Yeremiya 43:12 - BIBELE Mahungu Lamanene

¹² Ndzi ta herisa hi ndzilo tindlu ta swikwembu swa le Egipta: Nebukadnetsara ú ta hisa swikwembu swa kona, swin'wana ú ta swi phangha a famba na swona. Ú ta basisa tiko ra Egipta ku fana ni murisi loko a susa swigalana eswiambalweni swa yena. Kutani ú ta timukela hi ku rhula.

Xitsonga (Bibele)

¹² “ ‘Ndzi ta tshivela ndzilo etindlwini ta swikwembu swa Egipta, Nebukadnetsara, u ta ti hisa, a yisa swikwembu ekhotsweni, u ta tifunengeta hi tiko ra Egipta kukota murisi loko a funengela nguvu ya yena, u ta suka kona hi ku tsaka.

Yeremiya 43:12 Referans Kwoze

Ezekiele 30:13

“Mina HOSI N'wini wa hinkwaswo ndzi vurisa sweswo ndzi ri: Ndzi ta herisa swikwembu swa hava swa Vaegipta, ndzi faya swifaniso swa swikwembu swa le Nofu. Tiko ra Egipta a ri nga ha vi ni murhangeri, kutani ndzi ta ri vangela ku chava.

Esaya 49:18

Rhalarhala matlhelo hinkwawo, u vona leswi humelelaka: Vanhu va wena hinkwavo va le ku hlengeletaneni, va karhi va vuya eka wena! Mina HOSI ndza tiyisa hi ku hlambanya, ndzi ri: Eka wena, vanhu lava va ta fana ni swo bomba ha swona, u ta va hakarha kukota vahlalu bya hlomisa.

Esaya 19:1

Lawa i mahungu hi tlhelo ra tiko ra Egipta. Vonani, HOSI Xikwembu xa ta, xi ta hi papa ra rivilo swinene, xi tela Vaegipta; swifaniso swa swikwembu swa Vaegipta swi ta rhurhumela emahlweni ka xona, hambi va ri vona Vaegipta va ta hela matimba hi ku chava.

Yeremiya 48:7

“N'wina Vamowabu, hambileswi mi tshembaka mintirho ya mavoko ya n'wina ni rifuwo ra n'wina, mi ta khomiwa na n'wina; xikwembu xa n'wina Kemoxi xi ta yisiwa evukhumbini, xi famba ni vaprista va xona ni varhangeri va tiko ra xona.

Yeremiya 46:25

HOSI ya matimba hinkwawo, Xikwembu xa Israele, xi ri: “Ndzi ta ba Amoni xikwembu xa le Teba; ndzi ta ba na Faro, ni Vaegipta hinkwavo, ni swikwembu swa vona, ni tindhuna ta vona. Loko ndzi ba Faro, ndzi ta ba ni hinkwavo lava va n'wi tshembaka.

Pisalema 104:2

Ku vonakala i xifunengelo xa wena; u vambile matilo ku fana ni tende.

Ntirho 40:10

“Tiambexe vuhosi ni ndzhuti, u ambala ku kwetsima ni ku twala.

Estere 6:9

kutani tinguvu leti ni hanci leyi a swi nyiketiwe un'wana wa tinganakana leto chaviseka, leswaku a ambexa munhu loyi wena hosi u tsakelaka ku n'wi fundzha, a tlhela a n'wi rhendzelekisa ni rivala ra muti a ri karhi a huwelela a ku: ‘Munhu loyi hosi yi tsakelaka ku n'wi fundzha, ú endleriwa swilo leswi swo tani!’ ”

2 SAMIELE 5:21

Vafilista va tsutsuma va siya swikwembu swa vona leswi vatliweke kwale Baala-Perasimi, kutani Davhida ni masocha ya yena va swi teka va famba na swona.

Eksoda 12:12

“Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Vakolosa 3:14

Kutani ehenhla ka leswi hinkwaswo, ku laveka rirhandzu, ri nga rona leri ri bohaka swilo hinkwaswo swi twanana hi ku hetiseka.

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

Vaefesa 6:11

Havaxelani swisirhelelo ni matlhari hinkwawo lawa Xikwembu xi mi nyikaka wona, leswaku mi ta kota ku yima mi lwa ni mano layo biha ya Diyavulosi.

Vaefesa 4:24

Ambalani munhu lontshwa la vumbiweke hi xifaniso xa Xikwembu, la tikombaka hi ku lulama ka yena ni ku hlawuleka loku nga ni ntiyiso.

Varhoma 13:12

Vusiku byi hundzile, dyambu ri lava ku huma. Hikokwalaho, a hi cukumeteni mintirho ya munyama, kutani hi hakarha matlhari ya ku vonakala.

