Yeremiya 44:9 - BIBELE Mahungu Lamanene

⁹ Vubihi lebyi endliweke etikweni ra Yuda ni le magondzweni ya Yerusalema, mi lo byi rivala xana? Vubihi bya kona byi endliwile hi vatata wa n'wina ni tihosi ta Yuda ni vasati va tona; hambi mi ri n'wina ni vasati va n'wina mi byi endlile!

Xitsonga (Bibele)

⁹ Xana mi rivarile ku endla ku biha ka vatata wa n'wina, ni ku endla ku biha ka tihosi ta Yuda, ni ku endla ku biha ka vasati va vona, ni ku endla ku biha ka n'wina, ni ku endla ku biha ka vasati va n'wina leswi va swi endleke etikweni ra Yuda, ni le mitsendzeleni ya Yerusalema, xana?

Yeremiya 44:9 Referans Kwoze

Yeremiya 44:21

“Mirhi ya risuna leyi n'wina ni vatata wa n'wina ni tihosi ta n'wina ni tindhuna ta n'wina ni va ka n'wina hinkwavo mi yi hiseke emitini ya Yuda ni le magondzweni ya Yerusalema, xana mi ehleketa leswaku HOSI Xikwembu a xa ha yi tsundzuki, xi yi rivele, xana?

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Yeremiya 7:10

Loko mi tiyimiserile ku ya emahlweni mi endla swilo leswi hinkwaswo swa manyala, xana mi nga ha ta mi ta yima emahlweni ka mina, endlwini leyi vito ra mina ri gandzeriwaka eka yona, mi ku: ‘Hina hi hlayisekile!’ xana?

Duteronoma 9:7

“Mi fanele ku tsundzuka leswaku le mananga mi hlundzukisile HOSI Xikwembu, mi nga tshuki mi swi rivala. Ku sukela siku leri mi humeke ha rona le tikweni ra Egipta, ku fika namuntlha, a mi yingisanga swileriso swa HOSI Xikwembu;