Yeremiya 42:2 - BIBELE Mahungu Lamanene

² va fika va ku ka yena: “Hina masalela ya Israele, hi kombela leswaku u amukela xirilo xa hina, u hi khongelela eka HOSI, Xikwembu xa wena; wa swi vona hi wexe, khale a hi tele, kambe sweswi hi lo sala hi ri vanhu va nga ri vangani ntsena.

Xitsonga (Bibele)

² “Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;

Yeremiya 42:2 Referans Kwoze

Yeremiya 36:7

Kumbexana vanhu lava va ta hundzuka etindleleni ta vona leto homboloka, kutani va ya rila eka HOSI Xikwembu, hikuva xona xi vurile leswaku xi lava ku va ba hi vukari bya xona lebyikulu byo chavisa.”

Levhitika 26:22

Ndzi ta rhumela swiharhi swa nhova exikarhi ka n'wina, kutani swi ta mi hetela vana, swi mi dlayela ni swifuwo swa n'wina; ku ta sala vanhu va nga ri vangani, kutani mabudula ya n'wina a ma nga ha pfhumbi.

Yakobo 5:16

Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo ni xin'we xa leswi mi swi vuleke.”

Swirilo 1:1

Yóò, xivundza lexi nga ni muti lowu, wona lowu khale a wu tele hi vanhu! Muti lowu a wu ri wukulu eka tinxaka hinkwato, sweswi wu hundzukile, wu fana ni noni; wona lowu a wu dumile ematikweni, namuntlha wu endliwe hlonga.

Esaya 37:4

Kumbexana HOSI Xikwembu xa wena xi ma twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Esaya 1:9

Loko HOSI ya matimba hinkwawo a yi nga siyanga van'wana va hina va hanya, tiko ra hina a ri ta sala ri fana na Sodoma, a ri ta va ri hundzuke Gomora.

1 SAMIELE 12:19

Kutani Vaisraele hinkwavo va ku ka Samiele: “Hi khongelele hina malandza ya wena eka HOSI Xikwembu xa wena, leswaku hi nga tshuki hi lova, hikuva eka swidyoho hinkwaswo swa hina, hi engeterile xidyoho lexi xa ku tikombelela hosi.”

1 SAMIELE 7:8

va ku ka Samiele: “U nga karhali ku hi khongelela, u huwelela eka HOSI Xikwembu xa hina, leswaku xi hi lamulela emavokweni ya Vafilista.”

Yeremiya 37:20

We hosi n'wini wanga, ndza ku kombela, yingisa xirilo xa mina, u nga ndzi tlheriseli emutini wa matsalani Yonatani, hikuva sweswo ku nga va ku ndzi dlaya!”

Yeremiya 37:3

Hosi Sedekiyasi a rhuma Yehukali n'wana Xelemiya, na Sofoniya n'wana Maaseya, va ya eka muprofeta Yeremiya va fika va ku: “Hi khongelele eka HOSI Xikwembu xa hina!”

1 TIHOSI 13:6

Kutani hosi Yerobuwamu a ku eka munhu wa Xikwembu: “Kombela leswaku HOSI Xikwembu xa wena xi ndzi twela vusiwana, u ndzi khongelela leswaku voko ra mina ri vuyela etshamelweni ra rona.” Hiloko munhu wa Xikwembu a xi kombela ku twela Yerobuwamu evusiwana, kutani voko ra yena ri vuyela etshamelweni ra rona, ri va leswi a ri ri swona eku sunguleni.

Duteronoma 28:62

Hambileswi mi taleke ku fana ni tinyeleti, mi ta sala mi ri vanhu vatsongo, hikuva mi ta va mi nga yingisanga leswi HOSI Xikwembu xa n'wina xi mi byeleke swona.

Eksoda 8:28

Kutani Faro a hlamula a ku: “Ndzi ta mi tshika mi famba mi ya humesela HOSI Xikwembu xa n'wina emagandzelo emananga, ntsena mi nga yi kule ngopfu. Ndzi khongeleleni!”

Matewu 24:22

Loko masiku walawo a ma nga hungutiwanga, a ku nga ta pona munhu, kambe hikwalaho ka vahlawuriwa va Xikwembu, masiku ya kona ma ta hungutiwa.

