Yeremiya 42:11 - BIBELE Mahungu Lamanene

¹¹ Hosi ya Babilona leyi a yi mi chavisa, mi nga ha yi chavi. Mina HOSI ndzi ri, mi nga ha yi chavi, hikuva ndzi na n'wina, ndzi ta mi lwela ni ku mi kutsula emavokweni ya yona.

Xitsonga (Bibele)

¹¹ Mi nga chavi hosi ya Babilona, leyi mi yi chavaka; mi nga yi chavi, ku vula Yehovha hikuva ndzi na n'wina, ku mi hanyisa ni ku mi lamulela emandleni ya yena.

Yeremiya 42:11 Referans Kwoze

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

Yeremiya 1:19

Va ta lwa na wena, kambe va ta tsandzeka ku ku hlula, hikuva mina HOSI ndzi ta va na wena ndzi ku lamulela.”

Yeremiya 1:8

U nga tshuki u va chava, hikuva ndzi ta va na wena ndzi ku sirhelela. Ndzi vula sweswo mina HOSI.”

Esaya 43:5

“Mi nga chavi, hikuva ndzi na n'wina, va ka n'wina lava nga le vuxeni ni le vupeladyambu, ndzi ta va vuyisa.

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

2 Timotiya 4:17

Kambe Hosi yi yimile na mina yi ndzi tiyisa, leswaku ndzi kota ku vula Rito ndzi heta, ni leswaku vamatiko hinkwavo va ta kota ku ri twa. Naswona ndzi vutliwile enon'weni wa nghala;

Yeremiya 41:18

va balekela Vakalediya. A va va chava, hikuva Iximaele n'wana Netaniya a a dlele Gedaliya n'wana Ahikama, kasi Gedaliya loyi a a vekiwile hi hosi ya Vakalediya leswaku a va mulanguteri wa tiko ra Yuda.

Yeremiya 27:17

Mi nga va yingisi; tirhelani hosi ya Babilona, kutani mi ta hanya. Xana swa fanela leswaku muti lowu wu hundzuka rhumbi xana?”

Yeremiya 15:20

Emahlweni ka vanhu lava, ndzi ta ku endla khokholo, rirhangu lero tiya ra koporo. Va ta lwa na wena, kambe va nga ka va nga ku hluri, hikuva ndzi ta va na wena, ndzi ku ntshunxa ndzi ku ponisa, ku vula mina HOSI.

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Pisalema 46:11

HOSI ya matimba hinkwawo yi na hina, khokholo ra hina i Xikwembu xa va ka Yakobo.

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Yoxuwa 1:5

Evuton'wini bya wena hinkwabyo a ku nga vi na munhu loyi a nga ta ku hlula; ndzi ta va na wena ku fana ni leswi ndzi veke na Muxe; a ndzi nga ku fularheli, naswona a ndzi nga ku tshiki u ri wexe.

Duteronoma 20:4

hikuva HOSI Xikwembu xa n'wina, hi xona xi mi lwelaka; xi ta famba na n'wina, xi mi hlulela valala.’

Tinhlayo 14:9

Ntsena mi nga tshuki mi fularhela HOSI Xikwembu, naswona mi nga va chavi vanhu va tiko leriya, hikuva hi ta va hlula hi ku olova; swikwembu swa vona leswi a swi va sirhelela swi fambile, kasi HOSI Xikwembu xona xi na hina, kutani mi nga va chavi!”

Timhaka 18:10

hikuva ndzi na wena; a ku na munhu la nga ta ku pfukela, a ku endla leswo biha; hikuva ndzi ni vanhu lavo tala emutini lowu.”

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Yeremiya 27:12

Kutani mina Yeremiya ndzi yisa mahungu yo fana ni layo sungula eka Sedekiyasi hosi ya Yuda, ndzi ku ka yena: “Pfumelani ku tlhandlekiwa joko ra hosi ya Babilona ni ra vanhu va yona mi va tirhela, kutani mi ta hanya.

Pisalema 46:7

HOSI ya matimba hinkwawo yi na hina, khokholo ra hina i Xikwembu xa va ka Yakobo.

2 TIHOSI 25:26

Kavaloko vaaki hinkwavo va tiko, lavakulu ni lavatsongo, swin'we ni tindhuna ta mavuthu, va suka va ya le Egipta, hikuva a va chava Vakalediya.

Pisalema 118:6

A ndzi chavi nchumu, hikuva HOSI Xikwembu xi na mina, xana munhu a nga ndzi endla yini xana?

Yeremiya 27:11

Kambe loko vanhu va tiko rin'wana va pfumela ku tlhandlekiwa joko ra hosi ya Babilona, va nkhensa ku yi tirhela, mina HOSI ndzi ri, ndzi ta va tshamisisa etikweni ra vona, va tirimela masimu, va tiakela ni miti.’ ”