Sofoniya 2:11

HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Yeremiya 51:44

HOSI Xikwembu xi ri: “Ndzi ta avanyisa Bele, xikwembu xa va le Babilona, ndzi xi sindzisa ku hlanta leswi xi swi miteke, kutani vamatiko va ta tshika ku tshirimukela eka xona! Hambi ri ri rirhangu ra Babilona ri ta wa!

Yeremiya 50:2

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.

Esaya 61:10

Ndzi ta titsakela swinene eka HOSI Xikwembu xanga, moya wanga wu ta xi tlangela, hikuva matimba ya xona ya ku ndzi ponisa i xiambalo xa mina, ni ntirho wa xona wa ku ndzi lwela i nceka lowu ndzi tifunengetaka ha wona. Ndzi tsaka kukota muteki la tikhavisaka hi swiluva, kukota mutekiwa la tibombisaka hi vuhlalu bya nkoka.

Esaya 61:5

N'wina Vaisraele mi ta riseriwa swifuwo hi vanhu lava humaka ematikweni man'wana, a va nga tshami ni le hansi; swi-ta-swi-famba swi ta mi rimela masimu ya mavele ni ya vhinya.

Esaya 59:17

Ku lulama ku ta va xisirhelelo xa xona xa le xifuveni, xihuku xa xona xa le nhlokweni ku ta va ku ponisa ka xona; swiambalo swa xona, ku ta va ku rihisela ka xona, ku hiseka ka xona ku ta va nceka lowu xi funengelaka wona.

Esaya 52:1

We muti wa Siyoni, suka u yima, yima u komba leswaku u ni matimba; we Yerusalema, muti lowo hlawuleka, ambala swiambalo swa wena leswo saseka, hikuva lava nga yimbangiki ni lava nga tengangiki va nga ka va nga ha ngheni eka wena.

Esaya 46:1

Bele na Nebo, swikwembu swa le Babilona, swa nkhinsama, swi lava ku wa; swifaniso leswi swi rhwariwa hi tihomu ni timbhongolo. Leswi Vababilona a va swi tlakula, swi hundzuke ndzhwalo lowu rhwariwaka hi swifuwo leswi karheleke.

Esaya 21:9

Vonani! Ku ta vanhu lava gadeke tihanci, va famba hi vambirhi-mbirhi.” Kutani ku twala rito leri nge: “Wu wile muti wa Babilona, wu wile! Swifaniso hinkwaswo swa swikwembu swa vona swi wele hansi swi fayeka.”

Pisalema 132:18

Valala va yena ndzi ta va khomisa tingana, kutani vuhosi bya yena byi ta kula byi ndlandlamuka.”

Pisalema 132:16

Vaprista va wona ndzi ta va nyika matimba yo lamulela van'wana, kutani vaaki va wona lava va ndzi tirhelaka va ta tsaka va ba nkulungwana.

Esaya 46:2

Swikwembu leswi swa nkhinsama, swi lava ku wa, swi tsandzeka ku tiponisa, swi ya evukhumbini hi xiviri xa swona!

Yeremiya 43:13

Ú ta faya maribye lamakulu ya vukhongeri emutini wa Beta-Xemexe lowu nga tikweni ra Egipta, a hisa ni tindlu ta swikwembu swa kona.’ ”

Yeremiya 49:27

Ndzi ta tshivela ndzilo erirhangwini ra Damaska, wu ta herisa ni tindlu ta vuhosi ta Bene-Hadada.”

Ezekiele 29:11

A ku nga ha tsemakanyi munhu kumbe xifuwo etikweni leri, naswona a ku nga ha tshami munhu eka rona malembe lama ringanaka 40.

Daniele 11:8

Kutani va ta phangha swikwembu swa vona leswo vumbiwa kunene, ni swibya swa kona leswo saseka swa silivhere ni nsuku, va rhwala va ya na swona le Egipta. Kutani ku ta va ni malembenyana ya ku rhula, Vaegipta va nga ha hlaseli Vasiriya en'walungwini.

Yeremiya 10:11

Vanhu lava a va tivisiwe mhaka leyi nge: “Swikwembu leswi nga vumbangiki tilo kumbe misava, swi ta nyamalala kwala misaveni, swi herisiwa ehansi ka tilo!”

Yeremiya 10:15

A swi tirhi nchumu, vanhu va swi hlekula; siku Xikwembu xi swi baka, swi ta hela swi nyamalala.

Yeremiya 25:19

Kutani ndzi nwisa lava: Faro hosi ya le Egipta, ni malandza ya yena, ni tindhuna ta yena, ni vanhu va yena hinkwavo,

Ezekiele 29:19

Hikokwalaho mina HOSI N'wini wa hinkwaswo ndzi ni makungu ya ku nyiketa tiko ra Egipta emavokweni ya Nebukadnetsara hosi ya le Babilona; ú ta ri hlasela a phangha swilo swa rona hinkwaswo a famba na swona, a hakela masocha ya yena ha swona.