Yeremiya 48:3 - BIBELE Mahungu Lamanene

³ Twanani, va le Horonayimi va ba nkalanga, va ri: ‘Yo, ha hlaseriwa! Ha hela hinkwerhu!’

Xitsonga (Bibele)

³ Nkololo wu twakala Horonayimi, i ku onha ni ku biwa lokukulu.

Yeremiya 48:3 Referans Kwoze

Esaya 15:5

Tiko ra Mowabu ri ndzi twisa mbilu ku vava. Vanhu va rona va balekela eSowara ni le Egilata-Xelixiya. Van'wana va ta hi le xiphandzeni xa Luhiti va ri karhi va rila; lava khomeke gondzo ro ya eHoronayimi va ba nyandayeyo.

Yeremiya 48:34

Loko va le Hexiboni va ba nkalanga, wa twala ni le Eleyale; huwa ya kona yi twakala ku sukela eSowara ku ya fika eHoronayimi ni le Egilata-Xelixiya, hikuva hambi swi ri swinambyana swa Nimri, swi phyile.

Yeremiya 48:5

Lava tlhandlukelaka emutini wa Luhiti, va famba va khavaxerile mihloti. Endleleni leyi rhelelaka yi ya eHoronayimi, ku twakala mukhosi wa lava hlaseriwaka, va huwelela va ku:

Yeremiya 47:2

HOSI Xikwembu xi vurisa sweswo xi ri: “Langutani! Mati ma ta ma huma en'walungwini, ma hobomulana kukota nambu lowu taleke, ma khukhula tiko ni swa rona hinkwaswo, ma funengeta miti ni vaaki va yona. Vanhu hinkwavo lava akeke etikweni rero va ta ba nkalanga va huwelela.

Esaya 22:4

Hikokwalaho, ndzi kombela leswaku mi nga ndzi languti, ndzi tshikeni ndzi rila hi xiviti, va ka hina va herile, mi nga tikarhati hi ku ndzi khongotela.

Esaya 15:8

Nyandayeyo yi twarile etikweni hinkwaro ra Mowabu, mukhosi wu fikile le Egilayimi, ni le Bere-Elimi.

Esaya 15:2

Vaaki va muti wa Diboni va tlhandlukerile eswitsungeni leswo hlawuleka, va ya rila. Vanhu va tiko ra Mowabu va tlhava mukhosi va rilela muti wa Nebo ni wa Medeba. Hinkwavo va byewule misisi, va tsema ni malebvu.

Yeremiya 20:16

Munhu yoloye a a fane ni miti leyi HOSI Xikwembu xi yi heriseke xi nga yi tsetseleri. Nimixo a a twe swirilo, a twa mpfumawulo wa tinyimpi ninhlekanhi,

Yeremiya 48:4

Tiko ra Mowabu ra herisiwa hakunene, yingisani ku rila ka swihlangi swa rona!

Yeremiya 51:54

Twanani huwa leyi humaka eBabilona, i xirilo lexikulu xa lava herisiwaka etikweni ra Vakalediya.