Yeremiya 44:8 - BIBELE Mahungu Lamanene

⁸ Mi ndzi hlundzukisile hi mintirho ya n'wina, hikuva mi hiserile swikwembu swimbe emirhi ya risuna kwala tikweni ra Egipta, leri mi teke ku ta tshama eka rona; hikokwalaho mi ta dlawa, mi hundzuka ndzhukano ni xihlekiso ematikweni hinkwawo laha misaveni.

Xitsonga (Bibele)

⁸ Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Yeremiya 44:8 Referans Kwoze

Yeremiya 42:18

Mina HOSI ya matimba hinkwawo, Xikwembu xa Israele, ndzi vurisa sweswo ndzi ri: Loko mo ya etikweni ra Egipta, vukari bya mina ni ku hlundzuka ka mina swi ta mi wela, tani hilaha swi weleke vanhu va Yerusalema. Vanhu va ta mi rhuketela va mi nyenya, va ta mi sandza va mi hlekula, kutani tiko leri ra n'wina, mi nga ka mi nga ha ri voni!’ ”

Yeremiya 44:3

hikuva va ndzi hlundzukisile hi ku hisa mirhi ya risuna, va tirhela swikwembu swimbe leswi va nga swi tiviki, leswi na n'wina ni vatata wa n'wina mi nga swi tivangiki.

Yeremiya 18:16

Hikokwalaho tiko ra vona ri hundzuke rhumbi, hinkwavo vahundzi va ndlela va ri hlamala, minkarhi hinkwayo va vaviseka ha rona, va hlakahla ni tinhloko.

2 TIKRONIKA 7:20

ndzi ta mi susa etikweni leri ndzi mi nyikeke rona. Na yona Tempele leyi ndzi yi hlawuleke ku twarisa vito ra mina eka yona, ndzi ta yi cukumeta kule na mina; kutani mi ta hundzuka xihlambanyiso ni xihlekiso exikarhi ka vamatiko hinkwavo.

Vaheveru 3:16

Xana i vamani lava tweke marito lawa, kambe va vuya va xi pfukela, xana? Xana a va nga ri hinkwavo lava sukeke le Egipta, va fambisiwa hi Muxe, xana?

Yeremiya 44:12

Masalela ya va ka Yuda lava hlawuleke ku ya tshama etikweni ra Egipta, va ta fela kona hinkwavo, va nyamalala. Va ta dlawa hi matlhari ni tindlala, ina va ta dlawa hinkwavo hi matlhari ni tindlala, lavakulu ni lavatsongo. Vanhu va ta va rhuketela va va nyenya; va ta va sandza va va hlekula.

Yeremiya 44:7

Kutani sweswi, mina HOSI ya matimba hinkwawo, Xikwembu xa Israele, ndzi ri: Hikwalaho ka yini mi tivangerile khombo ro kurisa leswi, mi dlayisa vavanuna ni vavasati ni vana lavakulu ni lavatsongo, ku nga sali na un'we wa mhamba exikarhi ka va ka Yuda xana?

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Yeremiya 26:6

yindlu leyi ndzi ta yi wisa ku fana ni ya le Xilo, na wona muti lowu ndzi ta wu hundzula ndzhukano eka vanhu va matiko hinkwawo.’ ”

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Esaya 65:15

Mina HOSI N'wini wa hinkwaswo ndzi ta mi dlaya mi hela, kutani mavito ya n'wina ma ta hundzuka xihlambanyiso eka vanhu lava ndzi va hlawuleke; leswi vona va nga malandza ya mina, ndzi ta va thya vito lerintshwa.

Esaya 3:8

Muti wa Yerusalema ni tiko ra Yuda swi khugukile swi wa, hikuva marito ni swiendlo swa vanhu va kona swi landzula HOSI Xikwembu, swi sola ku kwetsima ka xona.

Esaya 19:1

Lawa i mahungu hi tlhelo ra tiko ra Egipta. Vonani, HOSI Xikwembu xa ta, xi ta hi papa ra rivilo swinene, xi tela Vaegipta; swifaniso swa swikwembu swa Vaegipta swi ta rhurhumela emahlweni ka xona, hambi va ri vona Vaegipta va ta hela matimba hi ku chava.

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Yeremiya 11:12

Hinkwavo lava akeke emitini ya Yuda ni le Yerusalema va ta khongela swikwembu leswi va swi humeselaka mirhi ya risuna, kambe swona a swi nga va ponisi hi siku ra khombo.”

Yeremiya 11:17

N'wina Vaisraele na n'wina va ka Yuda, mi simekiwile hi mina, kambe sweswi ndzi ta mi vangela khombo mina HOSI, hikuva mi ndzi karihisile hi ku hisela swikwembu swa Baali emirhi ya risuna.”

Hosiya 4:13

Va tolovele ku humesa magandzelo etinhlohlorhini ta tintshava, va hisa timhamba eswitshabyaneni, ehansi ka mirhi ya tinxaka-xaka leyi tlhumeke, hikuva mindzhuti ya yona ya nandziha. Hikokwalaho, vana va n'wina va xisati va hundzuke tinghwavava, vingi va n'wina va tinyiketa evugangwini.

Habakuku 1:16

Hikokwalaho, va humesela tinkoka ta vona emagandzelo, va hisela masole ya vona emirhi ya risuna; hikuva ha swona Vakalediya va hanya emafurheni, eswakudyeni leswo xawula.

Duteronoma 32:25

Lomu tindleleni va ta hela hi fumu, kasi emakaya va ta fa hi ku chava; hambi i jaha kumbe nhwana, n'wana loyi a ha mamaka kumbe munhu wo basa nhloko, va ta fa hinkwavo va ku bì!

Yeremiya 32:30

“Hakunene ku sukela ni khale, Vaisraele swin'we na va ka Yuda a va tshikanga ku endla leswo biha; a va tshikanga ni ku ndzi hlundzukisa hi mintirho ya vona; ndzi vula sweswo mina HOSI.

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?