Yeremiya 48:13 - BIBELE Mahungu Lamanene

¹³ Kutani tiko ra Mowabu ri ta khomisiwa tingana hi xikwembu xa rona Kemoxi, tanihi Vaisraele lava khomisiweke tingana hi Betele, xikwembu lexi a va xi tshemba ngopfu.

Xitsonga (Bibele)

¹³ Mowabu u ta khomisiwa tingana hi Kemoxi, kukota loko yindlu ya Israele yi tshama yi khomisiwa tingana hi Betele, ku tshemba ka vona.

Yeremiya 48:13 Referans Kwoze

Yeremiya 48:39

Tiko ra Mowabu ri onhakile hakunene, hikokwalaho tlhavani mukhosi! Ri ni tingana hikuva ri tsutsumile ri fularhela valala. Ri hundzukile xihlekiso ni xihlambanyiso xo chavisa eka vaakelani va rona.

Esaya 45:16

Hinkwavo lava endlaka swifaniso swa swikwembu, va ta khomiwa hi tingana, va hlangana tinhloko; va ta famba swin'we hinkwavo, va pfilunganile miehleketo.

Vaavanyisi 11:24

Xana u nga ala ku teka leswi Kemoxi xikwembu xa wena xi ku nyikaka swona xana? Hina hi ta hlayisa hinkwaswo leswi HOSI Xikwembu xa hina xi tekeleke van'wana xi nyika hina.

Yeremiya 48:46

N'wina Vamowabu mi le khombyeni, hikuva Kemoxi xikwembu xa n'wina xi mi tshikile mi lova; vana va n'wina va xinuna ni va xisati, xi va tshikile va khomiwa va yisiwa evuhlongeni.

Yeremiya 48:7

“N'wina Vamowabu, hambileswi mi tshembaka mintirho ya mavoko ya n'wina ni rifuwo ra n'wina, mi ta khomiwa na n'wina; xikwembu xa n'wina Kemoxi xi ta yisiwa evukhumbini, xi famba ni vaprista va xona ni varhangeri va tiko ra xona.

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

Esaya 16:12

Vamowabu vo tikarhata ntsena, loko va tlhandlukela eswitsungeni leswo hlawuleka va ya khongela etitempeleni ta vona, hikuva a swi nga va pfuni nchumu.

Esaya 2:20

Esikwini ra kona, swifaniso swa swikwembu swa silivhere ni swa nsuku, leswi vanhu va swi endleleke ku swi gandzela, va ta swi cukumeta swi ya wela eka timfukuzani ni vamangadyana.

1 TIHOSI 18:40

Hiloko Eliya a va lerisa a ku: “Khomani vaprista va Baali, ku nga baleki ni un'we wa vona.” Kutani va va khoma; Eliya a rhelela na vona exinkobyaneni xa Kixoni, va ya dlayeriwa kona.

1 TIHOSI 11:7

Hiloko Solomoni a dzima gandzelo ra Kemoxi xikwembu xa ndzhukano xa le Mowabu, a dzima ni ra Milikomo xikwembu xa ndzhukano xa Vaamoni, entshaveni ya le vuxeni bya Yerusalema.

1 TIHOSI 11:33

Mhaka hileswaku va le Yerusalema va ndzi tshikile hi ku ya gandzela Astarte xikwembukazi xa Vasidoni, na Kemoxi xikwembu xa le Mowabu, na Milikomo xikwembu xa Vaamoni. A va hanyanga hi tindlela ta mina, ku nga ku endla leswi lulameke emahlweni ka mina ni ku hlayisa milawu ya mina ni swiletelo swa mina, tanihilaha Davhida tata wa vona a endleke hakona.

Yeremiya 48:12

“Hikokwalaho, yingisani! Mina HOSI ndzi ri, ku nga ri khale ndzi ta rhuma vanhu va ya etikweni ra Mowabu, va ya chulula vhinyo ya rona va fayetela ni makhuwana ya kona.

2 TIKRONIKA 25:15

Kavaloko HOSI Xikwembu xi hlundzukela Amasiya, xi n'wi rhumela muprofeta un'wana loyi a nga n'wi tshinya hi marito lawa ya nge: “We Amasiya, hikwalaho ka yini u tilavele swikwembu leswi swa vamatiko, hikuva swi tsandzekile ku ponisa vanhu va swona le Edomu, siku u va hlaseleke!”