Yeremiya 42:5 - BIBELE Mahungu Lamanene

⁵ Kutani va hlamula Yeremiya va ku: “Hi tiboha ku endla hinkwaswo leswi HOSI Xikwembu xa wena xi nga ta hi lerisa swona hi nomo wa wena; loko swi nga ri tano, a xi hi avanyise, hikuva xona i mbhoni leyo tshembeka ya ntiyiso.

Xitsonga (Bibele)

⁵ Va hlamula, va ku eka Yeremiya: Yehovha a ve yena mbhoni ya ntiyiso, loyi a dzunekaka, loko hina hi nga endli hinkwaswo hi rito leri a nga ta ri rhumela eka hina.

Yeremiya 42:5 Referans Kwoze

Genesa 31:50

Loko wo xanisa vana lava va mina va xisati, kumbe u teka vasati van'wana ehandle ka vona, swi tive leswaku hambiloko ndzi nga ri kona, Xikwembu hi xona mbhoni ya mina.”

Vaavanyisi 11:10

Kutani vakulukumba va Giliyadi va ku ka Yefta: “Ha hlambanya emahlweni ka HOSI Xikwembu leswaku hi ta endla hilaha u vulaka hakona.”

Nhlavutelo 3:14

“Tsalela ni ntsumi ya kereke ya le Lawodikiya, u ku: “ ‘Marito ya loyi a nga Amen, mbhoni leyi tshembekeke ya ntiyiso, masungulo ya leswi tumbuluxiweke hi Xikwembu, hi lawa:

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Malakiya 2:14

Kutani n'wina mi vutisa mi ku: “Hikwalaho ka yini HOSI Xikwembu xi nga ha swi amukeli xana?” Nhlamulo hi leyi: Hi leswi HOSI Xikwembu xi nga va mbhoni exikarhi ka wena ni nsati loyi u n'wi tekeke wa ha ri jaha. Wena a wu tshembekanga eka yena, hambileswi a a ri nsati wa wena wa xitekwa, loyi a wu tihlawulerile yena.

Mikiya 1:2

N'wina hinkwenu vanhu va matiko, yingisani, we misava ni hinkwaswo leswi nga ka wena, rhiya ndleve. HOSI N'wini wa hinkwaswo ú ta ta a huma eTempeleni ya yena leyo hlawuleka, a tela ku ta avanyisa vanhu exikarhi ka n'wina.

Varhoma 1:9

Xikwembu lexi ndzi xi tirhelaka emoyeni wa mina hi ku vula Evhangeli ya N'wana wa xona, i mbhoni ya mina: A ndzi mi rivali,

Yeremiya 5:2

Hambiloko va tiboha hi ku vula va ku: ‘HOSI Xikwembu xi kona!’ ku hlambanya ka vona i mavunwa ntsena.”

1 SAMIELE 20:42

Kutani Yonatani a ku ka Davhida: “Famba hi ku rhula; mina na wena hi tibohile hi ku hlambanya emahlweni ka HOSI Xikwembu, hi ku: ‘HOSI Xikwembu a xi hi hlanganise, xi hlanganisa ni vatukulu va hina hilaha ku nga heriki!’ ” Kavaloko Davhida a suka a famba, Yonatani yena a tlhelela ekaya.

1 SAMIELE 12:5

Kutani Samiele a ku ka vona: “HOSI Xikwembu i mbhoni ya mina emahlweni ka n'wina namuntlha, na yena Sawulo muhlawuriwa wa xona i mbhoni ya mina, leswaku a mi kumanga nandzu ni wun'we eka mina.” Va hlamula va ku: “Kunene Xikwembu i mbhoni emhakeni leyi!”

Eksoda 20:19

Kutani va ku ka Muxe: “Vulavula na hina wena, hi ta yingisa, kambe xi nga vi Xikwembu lexi vulavulaka na hina, hikuva hi nga fa!”

Eksoda 20:7

“U nga tshuki u tlanga hi vito ra mina, hikuva mina HOSI Xikwembu xa wena ndzi nga ka ndzi nga tshiki ku ba loyi a tlangaka hi vito ra mina.

Yeremiya 43:2

Azariya n'wana Hoxaya, na Yohanani n'wana Kariyaka, ni vanhu lavan'wana hinkwavo, va hlamula Yeremiya hi ku titshemba va ku: “Wa hemba! HOSI Xikwembu xa hina a xi ku rhumanga ku ta hi byela leswaku hi nga yi le Egipta hi ya tshama kona.

Yeremiya 43:4

Hi ndlela yoleyo, Yohanani n'wana Kariyaka, ni vafambisi hinkwavo va mavuthu, ni vanhu lavan'wana hinkwavo, va bakanya marito ya HOSI Xikwembu, va nga pfumeli ku tshama etikweni ra Yuda.

Yeremiya 42:20

Loko mi nga swi twi, mi ta tivangela rifu. Mi ndzi rhumile eka HOSI Xikwembu xa n'wina mi ku: ‘Hi khongelele eka HOSI Xikwembu xa hina. Hinkwaswo leswi xi nga ta swi vula, hi byele, kutani hina hi ta swi endla.’