Yeremiya 43:10 - BIBELE Mahungu Lamanene

¹⁰ Kutani u ta va byela leswaku mina HOSI ya matimba hinkwawo, Xikwembu xa Israele, ndzi ni rito eka vona leri nge: ‘Yingisani! Ndzi ta vitana nandza wa mina yena Nebukadnetsara hosi ya Babilona, kutani ndzi ta yimisa xiluvelo xa yena ehenhla ka maribye lama simekiweke lawa; yena ú ta dzima ntsonga wa yena wa vuhosi ehenhla ka wona.

Xitsonga (Bibele)

¹⁰ ‘Ku vula Yehovha, Xikwembu xa Israele: Vonani, ndzi ta rhumela ku vitana Nebukadnetsara, hosi ya Babilona, nandza wa mina ndzi veka xiluvelo xa yena ehenhla ka maribye lawa ndzi ma fihleke, a andlala nguvu ya yena ehenhla ka wona.

Yeremiya 43:10 Referans Kwoze

Yeremiya 1:15

Mina HOSI ndzi le ku vitaneni ka vanhu va matiko hinkwawo ya le n'walungwini. Ndzi vula sweswo mina HOSI. Va ta ta, kutani hosi yin'wana ni yin'wana ya vona yi ta fuma etinyangweni ta muti wa Yerusalema. Va ta rhendzela muti lowu ni rirhangu ra wona, va fuma ni miti hinkwayo leyi nga tikweni ra Yuda.

Esaya 44:28

Hi tlhelo ra Korexe, ndzi ri: ‘I murisi wa ntlhambi wa mina, hinkwaswo leswi ndzi swi lavaka, ú ta swi endla: Ú ta lerisa leswaku muti wa Yerusalema wu pfuxiwa, ni leswaku masungulo ya Tempele ma akiwa hi vuntshwa.’ ”

Pisalema 31:20

U va sirhelela laha u nga kona, kule ni lava bohaka makungu layo biha; u va sirhelela entsongeni wa wena, kule ni lava va va rhuketelaka.

Pisalema 27:5

Esikwini ra khombo, HOSI yi ta ndzi tumbeta entsongeni wa yona, yi ta ndzi fihla endzeni ka yindlu ya yona; yi ndzi veka ehenhla ka ribye lerikulu.

Pisalema 18:11

HOSI yi tisiva hi xinyami matlhelo hinkwawo, ehenhla ka yona ku ri ni mapapa lamakulu ya ntima, yo tala mati.

Matewu 22:7

Kwalaho hosi yi kariha, yi rhuma mavuthu ya yona ku ya lovisa vadlayi valavo ni ku hisa muti wa vona.

Daniele 2:21

Hi xona xi hundzuluxaka minkarhi ni tinguva, xi susa ni ku veka tihosi eswitulwini swa tona; hi xona xi nyikaka vutlhari ni vutivi eka tintlhari ni ka lava twisisaka;

1 TIHOSI 20:16

Vaisraele va huma hi nkarhi wa nhlekanhi, loko Bene-Hadada a ha ri eku nweni a pyopyiwa emixaxeni, swin'we ni tihosi ta 32 leti a ti yima na yena.

1 TIHOSI 20:12

Nhlamulo leyi yi fika etindleveni ta Bene-Hadada loko a ri eku nweni swin'we ni tihosi tin'wana emixaxeni ya tona. Hiloko a lerisa tinhenha ta yena a ku: “Hlomani!” Kutani va hloma ku ya hlasela muti wa Akabu.

Esaya 45:1

HOSI Xikwembu xi vurisa sweswo hi tlhelo ra Korexe, xi ri xi n'wi hlawurile, xi n'wi khoma hi voko, leswaku xi ta n'wi hlurisa matiko, a tekela tihosi matlhari ya tona; xi ta n'wi pfulela timbanti ta miti, leswaku tinyangwa ti tshama ti pfulekile.

Yeremiya 43:9

“Teka maribye lamakulu, u ma yimisa emisaveni ya vumba, erivaleni leri nga kusuhi ni nyangwa ya muti wa Faro eTahapanese. U fanele ku endla sweswo va ka Yuda va ri karhi va swi vona.

Yeremiya 46:13

Loko Nebukadnetsara hosi ya Babilona a ri karhi a ta ku ta hlasela tiko ra Egipta, HOSI Xikwembu xi byela muprofeta Yeremiya rito ra xona leri nge:

Ezekiele 5:12

Ndzi ta mi avanyisa hi mintlawa minharhu: Vanhu va ntlawa wo sungula va ta fa hi mintungu, va dlayiwa hi tindlala exikarhi ka n'wina. Va ntlawa wa vumbirhi va ta dlayiwa etinyimpini loko valala va hlasela muti wa n'wina. Kutani va ntlawa wo hetelela, ndzi ta va hangalasa va ya ematlhelweni hinkwawo ya misava, kutani ndzi ta hlomula fumu ra mina ndzi va hlongorisa.

Yeremiya 49:38

Ndzi ta susa hosi ya vona ni tindhuna ta yona, ndzi veka loyi ndzi n'wi rhandzaka exiluvelweni, ku vula mina HOSI.