Yeremiya 47:4 - BIBELE Mahungu Lamanene

⁴ Ri fikile siku leri Vafilista hinkwavo va fanelaka ku herisiwa: Va ta dlawa, ku nga ha sali na un'we la nga yaka a ya lwela miti ya Tiri na Sidoni. Vafilista, vona masalela ya lava khale a va akile exihlaleni xa Kreta, ndzi ta va herisa mina HOSI.

Xitsonga (Bibele)

⁴ Hikwalaho ka siku leri taka ra ku herisa Vafilista hinkwavo, ra ku angwetlela Tiri na Sidoni ni lava siyiweke ku va tatisa; hikuva Yehovha u ta herisa Vafilista lava seleke exihlaleni xa Kafitoro.

Yeremiya 47:4 Referans Kwoze

Amosi 9:7

Hosi yi vula sweswo yi ri: “N'wina Vaisraele, xana a ndzi mi teki mi fana ni vanhu va le Etiyopiya xana? Hambileswi ndzi mi humeseke etikweni ra Egipta, ndzi mi ringanisa ni Vafilista lava ndzi va humeseke eKafitoro, ni Vasiriya lava ndzi va humeseke eKiri.

Esaya 20:6

Kutani esikwini rero, vanhu lava vo tshama eribuweni ra lwandle, va ta ku: ‘Langutani leswi swi humeleleke vanhu lava a hi tshemba vona, lava a hi tsutsumela eka vona leswaku va hi ponisa eka hosi ya Asiriya! Xana hi ta ya kwihi sweswi ke?’ ”

Duteronoma 2:23

Vaavhimi lava a va tshama emitini leyi fambaka ku ya fika eGaza va herisiwile hi va le Kafitoro, lava va nga va tekela tiko va tshama eka rona.)

Hosiya 9:7

Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.

Ezekiele 21:29

Hambi mi nga kombiwa swivono swa hava kumbe mi vona swikombiso swa mavunwa, tivani leswaku banga ri le tinhan'wini ta n'wina, n'wina vanhu vo homboloka, hikuva nkarhi wa ku biwa ka n'wina wu fikile.

Ezekiele 21:25

“Na wena hosi ya Israele, u munhu wo homboloka, loyi a ndzi dyoheleke, kutani nkarhi wa ku biwa ka wena wu fikile.

Ezekiele 7:12

Nkarhi wa ta, ni siku ri fikile, laha muxavi a nga ta ka a nga ha tsaki, ni laha muxavisi a nga ta ka a nga vileli, hikuva vukari bya mina byi ta wela mintshungu ya Vaisraele.

Yeremiya 46:10

Siku leri i ra HOSI ya matimba hinkwawo N'wini wa hina, i siku ra yena ro rihiseta, a tirhihisela eka valala va yena. Matlhari ma ta tlhavetela vanhu ma kolwa, ma pyopyiwa hi ku nwa ngati ya vona. Hakunene, enambyeni wa Yufrata le n'walungwini, HOSI ya matimba hinkwawo N'wini wa hina ú endleriwa magandzelo ya ngati.

Pisalema 37:13

kambe N'wini wa hinkwaswo ú hleka lavo homboloka, hikuva wa swi vona leswaku siku ra ku avanyisiwa ka vona ri le kusuhi.

Luka 21:22

Masiku walawo ma ta va masiku ya ku avanyisiwa, leswaku hinkwaswo leswi nga matsalweni swi hetiseka.

Ezekiele 30:8

Siku ndzi nga ta hisa tiko ra Egipta ni ku tshova matimba ya lava va ri pfunaka, hinkwavo va ta tiva leswaku HOSI Xikwembu, hi mina!

Ezekiele 25:16

Hikokwalaho mina HOSI N'wini wa hinkwaswo ndzi ta tlakusa voko ndzi ba Vafilista, ndzi herisa vona Vakereti, swin'we ni hinkwavo lava akeke kusuhi ni lwandle.

Esaya 31:8

Vaasiriya va ta hluriwa enyimpini, kambe fumu leri ri nga ta va dlaya, a ri nga vi ra vanhu ntsena, va ta baleka hi ku chava ku dlayiwa, tinhenha ta vona ti ta khomiwa, ti rhwexiwa mintirho yo tika.

Esaya 10:3

Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

Ntirho 9:13

Xikwembu xi nge tshiki ku hlundzukela valala va xona, vona lava pfuneke Rahaba nyoka ya lwandle, va wa emahlweni ka xona.

1 TIKRONIKA 1:12

ni va le Patroso, ni va le Kasiluhi, ni va le Kafitoro va nga vona vakokwa wa Vafilista.

Yoxuwa 22:30

Marito lawa ma vuleke hi va ka Rhuveni ni va ka Gadi ni hafu ya nyimba ya va ka Manase ma tsakisile muprista Finiyasi ni varhangeri va ntshungu ni tinhloko ta mindyangu ya Vaisraele, loko va ma twa.

Genesa 10:15

Kanana a veleka Sidoni mativula ya yena, a veleka na Heti.

Esaya 14:31

N'wina mi nga tinyangweni, banani nkalanga, kalakalani, n'wina mi nga mitini. Vafilista, rhurhumelani hinkwenu, hikuva lava taka va le ku tuvikiseni ka musi en'walungwini, exikarhi ka vona a ku na toya.”