Yeremiya 44:10 - BIBELE Mahungu Lamanene

¹⁰ Ku fikela namuntlha, a mi titsongahatanga emahlweni ka mina. A mi ndzi kombanga xichavo kumbe ku hlayisa milawu ni swiletelo swa mina, leswi ndzi mi tiviseke swona n'wina ni vatata wa n'wina.

Xitsonga (Bibele)

¹⁰ Ku fikela siku leri, a ku si va na loyi a titsongahateke, hambi, va ri lava chavaka, ni lava fambaka hi milawu ya mina, ni ku lerisa ka mina loku ndzi ku vekeke emahlweni ka n'wina ni le mahlweni ka vatata wa n'wina.

Yeremiya 44:10 Referans Kwoze

Swivuriso 28:14

Ku katekile munhu loyi a chavaka HOSI Xikwembu minkarhi hinkwayo; kambe loyi a tinonon'hwisaka, ú ta wela ekhombyeni.

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

1 Petro 5:6

Hikokwalaho, titsongahateni ehansi ka voko ra matimba ra Xikwembu, leswaku hi nkarhi wa kona xi ta mi tlakusa.

Yeremiya 8:12

Xana ku endla swa manyala leswi, swi va khomisile tingana xana? E-e, a va nyumanga ha swona niswitsanana, a swi va twisanga ku vava. Hikokwalaho na vona va ta hluriwa ku fana na van'wana esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Varhoma 11:20

Hiswona; ma phatluriwile hikwalaho ka ku kala ku pfumela; kutani wena u yima u tiyile hikwalaho ka ku pfumela. U nga tshuki u tikurisa ha swona, kambe chava!

Luka 23:40

Kambe lexin'wana xi n'wi tshinya, xi ku: “Xana a wu chavi Xikwembu, leswi u nga avanyisiwa ku fana na yena ke?

Matewu 27:54

Loko ndhuna ya dzana ra masocha ni lava a va ri na yona ku rindza Yesu, va vona ku tsekatseka ka misava ni leswi humeleleke, va chava ngopfu, va ku: “Hakunene munhu loyi a a ri N'wana wa Xikwembu.”

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”

Yeremiya 36:24

Marito lawa hosi Yoyakimi ni malandza ya yena va ma tweke a ma va tshukisanga, hikokwalaho a va handzulanga swiambalo swa vona.

Yeremiya 10:7

Xana i mani la nga ta ka a nga ku chavi, we Mufumi wa matiko, xana? Ku xiximiwa hi vanhu swi ku fanerile, hikuva exikarhi ka tintlhari hinkwato ni tihosi hinkwato ta misava, ku hava na un'we loyi a ringanaka na wena.

Esaya 66:2

Swilo hinkwaswo swi endliwile hi mina, kutani i swa mina hinkwaswo. Ndzi tsakela munhu loyi a titsongahataka, loyi a tisolaka hi mbilu hinkwayo, a xixima milawu ya mina.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Swivuriso 16:6

Munhu loyi a nga ni tintswalo, a tlhela a tshembeka, HOSI Xikwembu xa n'wi rivalela milandzu ya yena, naswona loyi a xi chavaka, ú kota ku papalata leswo biha.

Swivuriso 14:16

La tlhariheke wa xiyaxiya, a papalata leswo biha, kambe xiphunta xi ni magugu, xi wela swilo ehenhla.

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Pisalema 51:17

We Xikwembu, ganzelo leri u ri amukelaka i moya lowu vavisekeke; we Xikwembu, mbilu leyi tlhavekeke, leyi nga ni gome, a wu nga yi fularheli.

Pisalema 34:18

HOSI Xikwembu xi le kusuhi ni vanhu lava timbilu ta vona ti nga eku vavisekeni, xi ponisa lava mimoya ya vona yi tshovekeke.

