Yeremiya 49:1 - BIBELE Mahungu Lamanene

¹ Ta Vaamoni hi leti: HOSI Xikwembu xi vurisa sweswo xi ri: “Lava gandzelaka Milikomo xikwembu xa Vaamoni va tekise ku yini tiko ra Gadi, va tshamisise ku yini emitini ya kona xana? Xana exikarhi ka Vaisraele a ku na vavanuna lava fanelaka ku teka tiko leri ri va ra vona ke?

Xitsonga (Bibele)

¹ Ku vula Yehovha: “Xana Israele a nga na vana, xana a nga na mudyandzhaka xana? Milikomo u dyela yini ndzhaka ya Gadi, ni tiko ra yena ri akise ku yini emitini ya yena?

Yeremiya 49:1 Referans Kwoze

Duteronoma 23:3

“Vaamoni ni Vamowabu a va fanelanga ku nghena laha vanhu va HOSI Xikwembu va hlengeletaneke kona, hambi va ri vatukulu va vona ku ya fika erixakeni ra vukhume a va nga pfumeleriwi. A va nga pfuki va nghenile ni siku ni rin'we,

Yeremiya 49:7

Ta va le Edomu hi leti: HOSI ya matimba hinkwawo yi vurisa sweswo, yi ri: “Xana vanhu va le Temani a va ha ri na vutlhari ke? Vatsundzuxi va vona va lahlekeriwe hi mano xana? Xana vutlhari bya vona byi lo nyamalala xana?

Yeremiya 25:21

ni vanhu va le Edomu, ni va le Mowabu, ni Vaamoni;

2 TIKRONIKA 20:1

Endzhaku ka sweswo, Vamowabu ni Vaamoni ni Vamehuni van'wana va huma nyimpi va ya lwa na Yoxafati.

Yeremiya 49:28

Lawa i mahungu hi tlhelo ra va le Kedari ni tindhawu leti nga hansi ka muti wa Hasoro, laha Nebukadnetsara hosi ya le Babilona a nga hlasela kona. Hosi Xikwembu xi ri: “Sukani mi ya lwa ni va le Kedari, mi teka swilo swa vanhu va le vuxeni.

Yeremiya 49:23

Ta Damaska hi leti. HOSI Xikwembu xi ri: “Vanhu va le Hamata ni va le Arpadi va hlangene tinhloko, hikuva va twile mahungu layo biha; va le ku chaveni, va ya hala ni hala kukota lwandle, a va na ku rhula.

Yeremiya 48:1

Ta tiko ra Mowabu hi leti: HOSI ya matimba hinkwawo, Xikwembu xa Israele, xi vurisa sweswo xi ri: “Va le Nebo va le khombyeni! Muti wa vona wu hlaseriwile. Na vona va le Kiriyatayimi va khomiwile va tsongahatiwa. Khokholo ra vona ri hirimuxiwile, ri khomisa tingana.

Yeremiya 27:3

Majoko laman'wana ma fanele ku rhumeriwa eka hosi ya Edomu, ni ya Mowabu, ni ya va ka Amoni, ni ya Tiri, ni ya Sidoni, ma yisiwa hi varhumiwa va tihosi leti. Varhumiwa lava va tile laha Yerusalema eka Sedekiyasi hosi ya Yuda.

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.

Pisalema 83:7

i va le Gebali ni Vaamoni ni Vaamaleke, i Vafilista ni lava akeke emutini wa Tiri.

Pisalema 9:6

Valala va nyamalalele makumu, miti ya vona u yi hangalasile, ku sala marhumbi ntsena, yi nga ka yi nga ha tsundzukiwi hi munhu.

Nehemiya 4:7

Sanibalati na Tobiya, swin'we ni Maarabu ni Vaamoni ni va le Axidodo, swi va karhatile ngopfu ku twa leswaku ntirho wo pfuxa rirhangu ra muti wa Yerusalema wu ya emahlweni, ni leswaku ra karhi ra hlanganisiwa.

Nehemiya 2:19

Kuteloko Sanibalati lowa Muhoroni, ni nandza loyi va nge i Tobiya lowa Muamoni, na Muarabu loyi va nge i Gexamu, va twa timhaka leti, va monya va hi hlekula va ku: “Xana i ncini lexi mi endlaka xona xana? Xana mo lava ku hundzukela hosi ya tiko xana?”

2 TIKRONIKA 20:23

Kutani va sungula ku dlayana hi xivona, Vaamoni ni Vamowabu va hlengela Vaseyira va va herisa va ku bì. Kutani va sala va dlayana, va lovisa sweswo hinkwavo.

2 TIHOSI 24:2

HOSI Xikwembu xi rhumela mavuthu ya Vakalediya, ni ya Vasiriya, ni ya va le Mowabu, ni ya Vaamoni, ma ya lwa na Yoyakimi; xi ma rhumela leswaku ma ya lwa na tiko ra Yuda, ma ri herisa, hilaha xi vuleke hakona hi milomo ya vaprofeta malandza ya xona.

2 TIHOSI 10:33

A va hlula ku sukela eYordani hi tlhelo ra vuxa, hinkwaro tiko ra Giliyadi ra va ka Gadi, ni va ka Rhuveni, ni va ka Manase; ni ku sukela emutini wa Arowere lowu akiweke enkoveni wa nambu wa Arinoni, hileswaku matiko ya Giliyadi na Baxani.

Duteronoma 2:19

kutani loko mi fika endzilekaneni wa tiko ra Vaamoni, mi nga tshuki mi va karhata kumbe ku lwa na vona, hikuva a ndzi nga mi nyiki nchumu xa tiko ra vona. Tiko leri, ndzi ri nyikile vona Vaamoni, va nga vatukulu va Lota, leswaku ri va ndzhaka ya vona.’ ”

Genesa 19:38

Lontsongo na yena a kuma n'wana wa mufana, kutani a n'wi thya vito ra Benami; hi yena tata wa Vaamori lava nga kona ni namuntlha.

Tinhlayo 1:24

ni vanhu va ka Gadi, hi nyimba ya vona, ni mindyangu ya vona, ni miti ya vona, loko va hlayiwa hi mavito va ri lava ringaneke ku hloma matlhari, va malembe ya 20 ni ku tlula,

Duteronoma 23:4

hikuva loko mi ta mi huma hi le Egipta, a va tanga va ta mi hlanganisa endleleni va mi tisela swakudya ni mati, kambe va mi xavele Balaama n'wana Beyori loyi a a tshama ePetoro le Mesopotamiya, leswaku a ta a ta mi rhuketela.

Yeremiya 12:14

HOSI Xikwembu xi vurisa sweswo xi ri: “Vamatiko hinkwavo lava akelaneke ni Vaisraele vanhu va mina, va bihile. Loko vo tshuka va khumba tiko leri ndzi ri nyikeke Vaisraele leswaku ri va ra vona, ndzi ta va hlongola ematikweni ya vona, kutani ndzi kutsula va ka Yuda emavokweni ya vona.

Sofoniya 1:5

Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

Ezekiele 21:25

“Na wena hosi ya Israele, u munhu wo homboloka, loyi a ndzi dyoheleke, kutani nkarhi wa ku biwa ka wena wu fikile.

Ezekiele 25:1

HOSI Xikwembu xi vulavula na mina xi ku: