Yeremiya 42:4 - BIBELE Mahungu Lamanene

⁴ Muprofeta Yeremiya a va hlamula a ku: “Ndzi mi twile; ndzi ta khongela HOSI Xikwembu xa n'wina hilaha mi kombeleke hakona, kutani nhlamulo leyi xi nga ta mi nyika yona, ndzi ta mi tivisa yona. A ndzi nga mi fihleli nchumu.”

Xitsonga (Bibele)

⁴ Kutani muprofeta Yeremiya a va byela, a ku: “Ndzi swi twile; vonani, ndzi ta mi khongelela eka Yehovha, Xikwembu xa n'wina, hi marito ya n'wina; ndzi ta mi byela rito rin'wana ni rin'wana leri Yehovha a nga ta hlamula rona, ndzi nga ka ndzi nga mi fihleri nchumu.

Yeremiya 42:4 Referans Kwoze

Pisalema 40:10

Mhaka ya leswaku u hi ntshunxile, a ndzi yi endlanga xihundla, ndzi tivisile vanhu leswaku u muponisi la tshembekaka; ntshungu lowukulu a ndzi wu fihlelanga rirhandzu ni ku tshembeka ka wena.

1 SAMIELE 12:23

Loko a ri mina, ndzi ta va ndzi dyohela HOSI Xikwembu loko ndzi nga ha mi khongeleli; hikokwalaho, ndzi ta mi tsundzuxa tindlela letinene, to lulama:

Eksoda 8:29

Kutani Muxe a ku: “Vona, sweswi ndzi humaka laha ka wena, ndzi ta khongela HOSI Xikwembu leswaku mundzuku mabawa ma suka laha ka wena Faro, ma suka ni le ka malandza ya wena ni le ka vanhu va wena; ntsena u nga ha engeti u tlanga hi hina, hi ku sivela vanhu va hina ku ya humesela HOSI Xikwembu emagandzelo.”

Timhaka 20:20

Ma swi tiva leswaku a ndzi mi fihlelanga nchumu xa leswi swi fanelaka ku mi pfuna, ndzi ri karhi ndzi mi tivisa Rito ni ku mi dyondzisa erivaleni ni le mindyangwini ya n'wina.

Yeremiya 23:28

Munhu loyi a lorhaka, n'wi tshikeni a hlamusela milorho ya yena! Kambe muprofeta loyi mina ndzi n'wi rhumeke, a a hlamusele marito ya mina hi ku tshembeka, kutani mi ta vona ku tiya ka mhaka leyi nge: ‘Mungu ni mavele a swi hlangani!’

Varhoma 10:1

Vamakwerhu, ku navela ka mbilu ya mina ni xikhongelo lexi ndzi va khongelelaka ha xona eka Xikwembu, hileswaku va ponisiwa.

Timhaka 20:27

hikuva a ndzi mi fihlelanga makungu ya Xikwembu kambe ndzi mi tivisile wona hinkwawo.

Ezekiele 2:7

Vanhu lava vo tiarisa, hambi va pfumela ku yingisa kumbe va nga pfumeli, u ta va tivisa leswi ndzi swi vulaka.

Yeremiya 23:35

Kambe mi fanele ku vutisana n'wina vini mi ku: ‘HOSI Xikwembu xi nyika nhlamulo yihi xana?’ kumbe mi ku: ‘HOSI Xikwembu xi ri yini xana?’

Yeremiya 26:2

“Yima exivaveni xa Tempele laha vanhu hinkwavo va ka Yuda va taka ku ta khongela, u va tivisa timhaka hinkwato leti ndzi ku lerisaka tona; u nga va fihleli nchumu!