2 TIKRONIKA 34:27

kutani u tisorile hi mbilu. U titsongahatile emahlweni ka mina, endzhaku ka loko u twile hilaha ndzi vulavuleke hakona ehenhla ka ndhawu leyi ni le henhla ka vaaki va yona, kutani, eku titsongahateni ka wena, u handzulerile swiambalo swa wena u rila. Hikokwalaho, na mina, ndzi ku twile.

2 TIKRONIKA 33:19

Naswona, ebukwini ya “Matimu ya Vaprofeta”, ku tsariwile timhaka leti: Ku khongela ka Manase, ni hilaha xikhongelo xa yena xi amukeriweke hi Xikwembu hakona; ku homboloka ka yena ni swidyoho swa yena, loko a nga si titsongahata a tisola; nongonoko wa switsunga leswo hlawuleka leswi a dzimeke eka swona timhandze ta Axera, ni tindhawu leti a nga yimisa eka tona swifaniso swa swikwembu swa hava.

2 TIKRONIKA 33:12

Loko a ri emaxangwini, Manase a huwelela eka HOSI Xikwembu xa yena ni xa vatata wa yena, a titsongahata emahlweni ka xona,

2 TIKRONIKA 32:26

Kambe loko ku hundzile nkarhi, Hezekiya ni va le Yerusalema va tshika ku tikurisa, va tisola, kutani HOSI Xikwembu na xona xi tshika ku va hlundzukela, ku fuma ka Hezekiya ku kondza ku hela.

2 TIHOSI 22:19

kutani u tisorile hi mbilu. U titsongahatile emahlweni ka mina endzhaku ka loko u twile hilaha ndzi vulavuleke hakona ehenhla ka ndhawu leyi ni le henhla ka vaaki va yona, loko ndzi te: Laha, ku ta hundzuka marhumbi ni xivandla lexi rhukaniweke; kutani u handzulerile swiambalo swa wena, u rila mihloti emahlweni ka mina. Hikokwalaho, na mina HOSI ndzi ku twile.

1 TIHOSI 21:29

Leswi a titsongahateke hi mukhuva lowu emahlweni ka mina, a ndzi nga ha vangi makhombo emasikwini ya ku hanya ka yena; kambe emasikwini ya n'wana wa yena, hi kona ndzi nga ta vanga makhombo endyangwini wa yena.”

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Eksoda 9:30

Kambe ndza swi tiva leswaku wena ni malandza ya wena, ni sweswi a mi si va ni xichavo eka HOSI Xikwembu.”

Eksoda 9:17

Na sweswi, wa ha ya emahlweni u tikurisa, hi ku ala ku tshika vanhu va mina va famba.

Pisalema 78:10

hikuva a va tshovile ntwanano wa vona na Xikwembu va ala ku landzelela Nawu wa xona.

Yeremiya 6:15

Xana ku endla swa manyala leswi swi va khomisile tingana xana? E-e, a va twanga ku vava ha swona, a va nyumanga niswitsanana. Hikokwalaho va ta wa ku fana na van'wana, esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Yeremiya 26:4

Va byele leswaku mina HOSI ndzi ri: ‘Loko mi ala ku ndzi yingisa, mi nga pfumeli ku famba hi milawu leyi ndzi mi nyikeke yona,

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 44:23

Namuntlha mi wele ni makhombo lawa hikuva mi dyohele HOSI Xikwembu hi ku hisa mirhi ya risuna, mi ala ku yingisa marito ya xona, mi fularhela milawu ya xona, mi tshika swiletelo ni switsundzuxo swa xona!”

Esaya 42:24

Xana loyi a nyiketeke va ka Yakobo emavokweni ya vaphanghi i mani xana? Ndzi ri i mani loyi a nyiketeke Vaisraele eka swigevenga, xana? A hi un'wana, loko a nga ri HOSI Xikwembu lexi hi xi dyoheleke, hi hambuka endleleni ya xona, hi ala ni ku yingisa milawu ya xona.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.