Yeremiya 44:12 - BIBELE Mahungu Lamanene

¹² Masalela ya va ka Yuda lava hlawuleke ku ya tshama etikweni ra Egipta, va ta fela kona hinkwavo, va nyamalala. Va ta dlawa hi matlhari ni tindlala, ina va ta dlawa hinkwavo hi matlhari ni tindlala, lavakulu ni lavatsongo. Vanhu va ta va rhuketela va va nyenya; va ta va sandza va va hlekula.

Xitsonga (Bibele)

¹² Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Yeremiya 44:12 Referans Kwoze

Yeremiya 42:22

Hikokwalaho swi tiveni namuntlha leswaku mi ta dlawa hi matlhari ni tindlala ni mintungu, mi fela endhawini leyi mi navelaka ku ya tshama eka yona.”

Esaya 65:15

Mina HOSI N'wini wa hinkwaswo ndzi ta mi dlaya mi hela, kutani mavito ya n'wina ma ta hundzuka xihlambanyiso eka vanhu lava ndzi va hlawuleke; leswi vona va nga malandza ya mina, ndzi ta va thya vito lerintshwa.

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Yeremiya 29:22

Va ka Yuda hinkwavo lava nga vukhumbini eBabilona va ta hamba va hlambanya hi vaprofeta lava loko va rhuketela valala va vona. Va ta kombela leswaku mina HOSI ndzi endla valala va vona leswi hosi ya Babilona yi swi endleke Sedekiyasi na Akabu, siku yi va hiseke hi ndzilo!

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Yeremiya 18:16

Hikokwalaho tiko ra vona ri hundzuke rhumbi, hinkwavo vahundzi va ndlela va ri hlamala, minkarhi hinkwayo va vaviseka ha rona, va hlakahla ni tinhloko.

Esaya 1:28

Loko va ri vadyohi ni lava fularheleke Xikwembu, vona va ta dlayiwa swin'we; lava tshikaka HOSI Xikwembu, va ta heriseriwa makumu.

Tinhlayo 5:27

Loko wansati a tshama a tinyamisa, hi ku ya etlela ni wanuna un'wana, mati lawa ma ta nghena emirini wa yena ma n'wi twisa ku vava, swirho swa yena swi pfimba, a va ni ku onhakeriwa, a tlhela a hundzuka ndzhukano exikarhi ka vanhu va ka vona.

Yeremiya 16:4

Va ta dlawa hi mintungu, ku ri hava la rilaka nkosi wa vona. A va nga lahliwi esirheni, kambe va ta fana ni vulongo lebyi cheriweke emasin'wini. Va ta dlawa hi matlhari ni tindlala, mintsumbu ya vona yi dyiwa hi makoti ni swiharhi swa nhova.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Yeremiya 26:6

yindlu leyi ndzi ta yi wisa ku fana ni ya le Xilo, na wona muti lowu ndzi ta wu hundzula ndzhukano eka vanhu va matiko hinkwawo.’ ”

Yeremiya 42:1

Vafambisi hinkwavo va mavuthu, na Yohanani n'wana Kariyaka, na Yezaniya n'wana Hoxaya, ni vanhu lavan'wana hinkwavo va swiyimo swa le henhla ni swa le hansi, va ta eka muprofeta Yeremiya,

Yeremiya 44:22

Namuntlha, tiko ra n'wina ri onhiwile, ri hundzukile mananga, ra soriwa, a ra ha ri na munhu! Xivangelo hileswaku HOSI Xikwembu xi karhele hi swiendlo swa n'wina leswo biha ni manyala lawa mi ma endleke.

Zakariya 8:13

N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”

Yeremiya 43:11

Ú ta fika a hlasela tiko ra Egipta: Lava faneleke ku fa hi ntungu, va ta dlawa hi wona; lava faneleke ku yisiwa evukhumbini, va ta yisiwa kona; ni lava faneleke ku dlawa hi tlhari, va ta dlawa hi rona.

Hosiya 9:6

Vonani, va tsutsuma khombo; Vaegipta va ta va hlengeleta, masirha ya vona ma ta va le Memfisi; swibya swa vona swa nkoka swa silivhere swi ta funengetiwa hi mahlwehlwe, mintsonga ya vona yi ta mila mitwa.