Yeremiya 48:8 - BIBELE Mahungu Lamanene

⁸ Vahlaseri va ta wela miti ya n'wina hinkwayo, a ku nga poni na wun'we wa yona. Eminkoveni ni le timbaleni, hinkwaswo swi ta phanghiwa, swi lova. Hi swona leswi ndzi swi vulaka mina HOSI.

Xitsonga (Bibele)

⁸ Muonhi u ta nghena emutini wun'wana ni wun'wana, a ku na muti lowu nga ta pona; nkova wu ta lova, ni mananga ma ta onhiwa hilaha Yehovha a vuleke hakona.

Yeremiya 48:8 Referans Kwoze

Yeremiya 6:26

N'wina va ka hina, ambalani swiambalo swa nkosi, mi vumbuluka enkumeni; tlhavani mukhosi mi rila ngopfu ku fana ni loko ku lo fa n'wana loyi a a ri yexe, hikuva valala va le kusuhi ni ku hi herisa.”

Ezekiele 25:9

hikokwalaho ndzi ta tshika valala va hlasela miti hinkwayo leyi nga magangeni, endzilekaneni wa tiko ra Mowabu; ku ta hlaseriwa muti wa Beta-Yeximoto, ni wa Baala-Meyoni, ni wa Kiriyatayimi, yi nga miti leyo saseka ngopfu etikweni.

Yeremiya 51:56

Vahlaseri va fikile eBabilona, va le ku lweni! Tinhenha ta Babilona ta khomiwa, ni vurha bya tona bya tshoveleriwa, hikuva HOSI Xikwembu i Xikwembu lexi baka lavo biha, xi ta rihiseta hakunene.

Yeremiya 48:18

“N'wina mi akeke eDiboni, tshikani xiyimo xa n'wina xo dzuneka mi tshamisa hansi eritshurini, hikuva lava hlaselaka Mowabu va tlhandlukela eka n'wina, va tela ku ta hirimuxa makhokholo ya n'wina.

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.

Yeremiya 15:8

Ndzi andzisile tinoni exikarhi ka vona, ti tala ku tlula sava ra lwandle; vavasati lava, vona va nga veleka tinhenha, ndzi va rhumerile muhlaseri ninhlekanhi, kutani va hatle va khoma hi ku chava, ndzi va tshukisa va rhurhumela.

Yoxuwa 13:21

Leyi hi yona miti hinkwayo ya le rivaleni, ni tiko hinkwaro leri fumiwaka hi Sihoni hosi ya Vaamori, loyi a a fuma a ri eHexiboni. Sihoni hi yena loyi Muxe a n'wi hluleke, a hlula ni varhangeri va Vamidiyani, ku nga Evhi, na Rekemu, na Suru, na Huru, na Reba, ti nga tindhuna ta Sihoni leti a ti tshama etikweni leri.

Yoxuwa 13:17

yi katsa na Hexiboni, ni miti hinkwayo leyi nga rivaleni, wu nga muti wa Diboni, ni wa Bamoto-Baali, ni wa Beta-Baala-Meyoni,

Yoxuwa 13:9

Ku sukela le Arowere, eribuweni ra nkova wa Arinoni, ni muti lowu wu nga xikarhi ka nkova, ni rivala hinkwaro ra Medeba ku ya fika eDiboni;