Yeremiya 48:2 - BIBELE Mahungu Lamanene

² Ku dzuneka ka tiko ra Mowabu ku herile. Valala va endla makungu ya ku lwa na rona va ri le Hexiboni, va ku: ‘A hi yeni hi ya ri herisa, ri nga ha vi tiko!’ Na n'wina va le Mademeni, a mi nga ha vulavuli, hikuva tinyimpi ti ta mi landza hi le ndzhaku.

Xitsonga (Bibele)

² Ku kwetsima ka Mowabu a ka ha ri kona. Le Hexiboni, va anakanya swo biha hikwalaho ka yena, va ri: ‘Tanani hi n'wi herisa, a nga ha ti tshama a va tiko.’ Na wena, Mademeni, u ta dlawa; fumu ri ta ku fambela endzhaku.

Yeremiya 48:2 Referans Kwoze

Yeremiya 31:36

“Loko swilo leswi swi lahlekeriwa hi milawu ya swona, swa nyamalala emahlweni ka mina, na rona rixaka ra Vaisraele ri ta nyamalalela makumu, ri nga ha vi kona emahlweni ka mina. Ndzi vula sweswo mina HOSI.

Esaya 16:14

kambe sweswi HOSI Xikwembu xi ri: “Loko ku nga si hundza malembe manharhu, ma nga malembe yo ringana ni lawa muthoriwa a tirhaka wona, leswi Vamowabu va tidzunisaka ha swona a swi nga ha vi nchumu. Tiko ra Mowabu ri ni vanhu vo tala swinene, kambe ri ta sala ni vanhu va nga ri vangani ntsena, naswona va ta va va tsanile swinene.”

Tinhlayo 32:37

Va ka Rhuveni vona va pfuxa miti leyi: Hexiboni, na Eleyale, na Kiriyatayimi,

Yeremiya 49:3

“Tlhavani mukhosi n'wina va le Hexiboni, hikuva muti wa Ayi wu herisiwile! Na n'wina mi nga swimitaneni leswi nga kusuhi na Rhaba, banani nkalanga! Rilani nkosi mi ambarile leswo khwaxa, tsutsumani mi ya hala ni hala, mi tumbela erihlampfini, hikuva Milikomo xikwembu xa n'wina xi ta yisiwa evukhumbini, xi famba ni vaprista va xona ni varhangeri va tiko ra xona.

Yeremiya 48:45

“Vanhu lava balekaka va yimile kusuhi na Hexiboni. Va herile ntamu, hikuva mavuthu ma humile eHexiboni kukota ndzilo, ma humile emutini wa Sihoni ku fana ni malangavi; ma herisile Vamowabu, va nga vanhu va pongo, ma va faya tinhloko.

Yeremiya 48:42

Tiko ra Mowabu ri ta herisiwa ri nga ha vi na vanhu, hikuva ri tikurisile ri lwa na mina HOSI.

Yeremiya 48:17

N'wina hinkwenu mi akelaneke na rona, na n'wina hinkwenu mi ri tivaka hi vito ra rona, ri tweleni vusiwana, mi ku: ‘Yo, vuhosi lebyo tiya lebyi, ni mfumo lowu wo saseka swonghasi, swi onheteriwile!’

Yeremiya 46:28

Ina u nga chavi wena Yakobo nandza wa mina, hikuva ndzi na wena, ku vula mina HOSI. Ndzi ta herisa vamatiko hinkwavo, lava ndzi mi hangalaseke exikarhi ka vona. N'wina, a ndzi nga tshiki ku mi ba, kambe a swi nga tluli mpimo; ndzi nga ka ndzi nga mi herisi.”

Yeremiya 33:24

“U swi twile leswaku ku ni vanhu lava va ndzi sandzaka va ku: ‘HOSI Xikwembu xi tshikile va ka Yuda ni va ka Levhi, va nga vanhu lava a xi va hlawurile!’ Vasandzi lava va hlekula vanhu va mina, va va langutela hansi.

Yeremiya 25:17

Kutani ndzi teka xinwelo lexi HOSI Xikwembu xi ndzi nyikaka xona, ndzi ya nwisa vamatiko hinkwavo lava HOSI yi ndzi rhumeke eka vona.

Yeremiya 25:15

Kutani HOSI Xikwembu xa Israele xi ndzi lerisa xi ku: “Teka xinwelo lexi xa vhinyo lexi teleke hi vukari bya mina, u ya nwisa vamatiko hinkwavo lava ndzi nga ta ku rhumela eka vona.

Esaya 25:10

HOSI Xikwembu xi ta sirhelela ntshava ya Siyoni, kambe Vamowabu, xi ta va kandziyela ehansi etikweni ra vona, ku fana ni tinhlanga leti kandziyeriwaka ekheleni ra thyaka.

Esaya 15:5

Tiko ra Mowabu ri ndzi twisa mbilu ku vava. Vanhu va rona va balekela eSowara ni le Egilata-Xelixiya. Van'wana va ta hi le xiphandzeni xa Luhiti va ri karhi va rila; lava khomeke gondzo ro ya eHoronayimi va ba nyandayeyo.

Esaya 15:1

Lawa i mahungu hi tlhelo ra tiko ra Mowabu: Va le Mowabu a va ha tivi lexi va nga xi endlaka, hikuva hi vusiku byin'we, ku herisiwile muti wa Ara ni wa Kiri.

Yeremiya 49:37

Ndzi ta va rhurhumerisa emahlweni ka valala va vona, vona lava navelaka ku va dlaya. Mina HOSI ndzi ri, ndzi ta va hlundzukela ngopfu, ndzi va vangela makhombo; matlhari ma ta va landza hi le ndzhaku, ndzi ko ndzi va heta va ku bì!