Yeremiya 47:3 - BIBELE Mahungu Lamanene

³ Loko va twa huwa ya tihanci leti paletelaka ritshuri, ni vugedle-gedle bya makalichi ya nyimpi, ni vuntswikiri-ntswikiri bya mavhilwa ya kona, vavanuna va ta tsemeka nhlana hi ku chava, va rivala ni ku sirhelela vana va vona.

Xitsonga (Bibele)

³ Vanhu va huwelela, ni vaaki hinkwavo va misava va kolola, hikwalaho ka mpfumawulo wa ku kandziya ka mikondzo ya tihanci ta yena ta matimba, ni ku tsutsuma ka tigolonyi ta yena, ni ku dzumadzuma ka masondzo ya tona, vatatana a va languti vana va vona, hikuva ku karhele mavoko.

Yeremiya 47:3 Referans Kwoze

Yeremiya 8:16

Valala va fikile eDani, hi twa ku rila ka tihanci ta vona, mpfumawulo wa kona wu tsekatsekisa tiko hinkwaro. Va tela ku ta herisa tiko ni hinkwaswo leswi nga ka rona; va ta herisa muti ni vaaki va wona!”

Vaavanyisi 5:22

“Enkarhini wolowo, tihanci ta Sisera ti baleka, ti ri karhi ti jaha swinene, ti ba hansi hi swinondzwana.

Nahume 2:4

Makalichi ma rhendzeleka-rhendzeleka emagondzweni, ma tsutsuma-tsutsuma erivaleni, ma vangama ku fana ni swisa swa ndzilo, ma hatima-hatima tanihi rihati.

Yeremiya 46:9

N'we tihanci, tlula-tlulani, rhendzelekani swinene n'we mavhilwa ya makalichi! Tinhenha a ti hume nyimpi, hi vula n'wina va le Etiyopiya na n'wina va le Putu mi tameleke switlhangu, na n'wina va le Ludi mi tivaka ku konga vurha!”

Nhlavutelo 9:9

A ti ri ni leswi fanaka ni swisirhelelo swa nsimbhi eswifuveni swa tona, kutani mpfumawulo wa timpapa ta tona a wu fana ni mpfumawulo wa magolonyi layo tala ya tihanci leti tsutsumelaka enyimpini.

Yeremiya 50:42

Va khomile vurha ni mafumu, va ni nsele, a va tweli munhu vusiwana. Huwa ya vona yi fana ni ya lwandle loko ri pfuma, va ta va gadile tihanci; va xaxametile mavuthu ya vona, va lava ku ku hlasela, we muti wa Babilona.

Ezekiele 23:24

Va ta ta hi le n'walungwini ku ta lwa na wena, va ri ni makalichi ya nyimpi ni tigolonyi ni masocha layo tala; va ta ta va khomile switlhangu leswikulu ni leswitsongo, va ambarile ni swihuku, kutani va ta ku hlasela hi matlhelo hinkwawo. Ndzi ta ku nyiketa emavokweni ya vona, kutani vona va ta ku avanyisa hi ku landza mikhuva ya ka vona.

Nahume 2:8

Muti wa Ninivha a wu fana ni xidziva xa mati; kambe sweswi mati ya kona ma phohlile. Hambiloko ku huweleriwa va ku: “Yimani! Yimani!” a ku yimi munhu.

Esaya 5:28

Miseve ya vona yi tontswile swinene, hinkwavo va tiyimisele ku copa, tihanci ta vona ti ni swinyondzwana swo fana ni ribye lero nonon'hwa, mavhilwa ya tigolonyi ta vona ma rhendzeleka wonge xo va xihuhuri.