Yeremiya 49:3 - BIBELE Mahungu Lamanene

³ “Tlhavani mukhosi n'wina va le Hexiboni, hikuva muti wa Ayi wu herisiwile! Na n'wina mi nga swimitaneni leswi nga kusuhi na Rhaba, banani nkalanga! Rilani nkosi mi ambarile leswo khwaxa, tsutsumani mi ya hala ni hala, mi tumbela erihlampfini, hikuva Milikomo xikwembu xa n'wina xi ta yisiwa evukhumbini, xi famba ni vaprista va xona ni varhangeri va tiko ra xona.

Xitsonga (Bibele)

³ Kololani Hexiboni! Hikuva Ayi wu onhiwile; huwelelani vana va Rhaba, mi ambala tinguvu to khwaxa; rilani, mi famba erirhangwini, hikuva Milikomo u ta yisiwa ekhotsweni swin'we ni vaprista ni tindhuna ta yena.

Yeremiya 49:3 Referans Kwoze

Yeremiya 48:7

“N'wina Vamowabu, hambileswi mi tshembaka mintirho ya mavoko ya n'wina ni rifuwo ra n'wina, mi ta khomiwa na n'wina; xikwembu xa n'wina Kemoxi xi ta yisiwa evukhumbini, xi famba ni vaprista va xona ni varhangeri va tiko ra xona.

Yeremiya 48:37

Hinkwavo va le ku rileni ka nkosi, va byewule misisi ni malebvu, va tixekelele mavoko va ambala swo khwaxa.

Esaya 15:2

Vaaki va muti wa Diboni va tlhandlukerile eswitsungeni leswo hlawuleka, va ya rila. Vanhu va tiko ra Mowabu va tlhava mukhosi va rilela muti wa Nebo ni wa Medeba. Hinkwavo va byewule misisi, va tsema ni malebvu.

Yeremiya 46:25

HOSI ya matimba hinkwawo, Xikwembu xa Israele, xi ri: “Ndzi ta ba Amoni xikwembu xa le Teba; ndzi ta ba na Faro, ni Vaegipta hinkwavo, ni swikwembu swa vona, ni tindhuna ta vona. Loko ndzi ba Faro, ndzi ta ba ni hinkwavo lava va n'wi tshembaka.

Yeremiya 4:8

Hikokwalaho ambalani swiambalo leswo khwaxa, tlhavani mukhosi mi rila, hikuva vukari bya HOSI Xikwembu bya pfurha, a hi nga poni eka byona!

2 TIHOSI 23:13

Yosiyasi a nyamisa switsunga leswo hlawuleka leswi a swi lulamisiwile hi Solomoni hosi ya Israele; a swi ri evuxeni bya muti wa Yerusalema, edzongeni ra Ntshava ya Mitlhwari, swi lulamiseriwile vugandzeri bya ndzhukano bya Astarte, xikwembukazi xa Vasidoni, ni bya Kemoxi xikwembu xa le Mowabu, ni vugandzeri bya manyala bya Milikomo xikwembu xa Vaamori.

1 TIHOSI 11:33

Mhaka hileswaku va le Yerusalema va ndzi tshikile hi ku ya gandzela Astarte xikwembukazi xa Vasidoni, na Kemoxi xikwembu xa le Mowabu, na Milikomo xikwembu xa Vaamoni. A va hanyanga hi tindlela ta mina, ku nga ku endla leswi lulameke emahlweni ka mina ni ku hlayisa milawu ya mina ni swiletelo swa mina, tanihilaha Davhida tata wa vona a endleke hakona.

1 TIHOSI 11:5

Solomoni a sungula ku gandzela Astarte xikwembukazi xa Vasidoni, na Milikomo xikwembu xa ndzhukano xa Vaamoni.

Yakobo 5:1

Twanani ke, n'wina lava fuweke: Mi fanele ku rila mi kolola hikwalaho ka mahlomulo lama nga ta mi humelela.

Sofoniya 1:5

Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

Amosi 1:15

Hosi ya vona ni tindhuna ta yona va ta ya swin'we evukhumbini.” HOSI yi vula sweswo.

Yeremiya 51:8

Rilelani muti wa Babilona, hikuva ku nga ri khale wu ta fayiwa wu wa. Tekani murhi mi tota timbanga ta wona, kumbexana wu ta hola.

