Yeremiya 48:44 - BIBELE Mahungu Lamanene

⁴⁴ Loyi a tsutsumaka khombo, ú ta wela ekheleni, la khandziyaka a huma ekheleni, ú ta phasiwa hi ntlhamu. Ndzi ta vangela tiko ra Mowabu emaxangu lawa, siku ndzi ri baka. Ndzi vula sweswo mina HOSI!

Xitsonga (Bibele)

⁴⁴ La tsutsumaka ku chava nkosi u ta wela ekheleni, kutani la humaka ekheleni u ta phasiwa hi mitlhamu; hikuva ndzi ta tisa ehenhla ka vona, ehenhla ka Mowabu, lembe ra ku biwa ka vona, ku vula Yehovha.

Yeremiya 48:44 Referans Kwoze

Yeremiya 11:23

Lembe leri ndzi nga ta ba vanhu va le Anatoto ha rona, ndzi ta va vangela makhombo, va hela hinkwavo ku nga sali na un'we!”

1 TIHOSI 19:17

Kutani loyi a nga ta pona tlhari ra Hazaele, ú ta dlawa hi Yehu; ni loyi a nga ta pona tlhari ra Yehu, ú ta dlawa hi Elixa.

Amosi 5:19

Swi ta fana ni loko munhu a tsutsuma nghala, a ya hlangana ni xinkankanka, kutani loko a tsutsumela endlwini, a khegela khumbi hi voko, nyoka yi n'wi luma.

Yeremiya 46:21

Masocha lawa va ma tholeke ma tsakisa kukota marhole lama noneke; kambe na wona ma ta tlhela hi ku tsutsuma, ma tsandzeka ku va lwela. Siku ra wona ra ku biwa ri fikile, wu tile nkarhi wa mina wa ku ma avanyisa.

Mikiya 7:4

Lava tlulaka van'wana hi vunene, va kota xigatlu, lavo lulama ngopfu va fana ni rihlampfu ra mitwa. Nkarhi wa vona wa ku biwa, lowu vaprofeta va va byeleke wona, wu fikile, kutani sweswi va hlangane tinhloko.

Hosiya 9:7

Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.

Yeremiya 51:18

A swi tirhi nchumu, vanhu va swi hlekula; siku Xikwembu xi swi baka, swi ta hela swi nyamalala.

Yeremiya 23:12

Hikokwalaho tindlela ta vona ti ta rheta; va ta susumetiwa exinyamini va wela hansi. Siku ndzi va tshinyaka, ndzi ta va vangela makhombo, ku vula mina HOSI.

Yeremiya 16:16

HOSI Xikwembu xi ri: “Yingisa, ndzi le ku rhumeni ka vaphasi va tinhlampfi, va ta kukuta Vaisraele. Lava nga ta pona, ndzi ta va rhumela vahloti va ya va hlota hinkwako, etintshaveni ni le swintshabyanini ni le mabakweni ya maribye.

Yeremiya 10:15

A swi tirhi nchumu, vanhu va swi hlekula; siku Xikwembu xi swi baka, swi ta hela swi nyamalala.

Esaya 24:18

Loyi a ringetaka ku tsutsuma loko a twa mpfumawulo wa leswo chavisa, ú ta ya hojomela ekheleni; loko a huma ekheleni, ú ta ya wela entlhan'wini. Matilo ma ta pfuleka, ni misava yi ta tsekatseka.

Esaya 10:3

Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

1 TIHOSI 20:30

Lava poneke enyimpini, va tsutsumela eAfeka, ekhokholweni, kambe rirhangu ra muti ri wela vavanuna va 27 000 exikarhi ka lava a va ponile enyimpini. Loko a ri Bene-Hadada, na yena a tsutsuma, a ya tumbela ekhokholweni, endlwini ya le xikarhi.

Yeremiya 8:12

Xana ku endla swa manyala leswi, swi va khomisile tingana xana? E-e, a va nyumanga ha swona niswitsanana, a swi va twisanga ku vava. Hikokwalaho na vona va ta hluriwa ku fana na van'wana esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Yeremiya 50:24

U lo tirhiyela ntlhamu wena Babilona u nga swi tivanga, kutani u phasiwile. Sweswi u khomiwile, u nge baleki, hikuva u ringetile ku lwa ni HOSI Xikwembu.

Yeremiya 50:27

Tinhenha ta yena hinkwato a ti dlayiwe, a ti byiseriwe eku tlhaviweni kukota swifuwo; siku ra tona ra khombo ri fikile, wu tile nkarhi wa tona wa ku biwa.

Swirilo 3:47

va hi chavisa, va hi phasa, va hi heta ni ku hi lovisa;

Esaya 24:17

N'we vanhu va misava hinkwayo, mi rhendzeriwile hi leswo chavisa, ni khele, ni ntlhamu.

Yeremiya 49:8

N'wina vanhu va le Dedani, sukani, balekani mi ya tshama emabakweni, hikuva ndzi le ku beni ka va ka Esawu, nkarhi wo va vangela makhombo wu fikile.