Yeremiya 44:11 - BIBELE Mahungu Lamanene

¹¹ “Hikokwalaho mina HOSI ya matimba hinkwawo, Xikwembu xa Israele, ndzi ri, ndzi tiyimiserile ku fularhela va ka Yuda, ndzi va herisa hinkwavo.

Xitsonga (Bibele)

¹¹ Hikwalaho, ku vula Yehovha wa mavandla, Xikwembu xa Israele: vonani, ndzi hundzulukile mombo wa mina eka n'wina ku onha, ni ku tsema Yuda hinkwawo!

Yeremiya 44:11 Referans Kwoze

Yeremiya 21:10

Mina HOSI ndzi ri, ndzi tiyimiserile ku ba muti lowu, ku nga ri ku wu katekisa. Wu ta wela emavokweni ya hosi ya Babilona, yona yi ta wu hisa.”

Amosi 9:4

Hambiloko vo tinyiketela ku yisiwa hi valala evukhumbini, ndzi ta lerisa leswaku va dlayeteriwa kwale hi fumu; ndzi ta veka tihlo ehenhla ka vona, ku nga ri ku va hlayisa, kambe ku va herisa.”

Pisalema 34:16

kambe xi lwa ni lava endlaka leswo biha, xi va herisa leswaku va nga ha tsundzukiwi laha misaveni.

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

Levhitika 17:10

“Munhu un'wana ni un'wana, a nga va a ri Muisraele kumbe muluveri exikarhi ka Vaisraele, loko o tshuka a dya ngati, HOSI Xikwembu xi ta n'wi ba, xi n'wi hlongola, xi n'wi susa exikarhi ka va ka vona.

Ezekiele 15:7

Ndzi ta tshinya vanhu lava: Hambileswi va poneke ku tshwa, va ha ta hoxiwa endzilweni, kutani loko ndzi ta va ndzi va tshinyile, hi kona mi nga ta tiva leswaku HOSI Xikwembu hi mina.

Yeremiya 44:26

Yeremiya a engeta a ku: “N'wina hinkwenu va ka Yuda lava mi tshamaka etikweni ra Egipta, yingisani leswi HOSI Xikwembu xi swi vulaka, hikuva xi ri: ‘Ndza tiyisa hi ku hlambanya mina HOSI leswaku etikweni hinkwaro ra Egipta, a ku nga ha vi na munhu na un'we wa va ka Yuda loyi a nga ta tiboha hi vito ra mina; a va nga ha vuli leswaku ndzi kona mina HOSI N'wini wa vona.