Yeremiya 49:2 - BIBELE Mahungu Lamanene

² Hikokwalaho mina HOSI ndzi ri, ku nga ri khale ndzi ta vanga huwa ya tinyimpi, ndzi lwa ni muti wa Rhaba ntsindza wa Vaamoni; muti lowu wu ta hundzuka rhumbi, swimitana swa wona swi ta tshwa swi hela, kutani Vaisraele va ta tlhela va kuma swa vona leswi Vaamoni va nga va tekela swona, ku vula mina HOSI.

Xitsonga (Bibele)

² Hikwalaho ma ta ta masiku lawa, ku vula Yehovha, ndzi nga ta ba ha wona nkosi wa nyimpi ehenhla ka Rhaba wa vana va Amoni, u ta endla rhumbi; kutani miti ya vona yi ta hisiwa hi ndzilo; kutani Israele u ta fuwa ndzhaka ya lava ngi va n'wi fuwile, ku vula Yehovha.

Yeremiya 49:2 Referans Kwoze

Yeremiya 4:19

Ndza tshwa, ndza tshwa! Ndzi twa ku vava! Mbilu ya mina a yi na ku rhula, ya ba hi ku hatlisa, ndzi tsandzeka ku yi miyeta, hikuva ndzi twa mhalamhala, ni mpfumawulo wa tinyimpi.

Ezekiele 21:20

Ndlela yin'wana yi ta fikisa banga emutini wa Rhaba etikweni ra Vaamoni, kasi leyin'wana yi ta fikisa banga emutini wa Yerusalema, emakhokholweni ya va ka Yuda.

Duteronoma 3:11

(Va ka Refayimi a va herile, a ku lo sala ntsena Ogo hosi ya le Baxani; mubedwa wa yena a wu ri wa nsimbhi, wu lehile 4,50 m wu anamile 2 m, hi mimpimo leyi toloveriweke hi vanhu hinkwavo, kutani wa ha ri kona ni namuntlha emutini wa Rabata etikweni ra Vaamoni.)

Amosi 1:14

Hikokwalaho ndzi ta tshivela ndzilo erirhangwini ra muti wa Raba, wu ta herisa ni tindlu ta kona ta vuhosi, esikwini ra nyimpi ni mukhosi leri nga ta fana ni moya lowukulu wa xidzedze.

2 SAMIELE 11:1

Hi nguva ya ximun'wana, wu nga nkarhi lowu tihosi ti toloveleke ku huma nyimpi ha wona, Davhida a rhuma Yowabu ni tindhuna ta yena, ni masocha hinkwawo ya Israele ku ya hlasela Vaamoni, va rhendzela Rhaba ntsindza wa kona. Davhida yena a a sele eYerusalema.

Yeremiya 49:1

Ta Vaamoni hi leti: HOSI Xikwembu xi vurisa sweswo xi ri: “Lava gandzelaka Milikomo xikwembu xa Vaamoni va tekise ku yini tiko ra Gadi, va tshamisise ku yini emitini ya kona xana? Xana exikarhi ka Vaisraele a ku na vavanuna lava fanelaka ku teka tiko leri ri va ra vona ke?

Pisalema 97:8

We HOSI, va le Siyoni va swi twile, kutani va tsaka, miti ya le Yuda yi ba nkulungwana hikwalaho ka maavanyisele ya wena.

Pisalema 48:11

Hikokwalaho ntshava ya Siyoni a yi tsake; ku avanyisa ka wena a ku tsakise miti hinkwayo ya tiko ra Yuda.

Tinhlayo 21:25

Kutani Vaisraele va phangha miti ya Vaamori hinkwayo, va titshamela eka yona; va phangha ni muti wa Hexiboni ni swimitana leswi nga kusuhi na wona.

Obadiya 1:19

Vanhu lava tshamaka edzongeni ra tiko ra Yuda va ta teka tiko ra va ka Esawu; lava nga vupeladyambu, va ta teka tiko ra Vafilista; va ta teka tiko ra va ka Efrayimi ni ra Samariya; va ka Benjamini vona va ta teka ra Giliyadi.

Tinhlayo 10:9

Loko mi tshuka mi hloma matlhari ku ya lwa ni valala va n'wina lava va mi pfukaka etikweni ra n'wina, mi fanele ku mbvungunyisa timhalamhala, leswaku mina HOSI Xikwembu xa n'wina ndzi ta mi anakanya, ndzi mi lamulela emavokweni ya valala va n'wina.

Duteronoma 13:16

Tinhundzu hinkwato ta muti wa kona, mi fanele ku ti rhwala mi ya ti fumba erivaleni ra muti, kutani mi hisa muti hinkwawo ni tinhundzu leti, swi va gandzelo leri hisiwaka leri mi ri humeselaka HOSI Xikwembu xa n'wina. Muti wolowo wu ta tshama wu ri rhumbi hilaha ku nga heriki, wu nge pfuki wu pfuxiwile ni siku ni rin'we.

Yoxuwa 17:11

Etikweni ra Isakara ni ra Asere, va ka Manase va ni muti wa Beta-Xeyani, ni swimitana swa wona, na muti wa Yibileyamu ni swimitana swa wona, na muti wa Dori ni swimitana swa wona, na muti wa Taanaka ni swimitana swa wona, na muti wa Megido ni swimitana swa wona. Ndhawu ya vunharhu i xifundzha xa Dori.

Yoxuwa 17:16

Va nyimba ya ka Yosefa va ku: “Tiko leri nga emagangeni i ritsongo, kambe naswona, Vakanana hinkwavo lava tshamaka erivaleni va ni makalichi ya nsimbhi, hinkwavo lava tshamaka emutini wa Beta-Xeyani ni le swimitaneni swa wona, ni lava nga eka Nkova wa Yizriele.”

Esaya 17:1

Lawa i mahungu hi tlhelo ra muti wa Damaska. HOSI Xikwembu xi ri: “Muti wa Damaska a wu nga ha vi kona, ku ta sala marhumbi ntsena.

Esaya 11:14

Matiko lawa mambirhi ma ta ya nghenela Vafilista evupeladyambu ma va hlasela, ma ta famba swin'we ma ya phanghetela swilo swa vanhu va le vuxeni. Ma ta hlula Vaedomu ni Vamowabu, Vaamoni va ta va malandza ya matiko lawa.

Ezekiele 21:25

“Na wena hosi ya Israele, u munhu wo homboloka, loyi a ndzi dyoheleke, kutani nkarhi wa ku biwa ka wena wu fikile.