Yeremiya 49:1

Ta Vaamoni hi leti: HOSI Xikwembu xi vurisa sweswo xi ri: “Lava gandzelaka Milikomo xikwembu xa Vaamoni va tekise ku yini tiko ra Gadi, va tshamisise ku yini emitini ya kona xana? Xana exikarhi ka Vaisraele a ku na vavanuna lava fanelaka ku teka tiko leri ri va ra vona ke?

Yeremiya 48:20

Va ta ku: ‘Tiko ra Mowabu ri ni tingana, ri onhakile!’ Hikokwalaho huwelelani mi rila, mi tivisa va le Arinoni leswaku le Mowabu ku sele marhumbi ntsena!

Yeremiya 48:2

Ku dzuneka ka tiko ra Mowabu ku herile. Valala va endla makungu ya ku lwa na rona va ri le Hexiboni, va ku: ‘A hi yeni hi ya ri herisa, ri nga ha vi tiko!’ Na n'wina va le Mademeni, a mi nga ha vulavuli, hikuva tinyimpi ti ta mi landza hi le ndzhaku.

Yeremiya 6:26

N'wina va ka hina, ambalani swiambalo swa nkosi, mi vumbuluka enkumeni; tlhavani mukhosi mi rila ngopfu ku fana ni loko ku lo fa n'wana loyi a a ri yexe, hikuva valala va le kusuhi ni ku hi herisa.”

Esaya 23:6

Banani nkalanga, n'wina vaaki va le ribuweni ra lwandle, balekelani eTarxixi.

Esaya 23:1

Lawa i mahungu hi tlhelo ra Tiri: Tlhavani mukhosi, n'we mi nga tingalaveni ta Tarxixi, hikuva le Tiri, ku lo sala marhumbi ntsena, a ka ha ri na yindlu; loko mi fika mi huma exihlaleni xa Kipra, mi ta swi kuma swi ri tano.

Esaya 16:7

N'wina Vamowabu, banani nkalanga hinkwenu, mi rilela tiko ra n'wina; bikulani swinene, mi rilela swimbhundzwa swa mihandzu ya vhinya leyi omisiweke swa le Kiri-Harasete.

Esaya 14:31

N'wina mi nga tinyangweni, banani nkalanga, kalakalani, n'wina mi nga mitini. Vafilista, rhurhumelani hinkwenu, hikuva lava taka va le ku tuvikiseni ka musi en'walungwini, exikarhi ka vona a ku na toya.”

Esaya 13:6

Banani nkalanga, hikuva siku ra HOSI ri le kusuhi, ra ta siku leri HOSI, Xikwembu xa matimba hinkwawo, xi nga ta herisa swilo ha rona.

Yoxuwa 8:28

Kutani Yoxuwa a hisa muti wa Ayi a wu siya wu ri rhumbi; ni namuntlha muti lowu wa ha ri rhumbi.

Yoxuwa 7:2

Loko va ri mutini wa Yeriko, Yoxuwa a rhuma vavanuna va ya mutini wa Ayi, lowu nga kusuhi ni muti wa Beta-Avene, hi tlhelo ra le vuxeni bya muti wa Betele, a ku ka vona: “Tlhandlukani mi ya valanga matshamelo ya muti.” Kutani va tlhandluka va famba va ya valanga muti wa Ayi.

Yoxuwa 8:1

Kutani HOSI Xikwembu xi ku ka Yoxuwa: “U nga chavi nchumu, naswona u nga heli matimba; teka masocha hinkwawo u famba na wona mi tlhandlukela emutini wa Ayi. Vona, ndzi nyiketile hosi ya muti wa Ayi, ni vanhu va yona, ni muti wa yona ni tiko ra yona emavokweni ya wena.

2 SAMIELE 11:1

Hi nguva ya ximun'wana, wu nga nkarhi lowu tihosi ti toloveleke ku huma nyimpi ha wona, Davhida a rhuma Yowabu ni tindhuna ta yena, ni masocha hinkwawo ya Israele ku ya hlasela Vaamoni, va rhendzela Rhaba ntsindza wa kona. Davhida yena a a sele eYerusalema.

Ezra 2:28

va le Betele ni va le Ayi i 223;