Yeremiya 43:9 - BIBELE Mahungu Lamanene

⁹ “Teka maribye lamakulu, u ma yimisa emisaveni ya vumba, erivaleni leri nga kusuhi ni nyangwa ya muti wa Faro eTahapanese. U fanele ku endla sweswo va ka Yuda va ri karhi va swi vona.

Xitsonga (Bibele)

⁹ “Teka maribye lamakulu u ma fihla evumbeni, ehondweni ya switina leyi nga entsendzeleni wa yindlu ya Faro, eTahapanese, emahlweni ka vanhu va Yuda u va byela, u ku:

Yeremiya 43:9 Referans Kwoze

Nhlavutelo 18:21

Kutani ntsumi ya matimba yi tlakula ribye leri fanaka ni ribye ra ku sila hi ku kula, yi ri hoxa elwandle, yi ku: “Hi swo leswi u nga ta endliwa swona, we Babilona, muti lowukulu: U ta wiseriwa ehansi hi nsele, kutani a wu nga ha vi kona nakambe.

Timhaka 21:11

A ta ka hina, a teka banti ra Pawulo, a tiboha mavoko ni milenge ha rona, a ku: “Moya lowo Kwetsima wu vula leswi: Wanuna loyi banti leri ri nga ra yena, Vayuda va ta n'wi bohisa xisweswo eYerusalema, va n'wi nyiketa emavokweni ya vamatiko.”

Nahume 3:14

Kelela mati, u ma hlayisela siku ra ku rhendzeriwa, u pfuxeta makhokholo ya wena; nghena endzhopeni, u pfuva, u khoma foromo ya switina hi mandla mambirhi!

Hosiya 12:10

Ndzi vulavurile ni vaprofeta; hi mina ndzi andziseke swivono, ndzi kombisile swifaniso hi ku tirhisa vaprofeta.

Ezekiele 4:1

HOSI Xikwembu xi engeta xi ku: “Wena munhu, teka xitina, u xi yimisa emahlweni ka wena, kutani u kovotla eka xona xifaniso xa muti wa Yerusalema.

2 SAMIELE 12:31

Tlhandlakambirhi, Davhida a khoma vaaki va muti wolowo, a va sindzisa ku tirha hi tisahu, ni swikomu, ni swihloka; a tlhela a va rhuma va ya tirha laha switina swi hiseriwaka kona. Davhida a endla swo fana ni sweswo emitini hinkwayo ya Vaamoni. Endzhaku ka swona, Davhida ni masocha hinkwawo va tlhelela eYerusalema.

Eksoda 1:14

va va xanisa hi ku va nyika mintirho leyo tika ya ku pfuva ndzhope ni ku endla switina, va va nyika ni mintirho ya tinxaka-xaka ya le masin'wini. Emintirhweni leyi hinkwayo, a va va tirhisa hi tihanyi letikulu.

Yeremiya 43:8

Kutani HOSI Xikwembu xi vulavula na Yeremiya le Tahapanese, xi ku:

Yeremiya 43:10

Kutani u ta va byela leswaku mina HOSI ya matimba hinkwawo, Xikwembu xa Israele, ndzi ni rito eka vona leri nge: ‘Yingisani! Ndzi ta vitana nandza wa mina yena Nebukadnetsara hosi ya Babilona, kutani ndzi ta yimisa xiluvelo xa yena ehenhla ka maribye lama simekiweke lawa; yena ú ta dzima ntsonga wa yena wa vuhosi ehenhla ka wona.

Yeremiya 44:30

Sedekiyasi hosi ya Yuda, ndzi n'wi nyiketile emavokweni ya Nebukadnetsara hosi ya Babilona loyi a a ri nala wa yena, naswona a lava ku n'wi dlaya. Hi mukhuva wolowo, ndzi ta nyiketa Faro Hofira hosi ya Egipta emavokweni ya valala va yena lava lavaka ku n'wi dlaya. Ndzi vurisa sweswo mina HOSI!’ ”

Yeremiya 25:19

Kutani ndzi nwisa lava: Faro hosi ya le Egipta, ni malandza ya yena, ni tindhuna ta yena, ni vanhu va yena hinkwavo,