Yeremiya 49:5 - BIBELE Mahungu Lamanene

⁵ Kambe yingisani, ndzi ta mi vangela makhombo layo chavisa, ma tisiwa hi matiko lawa ya mi rhendzeleke. Ndzi vurisa sweswo mina HOSI ya matimba hinkwawo, N'wini wa n'wina. Va ta mi hangalasa, mi ku bàmféé! Mi ta tsutsuma, mi nga ha hlengeletiwi.

Xitsonga (Bibele)

⁵ Vona, ndzi ta tisa nkosi eka wena ku vula Hosi, Yehovha wa tinyimpi, hi matlhelo hinkwawo ya wena; kutani mi ta hangalaka un'wana ni un'wana hitlhelo ra yena, ku nga ri na la hlengeletaka lava hangalakeke.

Yeremiya 49:5 Referans Kwoze

Yeremiya 49:29

A ku phanghiwe mintsonga ya vona ni swisirhelelo swa kona, ku phanghiwa tinyimpfu ni swingolongondzwana hinkwaswo, ku tekiwa ni tikamela ta vona. A va byeriwe ku chava leswi taka hi matlhelo hinkwawo!

Yeremiya 46:5

Kambe HOSI Xikwembu xi vula sweswo xi ri: “Xana ku humelela yini, ndzi vona yini xana? Vaegipta va khoma hi ku chava, va tlhelela ndzhaku. Tinhenha ta hluriwa, ti tsutsuma ti ku bàmféé, ti nga ha languti ni le ndzhaku. Hinkwako i mpfilu-mpfilu ntsena!

Amosi 4:3

Un'wana ni un'wana ú ta humesiwa emutini hi mbhovo leyi a langutaneke na yona erirhangwini, a ya cukumetiwa le Harimoni.’ ” HOSI yi vula sweswo.

Yeremiya 20:4

HOSI Xikwembu xi ri: ‘Ndzi ta ku endla Muchavisi, u tichavisa wena n'wini, u chavisa ni vanghana va wena hinkwavo. Valala va ta va dlaya hi matlhari emahlweni ka wena. Vanhu hinkwavo va tiko ra Yuda, ndzi ta va nyiketa emavokweni ya hosi ya Babilona, kutani yona yi ta va yisa evukhumbini eBabilona, yi va herisa hi matlhari.

Yeremiya 15:8

Ndzi andzisile tinoni exikarhi ka vona, ti tala ku tlula sava ra lwandle; vavasati lava, vona va nga veleka tinhenha, ndzi va rhumerile muhlaseri ninhlekanhi, kutani va hatle va khoma hi ku chava, ndzi va tshukisa va rhurhumela.

Esaya 16:3

Khongelani va le Yuda, mi ku: “Hi tsundzuxeni, mi hi pfuna. Hi amukeleni, hi wisa ku fana ni vanhu lava wisaka endzhutini wa murhi ninhlekanhi. Tumbetani lava tsutsumeleke eka n'wina; lava balekeleke kwaleyo, va sirheleleni.

Swivuriso 28:1

Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.

Ntirho 15:21

ú ta twa mpfumawulo wo chavisa; loko a ha tshamisekile, vahlaseri va ta n'wi juma.

2 TIHOSI 19:7

Yingisa: Ndzi ta nghenisa moya wun'wana eka yena: Ú ta twa mahungu-ndlela, kutani ú ta tlhelela etikweni ra yena; naswona ndzi ta vona leswaku a dlawa hi fumu, ekaya ka yena.’ ”

Yoxuwa 2:9

a fika a ku ka vona: “Ndza swi tiva leswaku HOSI Xikwembu xi mi nyikile tiko leri, ni leswaku hina ha mi chava, naswona vaaki va tiko hinkwavo va tshukile ngopfu hi ku chava n'wina.

Yeremiya 16:16

HOSI Xikwembu xi ri: “Yingisa, ndzi le ku rhumeni ka vaphasi va tinhlampfi, va ta kukuta Vaisraele. Lava nga ta pona, ndzi ta va rhumela vahloti va ya va hlota hinkwako, etintshaveni ni le swintshabyanini ni le mabakweni ya maribye.

Swirilo 4:15

Vanhu a va va tlherisa, va ku: “Sukani! Mi thyakile! Sukani, sukani, mi nga hi khumbi!” Kutani va hundzuke vatsendzeleki ni valuveri; hambi va ri vamatiko a va ku: “Vanhu lava va nga ka va nga ha tshami exikarhi ka hina!”

Yeremiya 6:25

Mi nga ha yi emasin'wini, ni le magondzweni mi nga ha famba-fambi, hikuva valala va tamele matlhari, va hi chavisa matlhelo hinkwawo.