Ezekiele 12:16

Kambe ndzi ta ponisa va nga ri vangani exikarhi ka vona; a va nga dlayiwi hi matlhari ni tindlala ni mintungu; kutani loko va yisiwile ematikweni, va ta tisola hikwalaho ka manyala hinkwawo lawa va ma endleke, naswona vamatiko va ta tiva leswaku HOSI Xikwembu hi mina!”

Yeremiya 42:20

Loko mi nga swi twi, mi ta tivangela rifu. Mi ndzi rhumile eka HOSI Xikwembu xa n'wina mi ku: ‘Hi khongelele eka HOSI Xikwembu xa hina. Hinkwaswo leswi xi nga ta swi vula, hi byele, kutani hina hi ta swi endla.’

Yeremiya 21:2

“Hi kombela leswaku u hi vutisela timhaka eka HOSI Xikwembu, hikuva Nebukadnetsara hosi ya Babilona ú lwa na hina. Kumbexana HOSI Xikwembu xi nga hi lamulela hi tindlela ta xona leto hlamarisa, xi hlongola Vababilona.”

Esaya 1:15

Loko mi tshambuluta mavoko ya n'wina, ndzi tisiva mahlo ndzi languta etlhelo; a ndzi nga mi yingisi, hambi mo endla swikhongelo leswo tala, hikuva mavoko ya n'wina ma tele ngati.

1 SAMIELE 12:23

Loko a ri mina, ndzi ta va ndzi dyohela HOSI Xikwembu loko ndzi nga ha mi khongeleli; hikokwalaho, ndzi ta mi tsundzuxa tindlela letinene, to lulama:

Duteronoma 4:27

HOSI Xikwembu xi ta mi hangalasa ni matiko, kutani exikarhi ka tinxaka hinkwato leti xi nga ta mi yisa eka tona, mi ta va mi nga talanga.

Eksoda 9:28

Hi khongeleleni eka HOSI Xikwembu, hikuva tilo leri ni xihangu lexi swi hi karhatile ku ringana; ndzi ta mi tshika mi famba, a mi nga ha kali mi tshama.”

Yeremiya 15:11

HOSI Xikwembu xi hlamula xi ku: “Hakunene ndzi ta ku kutsula ndzi ku katekisa, kutani enkarhini wa khombo ni maxangu, ndzi ta endla leswaku valala va titsongahata eka wena.

Yeremiya 38:14

Siku rin'wana, hosi Sedekiyasi a tlhela a rhuma vanhu ku ya vitana muprofeta Yeremiya, kutani a hlangana na yena kusuhi ni nyangwa ya vunharhu ya Tempele, a ku ka yena: “Ndzi lava ku tiva leswi HOSI Xikwembu xi ku byeleke swona. U nga ndzi fihleli mhaka ya kona!”

Yeremiya 40:15

Hiloko Yohanani n'wana Kariyaka a vulavula na Gedaliya le Mispa va ri vambirhi exihundleni, a ku: “Ndzi tshike ndzi ya dlaya Iximaele n'wana Netaniya; mhaka leyi a yi nga tivi hi munhu. Hi fanele ku n'wi sivela ku ku dlaya, hikuva ú lava ntsena leswaku va ka Yuda hinkwavo lava hlengeletaneke laha ka wena va tlhela va hangalasiwa ematikweni, kutani masalela ya va ka Yuda ma heriseriwa makumu.”

Hosiya 8:10

Kambe hambiloko va tixavele vanghana ematikweni, ndzi le kusuhi ni ku va hlengeleta. Kutani ku nga ri khale va ta tshika ku tivekela tihosi ni tindhuna.

Amosi 7:2

Loko tinjiya ti lava ku heta byanyi etikweni, ndzi ku: “HOSI, N'wini wanga, ndzi kombela leswaku u va rivalela. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Duteronoma 28:63

Loko HOSI Xikwembu xi mi endlela leswinene xi mi andzisa, xi swi tirhile hi ku tsaka, kutani ni loko xi ta mi lovisa xi mi herisa, xi ta swi endla hi ku tsaka. Mi ta tsuvuriwa mi susiwa etikweni leri mi nghenaka eka rona ku ri teka.

Pisalema 119:170

Yingisa xikhongelo xa mina kutani u ndzi kutsula, hikuva u ndzi tshembisile swona.

Esaya 42:20

N'wina Vaisraele, mi vona swilo swo tala, kambe a swi vuli nchumu eka n'wina; tindleve ta n'wina a ti pfalekanga, kambe a mi twi nchumu.”

Yeremiya 2:27

Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’