Yeremiya 48:21 - BIBELE Mahungu Lamanene

²¹ “Miti leyi nga rivaleni en'walungwini wa Arinoni, ya karhi ya avanyisiwa. Miti ya kona i Holoni, na Yahasa, na Mefata,

Xitsonga (Bibele)

²¹ “Ku avanyisa ku fikele etikweni ra rivala, ku tile eHoloni, na Yahasa, na Mefata,

Yeremiya 48:21 Referans Kwoze

Yoxuwa 13:18

ni wa Yahasa, ni wa Kedemoto, ni wa Mefata;

Esaya 15:4

Va le Hexiboni ni va le Eleyale va ba nkalanga, huwa ya kona yi twala ni le Yahasa; hambi ma ri masocha ya Mowabu ma le ku kalakaleni; tiko ri hele matimba.

Yeremiya 48:8

Vahlaseri va ta wela miti ya n'wina hinkwayo, a ku nga poni na wun'we wa yona. Eminkoveni ni le timbaleni, hinkwaswo swi ta phanghiwa, swi lova. Hi swona leswi ndzi swi vulaka mina HOSI.

Tinhlayo 21:23

Kambe Sihoni a nga pfumelanga leswaku Vaisraele va tsemakanya hi le tikweni ra yena. A hlengeleta vavanuna hinkwavo, kutani va huma va ya tlherisa Vaisraele emananga, va ya va kuma emutini wa Yahasi, va lwa na vona kona.

Sofoniya 2:9

Kambe mina HOSI ya matimba hinkwawo, Xikwembu xa Israele, ndza hanya: Va le Mowabu ni va le Amoni va ta endliwa leswi endliweke va le Sodoma na Gomora; tiko ra vona ri ta tala mahlwehlwe, ni makhele ya munyu; ri ta onhakela makumu. Masalela ya Vaisraele, vona lava poneke, hi vona lava nga ta hlasela Vamowabu na Vaamoni, va va tekela tiko.”

Ezekiele 25:9

hikokwalaho ndzi ta tshika valala va hlasela miti hinkwayo leyi nga magangeni, endzilekaneni wa tiko ra Mowabu; ku ta hlaseriwa muti wa Beta-Yeximoto, ni wa Baala-Meyoni, ni wa Kiriyatayimi, yi nga miti leyo saseka ngopfu etikweni.

Yeremiya 48:22

na Diboni, na Nebo, na Beta-Diblatayimi,

Yeremiya 48:34

Loko va le Hexiboni va ba nkalanga, wa twala ni le Eleyale; huwa ya kona yi twakala ku sukela eSowara ku ya fika eHoronayimi ni le Egilata-Xelixiya, hikuva hambi swi ri swinambyana swa Nimri, swi phyile.

Tinhlayo 32:38

na Nebo, na Baala-Meyoni (mavito ya miti mimbirhi leyi ma hundzuluxiwile), na Sibima. Miti leyin'wana leyi va yi pfuxeke a va hundzuluxanga mavito ya yona.

Yoxuwa 13:17

yi katsa na Hexiboni, ni miti hinkwayo leyi nga rivaleni, wu nga muti wa Diboni, ni wa Bamoto-Baali, ni wa Beta-Baala-Meyoni,