Yeremiya 48:11 - BIBELE Mahungu Lamanene

¹¹ “Ku sukela evuntshweni bya rona, tiko ra Mowabu ri kumile ku tshamiseka, a ri yisiwanga evukhumbini ni siku ni rin'we. Ri fana ni vhinyo leyi virisiweke exibyeni xin'we, yi nga chela-cheriwi eswibyeni swin'wana, kutani ku saseka ka yona ku hlayisekile, ni ku nandziha ka yona a ku onhiwanga hi nchumu.

Xitsonga (Bibele)

¹¹ “Mowabu a tshama a titsakela a ha ri evutsongwaneni bya yena, a a titshamela exisenseni xa yena, a nga halatiwanga, mbita yin'wana embiteni yin'wana, a nga si ya eku bohiweni; hikwalaho ku nun'hwa ka yena ku tshame ku va kona, ku twala ka yena a ku hundzukanga.

Yeremiya 48:11 Referans Kwoze

Sofoniya 1:12

Enkarhini lowu, ndzi ta teka rivoni ndzi lavisisa hinkwako emutini wa Yerusalema, ndzi ko ndzi kuma lava titshembaka, lava tshamaka va xurhile vhinyo, lava vulavulaka va ku: ‘HOSI Xikwembu xi nge endli nchumu, xo biha kumbe xo saseka!’

Zakariya 1:15

Tinxaka leti tshamisekeke ti nga karhatiwi hi nchumu, ndzi ti hlunamele ngopfu, hikuva loko ndza ha hlundzukelenyana Vaisraele, tona ti tlhandlekele ku biha ehenhla ka ku biha.

Nahume 2:2

HOSI Xikwembu xi pfuxeta ku dzuneka ka Yakobo, xi pfuxeta ni ku dzuneka ka Israele, hikuva vaonhi va onhile swa vona, va phatlulerile marhavi ya vona.

Yeremiya 48:29

Hi ti twile ta manyunyu ya Vamowabu: I vanhu vo tikurisa ngopfu, lava tikukumuxaka, va sandza van'wana ni ku va langutela hansi.

Esaya 24:3

Misava yi ta sala yi ri mananga ntsena, leswi nga ka yona swi ta va swi heriseriwe makumu. Hi yona mhaka leyi HOSI Xikwembu xi yi boheke.

Esaya 16:6

Hi ti twile ta manyunyu ya Vamowabu, ni ku tikurisa ka vona; i vanhu vo titshemba ngopfu, lava tikukumuxaka, va nga vuli nchumu hi vanhu van'wana; kambe vo tibumabumela mahala!

Pisalema 123:4

I khale hi ri karhi hi dyisiwa mbitsi, hi sandziwa hi lava va nga tshamiseka, va nga va manyunyu lava va hi langutelaka ehansi.

Pisalema 55:19

Xikwembu xi ta ndzi twa, xi va tsongahata, hikuva a va hundzuki etindleleni ta vona, naswona a va chavi Xikwembu, xona xi tshameke exiluvelweni xa vuhosi.

Yeremiya 51:34

Muti wa Yerusalema wu ri: “Nebukadnetsara hosi ya Babilona ú ndzi dyile a ndzi phorha; ú ndzi endlile xibya xo ka xi nga ri na nchumu. Ú ndzi mitile onge a ri xihontlovila, a tata khwiri ra yena hi vanhu va mina, lava saleke a va cukumeta kule na yena.

Esaya 25:6

Entshaveni ya Siyoni, HOSI ya matimba hinkwawo yi ta endla nkhuvo lowu nga ta dyiwa hi vanhu hinkwavo. Ku ta dyiwa nyama leyo nona leyi nga ni mongo, ku nwiwa ni vhinyo yo saseka leyi hlayisiweke swinene.

Swivuriso 1:32

Lava pfumalaka vutivi va tivangela rifu loko va ala ku dyondzisiwa, swiphunta swi ticelela masirha hi ku ka swi nga tikarhateli nchumu.

Nahume 2:10

Muti wa Ninivha wu herile, wu herisiwile, wu hundzuke rhumbi! Va hela mbilu, matsolo ya vona ma gudlagudla, va twa switlhavi emirini hinkwawo, hinkwavo va hundzuka tinghohe hi ku chava.

Yeremiya 22:21

Ndzi ku tsundzuxile, loko swilo swa ha ku fambela kahle, kambe u te: ‘A ndzi na mhaka na swona!’ U hanyise sweswo ku sukela evuntshweni bya wena, u ala ku yingisa loko ndzi vulavula na wena.

Yeremiya 48:12

“Hikokwalaho, yingisani! Mina HOSI ndzi ri, ku nga ri khale ndzi ta rhuma vanhu va ya etikweni ra Mowabu, va ya chulula vhinyo ya rona va fayetela ni makhuwana ya kona.