mi famba mi nga ambalanga nchumu.